Avontuurhengel Saam Met Conqueror

Die hengelavontuur begin altyd al maande voor die werklike uitstappie, en die beplanning is deel daarvan. Die opgewondenheid pak jou mos as jy begin fotos kyk en op Google Earth die landskap begin fynkam vir paadjies, sloepe en rotsbanke van waar jy die blinklywe gaan soek. Ons is besig met beplanning vir 'n uitstappie na die Kunene-mond toe, waarvan ons later meer sal vertel. Om die beste daarvan te maak, doen moeite as jy begin beplan, veral sover dit jou voertuig, boswa, gerei en proviand aangaan. Die laaste ding wat jy wil hê, is dat jou vleis sleg word en jy nie ordentlik kan eet nie. As jy in die veld is om te gaan visvang, wil jy nie sukkel nie, en wil jy seker maak dat die kamp-opslaan tyd beperk word, die kosmaak proses vergemaklik word, die slaapervaring supergerieflik is, die stort warm is en dat die kos en drankies yskoud bly! Maak dus seker dat jy die regte wa of woonwa het wat aan hierdie vereistes voldoen, en dat jy presies weet hoe alles werk. Ten einde die beste te maak van die uitstappie is dit belangrik om presies te verstaan wat die kragbehoeftes is en hoe dit verskaf kan word. Dis is die tipe visse waarvoor mens so lank beplan. Hier is Vivian Torlage saam met Petri de Wet tydens een van die “Hier gaan ons alweer” uitstappies. Dit is bv. belangrik om te weet wat nodig is om 'n vrieskas teen -15 grade te hardloop teenoor -4 grade. Elke behoefte vereis dan ook natuurlik onderskeie toerusting na gelang van byvoorbeeld die tydsduur in die veld. Die bekwame personeel by die Conqueror Midrand of Northgate takke sal hierdie vrae antwoord. Die opsies met betrekking tot krag vir yskaste, ligte en so meer is legio. Daar kan verskeie tipes batterykombinasies en -pakke verskaf word, met al die nodige elektronika wat stroom en verbruik reguleer, met verskeie opsies van sonpanele om deurentyd die batterye aan te vul. Die koppeling met die voertuig se kragstelsel verseker ook dat alles gelaai word op die pad. Conqueror se tegniese spanne kan al die raad gee rakende ander opsies soos 'n tweede battery in die voertuig en hoe om die beste integrasie opsie te kies vir jou behoeftes. Die goue reël: Verseker dat die kapasiteit van jou herlaai en bergingstoestelle meer is as die gemiddelde verbruik van al die toestelle wat jy gaan gebruik. Bou so 25-30% ekstra in vir bewolkte dae en reënweer, of as dit baie warmer is wat verwag word. Wenk: Begin die uitstappie met alle vleis ten volle gevries, en pak die "steak" heel onder, dan die skaaptjops, dan die wors en varktjoppies en die hoender heel bo. As die vrieskas dan op ongeveer -1 tot -4 gestel word, sal die boonste vleis stelselmatig begin ontvries en kan so gebruik word. Die steaks aan die onderkant behoort baie gemaklik 5-6 dae gevries te bly, en kan dan nog 'n paar dae koud gehou word en steeds veilig wees. Op hierdie manier kan die krag behoeftes lank gerek word. Die standaard Conqueror bied jou genoeg pakplek vir 'n redelike lang tyd, en met die gasstoof en toerusting kan enige tipe maaltyd gemaklik voorberei word. Dit is belangrik om genoeg nie-bederfbare kos ook te pak, soos blikkieskos, beskuit, mieliemeel, rys, pasta, gedroogte vrugte ensovoorts. Ten opsigte van water is dit nie nodig om te veel water van meet af saam te ry nie, en bo in Afrika kan daar gemaklik so elke 400km vars drinkwater aangevul word, asook items soos aartappels en uie. Ons beveel aan dat die tenks op roete leeg gery word. By die laaste stop voor die woestyn ingevaar word, of voor 'n paar dae teen die see gestaan gaan word om lekker vis te vang, kan die tenks gevul word tot 'n maksimum van 150l. Die meeste Conqueror waens is standaard toegerus met 'n gasverhitter om 'n lekke warm stort te verseker. Wenk: Laai 'n toep af wat die weerstoestande redelik akkuraat voorspel vir die volgende 10 dae en stoor die inligting op jou foon sodat jy nie afhanklik is van sein nie, daar is baie plekke wat daar natuurlik glad nie opvangs is nie. Dit is baie belangrik dat jy jouself toerus volgens jou eie behoeftes en jy moet altyd voel dat jy presies het wat jy nodig het. Vir sommiges van ons is die ligter boswaens soos die Compact en Comfort heeltemal genoeg en hanteerbaar, en vir ander is die boswoonwaens soos die Commander en Companion met meer spasie die aangewese produk. Dis egter belangrik dat jou sleepvoertuig die wa moet kan hanteer. As daar nou een ding is wat Conqueror goed doen, dan is dit om te "customise" na 'n kliënt se behoefte. Dis is die tipe visse waarvoor mens so lank beplan. Hier is Vivian Torlage saam met Petri de Wet tydens een van die “Hier gaan ons alweer” uitstappies. NUUT - Conqueror het nou ook 'n nuwe reeks UEV's - Urban Escape Vehicle - wat heeltemal in 'n ander klas is. Hier het hulle van 'n ligte 2-slaap woonwa tot 'n groot dubbel-as supergerieflik boswoonwa. Hier is een in aksie. Daily Checklist Op die langpad en veral van die pad af, gebeur daar baie dinge en hoe erger die terrein, hoe meer druk word op die toerusting geplaas. Alhoewel hierdie waens gebou word daarvoor, is daar tog 'n paar belangrike goed wat elke dag nagegaan moet word om te verseker dat daar nie iewers groot skade is nie. Inspekteer bande. Kyk of die loopvlak goed is, en dat daar nie snye of "bubbles" ontwikkel nie, veral op die sykante, waar klippe gewoonlik die skade aanrig. Gaan wielmoere na. Dis goed om die wiel so bietjie lateraal te beweeg met die hand, op hierdie manier kan jy voel as daar speling is op die moere of selfs die laers (bearings). Kyk spesifiek vir 'n enkel moer wat begin losdraai. Maak seker die koppeling is skoon en dat daar nie 'n oormaat ghries in is nie. Met stof en sand vorm dit natuurlik 'n lekker "grinding paste" Verseker dat die skokbreker in goeie werkende toestand is, en dat daar nêrens krakies begin nie. Hierdie skokbrekers werk baie hard. Die koppelstaaf moet ongeveer 'n vingerbreedte uitsteek, dan doen die skokbreker sy werk en die rubbers in nog in goeie toestand. Gaan die wa na en kyk of daar nie enige boute, moere of "latches" is wat loswikkel in die ry nie. Gaan proppe na op alle tenks.