BAARSHENGELAKADEMIE: Braid Het Wel Sy (Super) Gebruike

Sommige baarshengelaars verpes braid en ander kan weer nie daarsonder nie. Vir diegene wat nie stoere braidhengelaars is nie het die tyd aangebreek vir ‘n meer pragmatiese benadering, naamlik dat dit tog by tye van nut kan wees. Ons noem al lankal alle superlyne “braid”, in weerwil daarvan dat nie almal gevleg word nie en daar selfs unifilamente beskikbaar is. Vir die doel van hierdie artikel bly die aanwendingsbeginsels egter konstant. Braid (in Afrikaans "gevlegde lyn") het sedert sy verskyning in die baarswêreld talle ondersteuners vir die gebruik daarvan gelok. Hier volg ‘n lys van die gebruike van hierdie superlyn, met heelwat wenke daarby: As Hooflyn: Terwyl daar wel baarshengelaars is wat al hul tegnieke toepas met braid wat direk aan die hoek geknoop is (ek ken twee hoogs ervare manne wat dit met pienk lyn doen!), is daar wel twee tegnieke waarvoor hierdie aanwending ideaal is. Eerstens met paddahengel, en tweedens waar die aas direk in digte dekking aangebied word. Braid voel niks vir plantegroei nie en sny eenvoudig deur dit as daar ‘n vis aan is. Solank die lyn naastenby dieselfde kleur as die plante is, behoort die sigbaarheidskwellinge geneutraliseer te wees. Onderwater hout benodig telkens ‘n ander benadering. Die meeste braid het ‘n saaglemagtige tekstuur, en dit saag dan uiteraard by die hout in wat sag geword het toe dit met water deurdrenk geraak het. Iemand wat egter steeds braid verkies sou in so ‘n geval beter bedien word deur een van die produkte wat met ‘n teflonskede omhul is. As Draerlyn: Braid se grootste baarsaanhangers verkies dit as ‘n draerlyn waaraan ‘n leierlyn (leader line) of partymaal net ‘n kort voorslag, geheg is. Hierdie leierlyn kan of van fluorocarbon wees of ‘n relatief skuurbestande monofilament. Die relevantste eienskappe van die fluoro is dat die meeste meer skuurbestand is en ook swaar is wat veroorsaak dat dit teen ‘n voordelige trant sink vir hengel met sagte plastiekase en jigs. Dit is ook minder sigbaar onderwater as sekere monofilamente. Die braid-tot-fluoro knoophouvermoë bly egter bedenklik. Co-polymer-lyn, oftewel monofilament, verleen weer ‘n baie beter knoop en is ook meer skokbestand vir reaksie-tipe ase soos liplose kunsvissies, jerkbaits en spinnerbaits. Dit is ook bevredigend dryfbaar vir die gebruik van oppervlakase en dus, in ‘n neutedop, alsydig. Let wel dat hierdie stellings veralgemenings is. Daar is byvoorbeeld baie sagte fluorocarbons wat maar tengerig is en ook klipharde mono’s wat nie lekker knoop nie. Nuwerwetse tegnologie het hierdie gapinge darem vernou. Skrywer met die bewys van die deugde van braid vir groot baars. Braid is by uitstek die regte keuse wanneer groot, trofee-grootte baars geteiken word. Vir Algemene Gebruik Uiteraard sal die meeste baarshengelaars wat oor ‘n stok of stokke met braid met ‘n leierlyn beskik, dit vir algemene baarshengeltegnieke aanwend. Hoofsaaklik op hul wurmstok omdat hulle die gooivermoë van die lyn verkies, asook die radikale sensitiwiteit daarvan en die feit dat net die leierlyn gereeld vervang hoef te word, en nie die hele lyn wat op die katrol is nie. Meerdoelige Gebruik/Alternatiewe Stoktegnieke Ek beveel hierdie opset sterk aan, trouens hou ek twee byderhand: een baitcaster-stok is ‘n medium-swaar (12-16-pond lyn) met ‘n effe meer paraboliese aksie om vir die gebrek aan rek te vergoed. Die braid is 0,22mm dik om steeds redelik sterk te wees, maar ook lekker ver te kan gooi terwyl daar steeds direkte kontak met die aas behou kan word. Die leierlyn is ‘n stoklengte redelik skuurbestande mono van 0,33 tot 0,35mm dik. Die lengte is ‘n kombinasie van meer rek as tradisionele viervoetlengtes, maar dat die knoop dan steeds nie in die katrol sit as ‘n mens wil gooi nie. Die hoofdoel van hierdie opset van my is vir liplose kunsvissies tot en met ‘n half ons, maar dit is ook daar vir drieduim harde swimbaits, dieploper jerkbaits en 1/8-ons spinnerbaits wat makliker gegooi word met die dun braid as met die stewige stok en lyn waarmee ek standaardgrootte spinnerbaits hengel. Die ander stok is weer ‘n swaar aksie (14 tot 30-pond lynklas) maar weereens ‘n meer paraboliese aksie vir die braid (dit is oorspronklik ‘n paddastok en trouens gebruik ek dit steeds as sulks wanneer ek nie seker is of ‘n hol- of soliede padda beter is nie en dan albei tipes aansit). Die braid is sterker as die ander een s’n en die leierlyn is 0,38 of 0,40mm. Hierdie stok se hoofdoel is swemmende grubs, swimbaits of swimjigs, asook buzzbaits. Dit dien ook as ‘n reserwestok sou iets fout gaan met ‘n wurmstok. Spinningstokke Sommer uit die staanspoor van nuwerwetse superlyn was hierdie die gewildste aanwending van braid, omdat die lyn nie so erg verdraai dat dit hengel uitskakel soos met die ander twee hooflyntipes nie. Die het ’n al hoe groter voordeel geword namate al hoe meer lyne rond vervaardig word. Die eerste en tweede generasie weergawes se plat- en ovaalvorms veroorsaak weer dat die lyne opskroef wat gooi-afstand belemmer het. Jerkbaits Beide tipes, hard en sag, maak staat op skerp dartelende aksies. Dit is so suksesvol dat ek dit sedertdien toepas. Oppervlakaas Veral sagte drywende ase baat hierby, maar die dryfvermoë van braid leen dit selfs toe aan gewone harde oppervlakase. ‘n Mens moet jouself net aanleer om baie fyner plukkies te gee. Finesse ‘n Mediumligte, ligte of ultraligte spinningstok, belaai met ‘n dun superlyn en dan ‘n leierlyn, stel ‘n mens in staat om lang gooie met piepklein asies te maak en ook oor daardie lang afstand die hoek ook vas te maak. Hierdie klein ase word telkens juis benodig wanneer die water helder is. WENK: Dit is baie moeilik om die dunste groen braid dop te hou, wat nogal belangrik is met finesse-hengel. Om hierdie rede beveel ek ‘n helder pienk - of chartreuse lyn aan. Gebruik dan net ‘n waterbestande groen permanente merkpen en kleur die eerste viervoetlengte van die lyn daarmee in. FEIT: Ten spyte van die ophef oor die “feit” dat drieangelhoeke uit ‘n baars se bek kan skeur met die gebruik van braid, hengel ek dit al lankal so en het ook nog nooit ‘n vis hierdeur verloor nie. March | April 2022 printed magazine is available at retail stores until 29 April 2022.

BAARSHENGELAKADEMIE: Braid Het Wel Sy (Super) Gebruike

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Guess the mass of the CARP and WIN an Adrenalin Fishing Tackle Hamper

How to stay competitive in tournament angling

BAARSHENGEL-AKADEMIE: Kul hul met ’n wurm – Die Trick Worm

GABON: ONVERGEETLIKE HENGEL-ERVARINGE

Is dit belangrik om fiks te wees as jy op ‘n hoë standaard wil kompeteer in hengel?

Spangled Emperor Vakansieverrassing!

Gooi, Krag en Uithouvermoë vir toernooie.

AN AMERICAN IN AFRICA: A Bass Angler exclusive with Ray Scott

LESERS | READERS

NEXT LEVEL BASSING: Targeting Transition Zones In Late Winter

Guess the mass of the CARP and WIN an Adrenalin Fishing Tackle Hamper

How to stay competitive in tournament angling

BAARSHENGEL-AKADEMIE: Kul hul met ’n wurm – Die Trick Worm

GABON: ONVERGEETLIKE HENGEL-ERVARINGE

Is dit belangrik om fiks te wees as jy op ‘n hoë standaard wil kompeteer in hengel?

Spangled Emperor Vakansieverrassing!

Gooi, Krag en Uithouvermoë vir toernooie.

AN AMERICAN IN AFRICA: A Bass Angler exclusive with Ray Scott

LESERS | READERS

NEXT LEVEL BASSING: Targeting Transition Zones In Late Winter

Guess the mass of the CARP and WIN an Adrenalin Fishing Tackle Hamper

Pro Mania Top 10 | June 2022 – Week 4

U. ELEGANT FUEL BLOEMHOFDAM BONANZA 2022

R499.00 per year

R49.00 per month

R299.00 per year

R29.00 per month

R299.00 per year

R29.00 per month