Avontuurhengel saam met Conqueror

Elke hengelaar het nodig om van tyd tot tyd uit die gejaag en gewoel van die stad te kom en iewers te gaan hengel waar daar werklik rus vir jou siel is. ’n Paar van hierdie plekke kry jy iewers op teen die Weskus van onder in Namibië tot bo in Angola. Om daar uit te kom en tyd te kan spandeer het jy nodig om die regte voertuig en sleepwa te hê. ’n 2 wiel aangedrewe bakkie met ’n 6 voet bagasie sleepwa en 13 duim wiele gaan nou nie eintlik die ding doen nie. Dit is ook nie altyd nodig om ’n splinternuwe hoë gehalte Conqueror te gaan koop nie; gaan gesels met die handelaars oor die "pre-loved" waens wat beskikbaar is. Hulle is ook baie goed daarmee om jou wa te "customize" presies soos jy dit wil hê, insluitend onderskeie tentversienings en veranderings. Doen moeite om presies te verstaan wat elke wa in die reeks as standaard toerusting het, en maak seker jou voertuig se sleepvermoë word in ag geneem. Wanneer so ’n uitstappie beplan word is daar natuurlik altyd ’n hele paar goedjies wat moet reg gedoen word om die uitstappie suksesvol, gemaklik en sonder enige onnodige gebeurlikhede te laat verloop. Doen moeite om ’n bekwame gids te kry wat die gebied ken en al menigmale voorheen daar was. Moet nie probeer Vasco da Gama speel nie.Besluit vooraf watter vis jy wil teiken en bepaal die regte seisoen. In die wintermaande van Junie tot ongeveer September waai die suidwester lekker sterk en die koue Aghullas seestroom uit die suide bring die kabeljou, leervisse en Jack Trevalles. Januarie tot April is die steenbrasse lekker aan die gang hier vlak in die branders. Daardie groot blou elwe is egter die grootste deel van die jaar daar. Versien jou voertuig en sleepwa of boswoonwa by ’n goedgekeurde handelaar en gebruik oorspronklike onderdele.Maak ’n lys van kritiese onderdele om saam te ry en skaf dit aan.Ons Conqueror handelaar stel voor dat die volgende nooit by die huis mag bly nie:Wiellaer stel (Bearing Kit)Koppelaar skokbreker(Coupling Shock) Wielboute en moere (Studs and Nuts)As jy daar wil ry waar min ander mense is, gaan daar nie noodwendig brandstof geredelik beskikbaar wees nie, neem dus ten minste 4 x 20l Jerrykanne met die regte brandstof saam. Veral 50PPM diesel is maar skaars daar rond.Dit is ook raadsaam om meer as een spaarwiel saam te vat.’n Noodboksie met olie- diesel en lugfilters, asook ekstra olie is ook raadsaam. Kom ons praat banddruk: Eerstens is dit belangrik om seker te maak dat jy banddruk gemaklik en vinnig kan verander na gelang van die kondisies. ’n Goeie bandrukmeter en 12v pomp is van kardinale belang. Hoe besluit ek watter druk in watter omstandighede? Wanneer die pad baie sleg en klipperig is, kan die druk so rondom 1.8 bar wees, ten einde meer skok te absorbeer en die skokbrekers en inhoud van die wa en voertuig te beskerm. In die sand is dit natuurlik weer ’n ander storie, en moet ons oplet hoe die sand lyk. Daardie baie sagte poeiersand vereis so laag as 0,6 bar terwyl gewone klam seesand ongeveer 1 bar benodig. Ongeskrewe reëls in die natuur: Bly op die vorige spore, moenie jou eie nuwe pad maak nie.Wees bedag op areas wat moontlik skilpadneste of iets dergeliks kan huisves en bly weg daarvan.As jy kampplek soek, bly weg van die oop areas soos die strand waar die wind jou kan wegwaai en gaan soek skuilplek agter ’n duin.Gewone tentpenne werk nie hier nie - maak seker jy het die regte spiraal indraai penne, plaatpenne of ’n maklike, ligte en ekonomiese opsie - ankersakke!Ankersakke is eenvoudig sterk seilsakke met ’n lus waaraan die tou vasgemaak word. Die sak word vol sand gemaak en lekker diep begrawe. Die duine daar is nie gevorm deur iemand met ’n graaf nie - dis die wind se werk, hy mag maar waai daar, maak gereed daarvoor. Johan Greyling en Vivian Torlage is die eienaars van Conqueror Midrand en Northgate onderskeidelik, wat ’n passie van avontuurhengel deel. Saam het hulle al baie plekke gereis, gekamp en gehengel. Hier staan hulle voor een van die bekende, of eerder berugte, passe in Angola - die Lubongo pas op roete na Namibië teen die kus. Hulle gaan in hierdie reeks hulle ervaring en kennis deel. Johan en Vivian se avonture strek die hele kus op en as gesoute hengelaars gaan soek hulle sulke pragvisse soos hierdie leervisse. *Volgende maand gesels ons meer oor die reekse en die standaard toerusting, wenke vir gemaklik kamp en lees in Die Oewerhengelaar van die opwindende projek waar ons saam met Conqueror Midrand & Northgate en www.Foranglers.co.za werk om ’n spesiale wa te ontwikkel wat net vir die hengelaar ingerig is. Die Conquerer laer agter die duin uit die wind uit.