2019 Gys Pitzer Vaaldam Bonanza – ‘n Suksesvolle Toernooi

Honderde oewer- en boothengelaars het saamgetrek Vaaldam toe waar die jaarlikse Bonanza by Bierman en Kruger se oewers gehou is. Met die dam se watervlak wat slegs 42% was teenoor 80% verlede jaar, was daar baie minder vashaakplek vir die oewerhengelaars se stroppe, alhoewel voertuie op die oewer vasgesit het na ‘n goeie reënbui. Die 2019 Bonanza sal onthou word as een waar die dames die manne 'n goeie drag slae gegee het in al die afdelings. Oewer-afdeling Hierdie jaar het die oewer heel anders gelyk en was die eiland by Biermans heeltemal droog en daar was selfs penne op die suidelik oewer. Hierdie gedeelte by Biermans het goeie resultate gelewer en die Kia Picanto se wenner en ook 'n hele paar ander wenners het op hierdie oewer getrek. By Vaal Rawdah en Kruger was die meeste tradisionele vashaakplekke nou buite die water en die hengelaars het baie geriefliker gehengel as verlede jaar. Kruger se gronde het ook mooi vis opgelewer en 'n hele paar groot visse is daar geland. Deur die loop van Saterdag het die storm opgesteek en teen die middag het dit lekker gesous. Die Kruger-oewer het gepronk met wit sande, waar die Biermans-oewer weer uiters glibberige klei was, beslis ‘n gevaar om vir ‘n visstok te hardloop wanneer die vis byt! Die volgende oggend moes 'n hele paar voertuie uitgesleep word, maar almal was veilig by die prysuitdeling waar daar heerlike kosstalletjies en baie gelukstrekkings uitgegee is. Meer as R30 000 se pryse is hier uitgegee, en die Echo Space Bug sleepwa van Echo Link Eastrand was 'n hoogtepunt. ALGEHELE wenner Die algehele wenner van die Gys Pitzer Vaaldam Bonanza Jaunice van Rooyen saam met Gys Pitzer (regs) en Pieter Bouwer (links). Sy wen ‘n Kia Picanto ter waarde van R100 000 met haar 5,4kg karp, 10,3kg baber en 1,15kg moddervis, ‘n volle 1805,4 punte. ALGEHEEL 2DE Oewerhengelaar Lenie Rusch het ’n 12,3kg baber, 4,5kg karp en 0,95kg moddervis ingeweeg wat haar ’n Crackleback Lite Boot op ‘n sleepwa ter waarde van R80 000 laat wen het, geborg deur Escape Boating. ALGEHEEL 3DE Henry Park (Jnr) was algeheel 3e en wen ‘n kampprys ter waarde van R15 000, geborg deur Bushtec Adventure. Sy vangste was ’n 6,35kg baber, 6,9kg karp en ’n 0,7kg moddervis. ALGEHEEL 4DE Boothengelaar Stiaan Bakkes met ’n 14,2kg baber. Tesame daarmee het hy ’n 5,2kg karp en 1kg moddervis gevang en algeheel vierdeplek verower. OEWERHENGEL wenner Charleen van Vuuren het eersteplek behaal by die oewerafdeling met haar babervangs van 15,05kg. Dit lewer vir haar 'n totaal van 847 punte. Hier kry sy hulp van haar pa om hom vas te hou. Sy ontvang hier 'n gereipak van R9500 geborg deur Penn & Mitchell van Shamir Khan, bygestaan deur Jonathan de Villiers. OEWERHENGEL 2DE Llewelyn Stergianos ontvang 'n Yamaha Generator en 'n Sensation Velocity met 'n Okuma Pulzar 5000 katrol vir sy karp van 5,4kg. OEWERHENGEL 3DE Johan Fourie ontvang sy Carp King Streaker II van Barries wat instaan vir Jan Foppen, vir sy karp van 4,95kg. DAMES wenner Oewerhengelaar Natasha Wheeler met haar karp van 4,15kg wen ’n aasboot wat deur Arrow Bait Boats geborg is. JUNIOR wenner Oewerhengelaar Henry Park (JnrJnr) met ’n karp van 3,55kg. Hy wen ’n aasboot wat deur Loukie’s Bait Boats geborg is. BOOT wenner Jordan Botes wen die boot afdeling met haar 16,4kg baber. Sy ontvang hengelgerei ter waarde van R9500 geborg deur Mitchell en Penn. GELUKSTREKKING WENNER Quinten Nel oorhandig hier die pragtige Echo Space Bug sleepwa van Echo Link Eastrand aan 'n baie opgewonde Dewald Ayer. NOG MEER VANGSTE Francois Nieuwoud 3,15kg karp Irealeboha and Thembiso Mbo 2,50kg karp John Montshiwa met sy 2,50kg karp Louis de Kok met sy 3kg karp Aiden Koch 2,75kg Karp Lindie Viljoen 1,35kg karp