0. Van die oewer / From the bank, Julie ’22

WOORDE: Eugene C. Kruger, Hoofredakteur Ai, ja, dis Julie, en die koue dae is besig om langer te word en die nagte korter, met net sekondes, ja, maar wel. Aan alle lesers ‘n voorspoedige Juliemaand, lekker lees aan ons digitale uitgawe en in die koel lug ook lekker hengel! Op die kompeterende hengelfront kan ons uitsien na nog ‘n internasionale gebeurtenis op plaaslike bodem wanneer Suid-Afrika gasheer speel vir die tweede ‘World Freestyle Feeder Championships’ wat by Die Nyl van 28 November tot 2 Desember plaasvind. Dis wel vier maande die toekoms in, so hoekom reken ek dis nou al noemenswaardig? Wel, twee redes het by my opgekom: eerstens ons hengel-administrateurs is ‘n groot dankie verskuldig vir hul aansporingswerk wat dié faset – die naaste wat die hengelwêreld ooit aan ons eie papgooi gaan kom – nou deel van die wêreld se kompeterende hengelsport maak, en om Suid-Afrika as gasheerland aangestel te kry. Dit op sy eie is eintlik meer as net noemenswaardig – dis alte wonderlik om ons ou landjie so te sien presteer! Tweedens dat dit net weer eens beklemtoon dat in die hengelwêreld is niks staties nie met aanhoudende vernuwings, innovasies, verfynings en skeppings wat kort-kort hul verskyning maak. Die freestyle feeder-faset is eintlik ‘n kruisteling van gewone oewerhengel soos ons dit al die jare beoefen, en gewone method feeder-hengel wat al jare in Europa en die VK bestaan. In kort vervang mens net die aasveer met ‘n feeder om die grondvoerbal te dra en daar het jy ‘freestyle’ feeder-hengel. Okei, daar is ook ander eienskappe wat dit van gewone papgooi onderskei, maar dit is baie, baie naby aan wat ons soveel jare doen. Method feeder-hengel het dus ‘n beter kans om nie net onder kompeterende nie, maar ook sosiale hengelaars, gewild te word as wat paalhengel gehad het. Dit is so dat min hengelaars gevat kon kry aan visvang met ‘n lang paal met geen katrol. En tog, dié wat dit wel onder die knie gekry het – mans, dames en juniors – se ervaringe op die internasionale verhoog het hul algehele hengelwêreld aansienlik vergroot. Dit is so dat hengel in al sy verskeie vorms die heeltyd aan die verander is, ‘n tegnologiese reis wat al hoe meer mylpale verbysteek. Dis ‘n reis wat sedert die 1940’s aanhou vorder, met eers die omskakeling van geweefde dacron na wat in daardie jare iets van ‘n wonderwerk was, naamlik die ontdekking en gebruik van nylon en plastiek. Daarby het die Franse na die tweede wêreldoorlog met die vastespoelkatrol te voorskyn gekom, wat ons deesdae as die ‘koffiemeule’ ken. Dit alleen het die wêreldwye deelname aan visvang as ‘n buitelug ontspannings-aktiwiteit laat ontplof, want sien, nou kon almal baie maklik, ver en meer akkuraat werp as met die ou senterpinkatrolle en dacron. Nie dat die ou wawiel-katrolle summier verdwyn het nie – die ‘Orlando’, ‘Century’, Alvey en Scaborough senterpinkatrolle, asook plaaslik vervaardigde katrolle soos die ‘Night Hawk’ het bly staan as gewilde keuses vir die stoere oewerhengelaars wat daarmee grootgeword het. Hulle (die katrolle) kon wel baie meer lyn dra as die koffiemeule, maar met geen ingeboude briek was dit meeste van die tyd ‘n risiko om met die hand ‘n sterk vis se baklei te beheer. En met die inkatrol van lyn moes ‘n vinger gebruik word om die lyn eweredig op die spoel te laat lê. Dit was dus baie moeilik, haas onmoontlik, vir ‘n beginner om met sulke katrolle sonder die risiko van kraaineste te werp. En toe kom die vervaardigers van hengelgerei vorendag met koffiemeule met ingeboude briekmeganismes, so skielik kon almal met hierdie katrolle soos meesters die aas inwerp sonder die risiko van kraaineste! Dié katrolle is ook met ratte toegerus wat met net een draai van die handvatsel meer lyn kon inwin. Die koffiemeule is nie lank daarna nie verder verbeter met die aanbring van ‘n tweede briek wat inslaan wanneer die vis vasgeslaan word, naamlik die ‘bait feeder’-tipe wat deesdae baie gewild is. Hierdie voordele van die koffiemeule het gesorg dat deelname aan hengel wêreldwyd uit sy nate gebars het. Maar dit het wel ‘n nadeel gehad, naamlik die hoeveelheid lyn wat daarop gelaai kon word was nie naby dié van ‘n senterpin nie. Dié probleem is briljant opgelos met die verskyning van die plaaslik vervaardigde Stevenson ‘Phoenix’-katrol, wat al die voordele van ‘n koffiemeule met al die voordele van ‘n senterpin in een katrol gekombineer het. Met sy losknipspoel vir werp – ‘n nou ene vir varswater en ‘n breë een vir strandhengel – wat kraaineste met die werp heeltemal uitgeskakel het, ‘n kapasiteit van tot 1000-meter lyn, ‘n sterk briek en 2:1 inbringverhouding en van ‘n skokbestande materiaal vervaardig, was hierdie katrol ‘n tegnologiese wonderwerk maar op die einde ‘n kommersiële mislukking en is nie meer in ons mark beskikbaar nie. Deesdae is die koffiemeulkatrol se ontwerp en werkverrigting ‘n uitstekende voorbeeld van hoogstaande tegnologiese kundigheid, en elke jaar verskyn nuwe! beter! mooier! koffiemeulkatrolle op winkelrakke. Ook op die gebied van aas is vele nuwe uitvindings gemaak. Die floatie is seker die aas wat die meeste invloed gehad het. Eers was dit maar skewebek aangekyk, maar vinnig het die suksesse wat daarmee behaal is die hele hengelgemeenskap op hol gehad. Deesdae is geen hengelkas sonder ‘n floatie nie. Dis dieselfde met maaiers, ‘n aas wat al dekades oorsee ‘n gewilde aas is. Dit het wel tyd gevat maar deesdae is dit oral deur hengelaars aangewend. Hengelsukses is egter nie net aan gerei te danke nie (alhoewel die regte gerei vir ‘n spesie belangrik is), die hengelaar se kundigheid speel ‘n enorme rol. Vir die sosiale hengelaar hoef sy gerei nie naweek op naweek en jaar op jaar puik werkverrigting te lewer nie, maar vir kompeterende sporthengelaars is sulke betroubaarheid van kardinale belang. Die mens bly maar ‘n kompeterende wese, wil maar altyd sy prestasies teen ander meet, en soos dit met omtrent alle sportsoorte gaan, word al hoe meer tipes kompetisies uitgedink. Daarmee saam word al die gerei wat benodig word ook aangepas. Freestyle feeder is maar net nog so ‘n verskynsel. Sosiale hengelaars kan ook daarby baat vind, want dit is wel ‘n effektiewe manier van visvang, en vir kompeterende hengelaars bied dit nog ‘n geleentheid om teen ander klubs, provinsies en lande te hengel. Op die keper beskou is dit voordelig vir die hele hengel-industrie, en ek kan maar nie anders nie as om te wonder wat die volgende verskynsel of innovasie in hengel gaan wees. In ons digitale asook gedrukte tydskrifte, op ons webwerf en op die ForAnglers-platform is feeder fishing telkemale voorgestel en behandel en vele kundigheid en wenke daaroor is aangebied. Hierdie mediahuis het mediadekking verskaf en doen dit steeds. Feeder-hengel is beslis iets wat van nader ondersoek kan word, nie net vir kompeterende maar ook vir sosiale hengelaars. Om mee te begin is al wat jy nodig het ‘n paar feeders om die aasveer te vervang, en ‘n spesialis feederstok. Jy’t geen poliesman nodig nie want die voorste punt van die stok sal die byt duidelik wys. Wat se nuwighede in ons hengel gaan nog kom? Weet nie, maar weet dat dit wel gaan gebeur, so intussen geniet die hengel op jou gunsteling oewer, en soos altyd, Take Care! Eugene C. Kruger *Iets op die hart oor hengel? / Something about angling on your mind? editor@thebankangler.com

0. Van die oewer / From the bank, Julie ’22

VOORUITGANG, INNOVASIE, NUWE IDEES, WAT NOG..?

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

The Angler’s FIELD GUIDE – Part 1

Stadsjapie gaan hengel

RSA vs ISRAEL Carp International

Prologic ‘Avenger FD 8000 XD’

PRO MANIA Midweek Tournament Launched

Lesers/Readers

Kurper & bass – and pizza! – in the LOWVELD

Father’s Day was a Family Fishing Affair

Spieëlplesier by Ebenezerdam

Twin Series se Groot Visreeks

The Angler’s FIELD GUIDE – Part 1

Stadsjapie gaan hengel

RSA vs ISRAEL Carp International

Prologic ‘Avenger FD 8000 XD’

PRO MANIA Midweek Tournament Launched

Lesers/Readers

Kurper & bass – and pizza! – in the LOWVELD

Father’s Day was a Family Fishing Affair

Spieëlplesier by Ebenezerdam

Twin Series se Groot Visreeks

UIT & TUIS: NSRI – ’n Unieke en Blywende Geskenk …

LEES DIT NOU! / READ IT NOW! Die Oewerhengelaar | DESEMBER 2023

a. VAN DIE OEWER • FROM THE BANK

R550.00 per year

R55.00 per month

R399.00 per year

R40.00 per month

R399.00 per year

R40.00 per month