BAARSHENGEL-AKADEMIE: Kul hul met ’n wurm – Die Trick Worm

WOORDE: Martin Engelke FOTO’S: Verskaf Dit is nou al amper tagtig jaar sedert die oorspronklike sagte plastiekwurm vir baarshengel deur ene Nick Creme bekendgestel is. Te danke aan hierdie sensasionele uitvindsel het die verskillende tipes sagte plastiekase eksponensieel toegeneem. Elke jaar stel vervaardigers nuwe vorms bekend, selfs dié wat oor markleiers beskik. Vir my is die kulwurm- (in Engels trick worm) variant seker van die mees effektiewe vorms daarvan, en die hengelmetode wat met dit toegepas word word in Engels perfek beskryf as trick worming. 'n Egte kulwurm is na agter toe afgespits met ’n knop in die stert. Hierdie knop veroorsaak ’n oordrewe swaai-aksie sodra die wurm onderwater met ’n pluk-pluk aksie ingekatrol word. Die 'Jitterbug' deur YUM vervaardig was ’n uitstekende voorbeeld hiervan, maar ongelukkig sien ek dit nêrens meer beskikbaar nie. Die VENOM 6.25-duim Trickster-finesse wurm is egter 'n goeie plaasvervanger, en so is die ZOOM 6,5-duim finessewurm. Hulle is nie egte kulwurms nie maar is baie naby daaraan en kan met sukses aangewend word. 'n Goeie plan is om twee wurms aanmekaar te heg om hulle nog meer effektief te maak. BO: Die 6,5-duim Zoom-finessewurm. ONDER: Die VENOM 6.25 TRICKSTER finessewurm. Hulle is almal in verskeie kleure beskikbaar. Hierdie finessewurms is nie egte kulwurms nie maar ’n goeie plaasvervanger daarvan. Kulwurms (trick worms) is na agter toe afgespits met ’n knop in die stert. Die knop veroorsaak ’n oordrewe swaai-aksie sodra die wurm onderwater met ’n pluk-pluk aksie ingekatrol word. Eienskappe van hierdie tegniek is dat dit geruisloos is met net ’n hoogs sigbare kleur, en die uitlokkende aksie onder die oppervlak wat as sneller dien om ’n baars te kry om dit aan te val. Dit volg dan dat helderskoon water die mees ideaal is. Met dié dat daar soveel buitengewone kleure, byvoorbeeld pienk beskikbaar is, werk die tegniek ook goed in damme waar daar erge hengeldruk is. Gerei: ’n Medium-aksie spinstok van 6’6’’ tot 6’9” stel jou in staat om die aas in die kleinste opening in te piets, asook om dit skerp terug te pluk. Laai die katrol met ’n dun en gladde braid om die ligter wurms aan te bied, dan ’n draaispilletjie met ’n 45cm-fluorocarbon-voorslag aan die hoek te bind. In vlak, oop poele by byvoorbeeld watergras, verkies ek weer ’n 6’8”-draaispoel-stok met fluorocarbon op die spoel gelaai. Dit kan verder gooi, maar nog belangriker, kan so ’n katrol na die gooi-aksie baie gouer in werking gestel word. Die voordeel hiervan is dat die baars hierdie hoogs sigbare wurm deur die lug al sien aankom en dit onmiddellik met die landing kan gryp en omdraai. Die spinkatrol reageer eenvoudig te stadig om dit te doen. Helderskoon water – uitstekende habitat om met die kulwurm te teiken. Kies jou wurm so: ’n Sagte kulwurm in so lank as wat jy kan kry. Dit moet so sag wees dat, sou dit in die middel vasgehou word, die twee punte regaf behoort te hang (soos op die foto gesien kan word). En terwyl die alomverkrygbare ses-duim modelle wel werk, jy twee aanmekaar kan heg (smelt met ’n soldeeryster of heg met ’n toepaslike gom). 'n Goeie finessewurm moet só soepel wees. Die kleur is sekerlik die belangrikste, en verkieslik moet ’n verskeidenheid hiervan byderhand wees. Die helder kleure sluit in pienk, swart en wit. Merthiolate en chartreuse skree weer behoorlik en werk ook, maar is meer effektief waar die water effe troebel is, byvoorbeeld die Vaalrivier waar dit onder die wilgerbome tot agter ingepiets kan word. Maar met die beskikbaarheidsprobleem wat ek ervaar, kon ek net voorraad opbou deur chartreuse en wit te koop, wat ek toe saamsit sodat die groen gedeeltelik in die wit kan intrek. Selfs die pienk blyk beter te word sodra dit ’n ruk in die son verbleik het. Natuurlik is die gewone groen soos waatlemoen ook beskikbaar. Toepassings: Hierdie aas moet net onder die oppervlak aangebied word. Die mees ideale omstandighede is in glashelder water, op ’n somersdag, bewolk, maar nie kouefrontwolke nie. Jy gooi eenvoudig die aas uit na jou teikenarea en pluk dit hard terwyl jy dit terugbring op ’n slap lyn. Eksperimenteer met die ritme en ook die diepte, maar aanvanklik is dit verkieslik om dit redelik vinnig te doen om sodoende water te dek totdat die vis opgespoor word. Daarna kan met ’n afwisseling van kleure en ritmes, verskillende baars uit dieselfde area gevang word. Skrywer met een van sy vele vangstes met ’n kulwurm, hierdie keer by Renosterkopdam. Die lengte van ’n kulwurm is liewer langer as korter: twee wurms kan aanmekaar geheg word – met ’n soldeeryster of gom. Hierdie is nie uitsluitlik ’n vlakwatertegniek nie, trouens is dit ook uitstekend vir groot baars in helder, diep water. Ek self het al dosyne baars so uit dieptes gebring by damme soos Renosterkop en Disaneng toe beide nog vol was, met 3,1kg die grootste. In die geval van enige oorhangende dekking soos bome en jetties, piets mens dit net in tot agter, met die groot voordeel dat min hengelaars eintlik hierdie teiken bereik. Nog ’n gebruikstegniek is as ’n opvolg-aas wanneer die baars draai maar nie jou oppervlak-aas gegryp het nie. Ander bote kan jou ook op ’n besige dag frustreer, waar jy net nie ’n plek kan vind wat nog nie gepeper is nie. Dit is ook dan wanneer hierdie tegniek met ’n pienk wurm werk. Dit het al gewerk waar ek moes wag en die vierde boot was wat ’n gewilde plekkie geteiken het, wat so klein was dat net een boot op ’n slag dit kon doen. Met my eerste gooi het ek ’n groot baars gevang! Daar is ook altyd nadele, en een is dat hierdie stil tegniek nie baars uit digte dekking roep nie. Aan opwindenheid is daar egter nie ’n gebrek nie, omdat sulke helder kleure net onder die oppervlak ook ’n soort bytverklikker verteenwoordig sodat jy duidelik kan sien as ’n baars opkom en die wurm gryp!

BAARSHENGEL-AKADEMIE: Kul hul met ’n wurm – Die Trick Worm

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

GROOTKARPHENGEL: Ons Hengeltog by ’n Moeilike Dam

Yamaha to Host Joburg’s Biggest Boat Show

ACTUALITY: SACRAA TO INTENSIFY EFFORTS TO GAIN GOVT RECOGNITION FOR RECREATIONAL FISHING

DIE KATROLLE SING: ‘n Entrepreneur

ANGLING INDUSTRY: 2022 SAFTAD GENERATES ‘CAREFUL OPTIMISM’

BAARSHENGELKLASKAMER: KRULSTERT-GRUBS (‘CURLY TAIL’ GRUBS)

BOOTHENGEL: Klipdrift se Koi-Karpe

BASS FISHING IN THE SPAWN – A SCIENTIFIC PERSPECTIVE

FISHFINDER: August

MAJOR BASS FISHING: Inanda Dam July 2022

GROOTKARPHENGEL: Ons Hengeltog by ’n Moeilike Dam

Yamaha to Host Joburg’s Biggest Boat Show

ACTUALITY: SACRAA TO INTENSIFY EFFORTS TO GAIN GOVT RECOGNITION FOR RECREATIONAL FISHING

DIE KATROLLE SING: ‘n Entrepreneur

ANGLING INDUSTRY: 2022 SAFTAD GENERATES ‘CAREFUL OPTIMISM’

BAARSHENGELKLASKAMER: KRULSTERT-GRUBS (‘CURLY TAIL’ GRUBS)

BOOTHENGEL: Klipdrift se Koi-Karpe

BASS FISHING IN THE SPAWN – A SCIENTIFIC PERSPECTIVE

FISHFINDER: August

MAJOR BASS FISHING: Inanda Dam July 2022

GROOTKARPHENGEL: Ons Hengeltog by ’n Moeilike Dam

Yamaha to Host Joburg’s Biggest Boat Show

ACTUALITY: SACRAA TO INTENSIFY EFFORTS TO GAIN GOVT RECOGNITION FOR RECREATIONAL FISHING

R499.00 per year

R49.00 per month

R299.00 per year

R29.00 per month

R299.00 per year

R29.00 per month