G. Drie noodsaaklikhede Vir Trofee-Grootte Baber

WOORDE & FOTO'S: Thian van Zyl Om ‘n trofee-grootte baber te vang benodig mens drie noodsaaklike items in jou mondering, naamlik die regte gerei, die regte aas en die regte strop. In my opinie is die strop die belangrikste van die drie – dit is natuurlik daar om die vis te vang. Elke strop het sy unieke funksie en rede onder die omstandighede vir hoekom dit gebruik word en sy doel die effektiefste te verrig. Die drie stroppe wat ek gebruik wanneer ek vir groot babers hengel het elkeen hulle unieke rede en manier van gebruik. GLY-STROP Die eerste strop wat na gekyk word het ‘n gly-effek waar die gewig van keuse op die skag skuif, en die aas, of dit nou ‘n viskop of filet is onder aan die enkelhoek gehaak word. Die sinker skuif tot teenaan die hoek vir twee redes. Die eerste rede is wanneer die baber die aas optel die sinker staties lê, wat die baber toelaat om met gemak nog rond te kan swem en die aas behoorlik te sluk. Die ander is om te vermy dat die strop vashaak en die vis dus verlore is. Dié strop is dus ideaal om te gebruik by areas waar daar baie haakplek is en of by oewers waar die vis baie versigtig byt. Afmetings en groottes: 45cm vir skaglyn (30lbs lyn); #7 soutwater J-hoek. Gly-baberstrop. KABELJOUSTROP Die tweede strop lyk na ‘n tipiese kabeljoustrop waar die gewig en hoek aan ‘n drierigting draaispil vas is en langs mekaar hang met die aas aan ‘n enkelhoek gehaak word. Wanneer hierdie strop gewerp word, beweeg die sinker verby en voor die aas om die hele strop as ‘n eenheid met baie minder weerstand te trek. Die strop is dus ideaal vir wanneer mens by oewers hengel waar jy baie diep moet werp want jy kan dit baie verder laat trek. 30cm vir sinkerlyn (30lbs lyn); 30cm vir hoeklyn (30lbs lyn); #7 sirkelhoek. Drierigting baberstrop. KNOOPLOSE KNOOP-STROP Die derde strop waarna gekyk word is ook een waar die gewig en aas langs mekaar hang en vas is aan ‘n drierigting-draaispil, maar in plaas van ‘n enkelhoek het die strop twee hoeke wat werk soos ‘n haarstrop wat vir spesiehengel gebruik word. Die strop het ‘n effektiewe en vinnige hoekset omdat die onderste hoek aan die aas haak en dien as ‘n draer vir die aas wat die boonste hoek wawyd oop los vir die haak van die vis. Met die bind van die strop word ‘n knooplose knoop gebruik op beide hoeke maar die strop moet so gebind word dat die hoeke weg van mekaar af kyk. Haarstrop baberstrop. Hoekset met haarstrop-baberstrop. 30cm vir sinkerlyn (30lbs lyn); 30cm vir hoeklyn (30lbs lyn); #6 hoeke. Belangrikheid van baberhengel met vis-aas: Met grootbaber hengel is dit belangrik om geduld te hê, nie net vir die wag periode nie, maar ook met die bytproses. Baie mense het die neiging om te vinnig te kap soos die stok loop, maar as daar gekap word kom die strop en aas meeste van die kere heel uit, juis vir die rede omdat die baber nie die aas ordentlik gesluk het nie. Met die bytproses is dit nodig om vir ‘n paar sekondes (verkieslik 3-5 sekondes) te wag soos die stok hardloop of terugbyt om ‘n groter waarborg te hê dat die vis die aas ordentlik gevat het en die hoek ordentlik in sy bek het. Die vraag wat altyd gevra word is of die kop die beste aas is, en of ‘n stuk van die vis se lyf die beste is? Die antwoord kom daarop neer dat beide die ase baber vang, maar soos ons kyk na wat die baber lok bly die kop koning. Die rede is juis omdat die kop baie bloed en olie bevat wat natuurlik die baber vinniger lok. Indien die kop nou nie saam uit kom nie of verloor word tydends die baklei, is dit nie die einde van die wêreld nie, want die hengelmark is so wonderlik dat hulle visoliebasis dips het wat dieselfde min of meer kan doen en dien as die kop se olies en kleur. Alles op die einde van die dag kom daarop neer om die omstandighede reg te lees vir die regte strop en die selfvertroue en tydsberekening om daai persoonlike beste uit te trek. 'n Mooi 14,12kg baber gevang op die 'hair rig'-strop. Drierigting baberstrop met 'n muddiekop.

G. Drie noodsaaklikhede Vir Trofee-Grootte Baber

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

1. VAN DIE OEWER | FROM THE BANK

Zero tot HERO

Three TOP DIP Combinations

CAMP MASTER’s Dry Bag & Self-Inflating Cooler Box: Keep it cool this summer

Ons LESERS spog! • Our READERS brag!

PRIM & PROPER …

Wolfi steel harte, en ruik vis!

‘n Volledige Gids van die Varswatervisse van Suider-Afrika

Hengel saam met FRIK & RIËTTE

THE ANGLER’S LIBRARY: FRESHWATER FISHES OF SOUTHERN AFRICA

1. VAN DIE OEWER | FROM THE BANK

Zero tot HERO

Three TOP DIP Combinations

CAMP MASTER’s Dry Bag & Self-Inflating Cooler Box: Keep it cool this summer

Ons LESERS spog! • Our READERS brag!

PRIM & PROPER …

Wolfi steel harte, en ruik vis!

‘n Volledige Gids van die Varswatervisse van Suider-Afrika

Hengel saam met FRIK & RIËTTE

THE ANGLER’S LIBRARY: FRESHWATER FISHES OF SOUTHERN AFRICA

MY TURN | MY BEURT: Stywe Lyne Tight Lines December 2024

1. VAN DIE OEWER | FROM THE BANK

STYWE LYNE TIGHT LINES Cover: December 2024

R550.00 per year

R55.00 per month

R399.00 per year

R40.00 per month

R399.00 per year

R40.00 per month