BAARSKLASKAMER: Die Squarebill – Vir Die Hele Jaar

WOORDE: Martin Engelke FOTO’S: Verskaf Die Squarebill kunsvissie word al hoe meer ‘n uitstekende opsie regdeur die jaar, maar oortref nie altyd die spinnerbait, chatterbait en lipless in die hitte nie. Party reken dis net vir gebruik in die somer, maar in Amerika word dit met groot sukses tot in die snerpende koue winters gebruik. ‘n Mens kan dit op dieselfde plekke gooi waar jy die voorgenoemde ase sou gebruik, met ander woorde by dekking. As jy dit egter bo-op vlak- of uitsteekgras gaan gooi, gaan jy vassit. Hulle werk egter goed waar die randjie van die gras geleidelik na so vier voet daal. Die Aas Self Wat onderskei ‘n squarebill van ander harde kunsvissies? Ja, korrek, die lip is reghoekig. Hierdie ontwerp veroorsaak dat die aas wegdeins van harde voorwerpe sodat dit nie vassit nie. Die beginsel verskil so van ‘n geronde lip, wat weer uitblink teen byvoorbeeld rotse, omdat dit wel die hoeke beskerm, maar teen die rots se fatsoen afgly. So help dit dan om die baars by te kom wat daar in die skeure en afgronde sit. Daar is egter meer: soos die feit dat die meeste se lippe ten minste so breed soos die aas self is, om dit meer bestandheid teen vashaak te verleen. Sekeres “flare” weer uit vir nog breedte. Skrywer se gunsteling ase en kleure vir helderskoon waters: Kloksgewys van links bo: Megabass S-Crank 2.0, Sensation SD4, Strike King KVD Silent en die Salmo Squarebill wat nie ratels in het nie. En dan is die lyfie meestal gebol, vir meer dryfbaarheid om dit verder te laat wegdeins. Die gebolde lyf help ook met die vinniger inbring, sodat ‘n vinnige wye waggel voordelig is. Die bol kan weer te erg wees, waar die aas dan uittol. Nouer, plat lyfies is vir stadiger inkatrol, bollyfies vir vinnig. Die “OG” squarebills was van balsa hout juis oor hierdie hoë dryfbaarheid. Hulle is steeds gewild, maar oppas! Ek self is nie so in my noppies met my Bagley nie. Dit is lig en werp nie lekker met die dik stok nie. Daarby is dit uiters sag, met die hoeke wat dan van tyd tot tyd insteek. Dan moet ek eers weer die gat met harpuis of gom herstel. Nou berg ek dit in die squarebill houer met hoek omhulsels aan. Ekstra moeite. Die Rapala’s wat ek nog nie by uitgekom het in squarebill vorm nie, is ook balsa, maar met ‘n sterk omhulsel. Van hulle is baie lig, terwyl die DT-reeks heel goed gooi en kan ook ½ ons weeg. As Bagley die “OG” sou wees, is die Lucky Craft LC 1.5 sekerlik die “GOAT” omdat dit blyk die hele squarebill aas as ‘n ware tegniek met dié se toegewyde stokke, katrolle, in plaas van net nog ‘n variasie op ‘n harde aas te wees. Die meeste handelsmerke lyk my maak maar die LC na in vorm. Die balsa modelle is hoofsaaklik stillopers (die woord “silent” is op net sekeres gedruk) maar daar is tog wat ratel. Daarvoor moet die vervaardiger ‘n kamer inboor vir daardie ratels. Hulle is dan swaarder, maar gooi steeds nie so doeltreffend soos nuwerwetse plastiek nie, wat oor gewigverplasingstels beskik omdat die koeëllaers heeltemal na agter rol met die gooislag, en dan na vorentoe met die inkatrol slag rol wanneer en die aas na ondertoe kantel. Gunsteling ase vanaf die begin van die "prespawn. Links is die Bagley B2 Balsa, en regs die Booyah XCS2. Albei in kreefrooi kleure en sonder ratels. Groottes : Hier beveel ek die 1.5- grootte aan. Teen sowat ‘n halfons gooi hulle maklik en met omtrent enige stok. Hierdie is die standaard, maar is ook in BFS grootte tot en met blykbaar ‘n 8.0. Daar is ook klein variasies soos ‘n 1.2 wat maar dieselfde is. Ek het ‘n paar 2.5’s gekoop met die plan om dit vinnig te hengel vir groter vis, maar tevergeefs tot nou. Ek gaan volhard. Verder, hoe hoër die modelnommer, hoe dieper duik baie van hulle. ‘n 2.5 sal byvoorbeeld dan sesvoet duik, so dit is belangrik om eers na te vors. Nul tot viervoet is die afskoppunt. My gunsteling squarebill is die Strike King KVD Silent Squarebill (1.5 grootte). Ek verkies die stillopende kunsvissies in die warm somer, terwyl amper niemand met my saamstem nie. Kevin van Dam het seker amper 15 jaar gelede, van die grootste Elite kompetisies in Amerika gewen elke keer met ‘n ander van sy nuwe “silent” reeks. Dit sluit in Ekstra-diep, Diep, liploos en squarebills. Hulle stel toe sy KVD Angler of the Year ‘Silent’ reeks bekend, kompleet in ‘n Plano laai. Ek kon dit net nie hou nie en bestel toe elkeen een vanaf Amerika. Ek en meneer die redakteur sak toe af Laeveld toe waar ek toe gou-gou ‘n paar verskillendes verloor in die onderwater bome, elkeen na ‘n groot baars (ek was hoeka skepties oor daardie wye ‘Triple Grip’ hoeke). Gelukkig het Charles Stewart van Fishing Pro Shop die plaasvervangers vir ons vanaf Amerika bestel, omdat dit nie op plaaslike rakke was nie. Ek hou nou ook ‘n Salmo Silent Squarebill aan, met geen klagtes nie, dis ‘n goeie aas. ‘n Ander een wat ek kan aanbeveel, is die Booyah XCS 1 en 2. Ook stillopend, het ek al hordes groot vis gevang met die Craw kleur, wat ek terughou vir die spawn fase. Hulle kleurreeks het nou baie uitgebrei. Daar is natuurlik baie meer rasende ase. Vir dié wat bereid is om R399 vir net een aas te betaal, is die Megabass S-Crank fantasties. Maar dit is net vir gras en oop water, waar liplose kunsvissies gewoonlik ook goed vaar. Want sien, hierdie is een van daardie harde ase wat ‘jag’. Dit beteken hul breek ewe skielik weg uit hul baan, skiet na regs of links en beur dan terug. Dit jaag baie baars op hol in die warmte wanneer hulle nie eers aan ‘n sagte aas wil raak nie. Ongelukkig is die nadeel van daardie tipe aksie, dat die aas op sy, sy rol en die hoeke ontbloot. Dit haak so vas aan enige houtagtige dekking soos stompe, takke, biesies en riete. Neem in ag dat daar ook byvoorbeeld afgebreekte onderwater rietstompe is. Ek het dieselfde bevind met ‘n 6th Sense Axis wat ook nog ‘n ossillerende staal lip bevat, nes ‘n chatterbait. Die het ‘n oorweldigend-wilde aksie en sit gereeld in biesies vas, al bring ek dit redelik wyd daarvan in. Te oordonderend vir my in elk geval. En in elk geval, hoe meer gebol ‘n lyf, hoe hoër is die risiko vir vassit aan biesies, omdat die aksie die hoeke maak uitswaai. Die meeste handelsmerke bied ook ‘n plat kantige, maar diep of hoë profiel (dit lyk soos ‘n kurper se syaansig). Dit wikkel eerder as rol, en werk dan beter om verby hout te bring. Die hoë lyf verleen net soveel lugvolume vir die onontbeerlike dryfbaarheid. Kleure: Ek moet bieg oor ‘n persoonlike swakheid, en dit is dat ek reaksie kleure koop en nooit probeer “match the hatch” nie. Ek het my wel voorgeneem om teen die volgende seisoen te verander! Met dit in gedagte is die “sexy shad’ variante my eerste fokus. Hierdie is terloops nog ‘n rede vir my voorkeur vir die Strike Kings; ek het drie variasies van Sexy Shad: van Chartreuse Sexy Shad vir laer sigbaarheidsomstandighede, tot Ghost S/s vir helderskoon water. Rooi en kreef kleure is weer bedoel vir die spawn, maar dit werk eintlik dwarsdeur die jaar, en in die spawn word enige kleur in elk geval gegryp. Dis net ‘n verskoning om baie squarebills aan te hou? Ek het al baie chartreuse-gebaseerde variante gegooi, maar vaar nie naastenby so goed daarmee nie en kry baie vis aan die agterhoek, wat wys dat iets nie reg is nie. Hierdie het myns insiens te doen met die helderskoon water wat ons gewoonlik teiken. Gerei: As ‘n eerste probeerslag kan mens met feitlik enige gerei begin. Die middelgroottes is maklik om te gooi en terug te bring. Maar, om die volle doeltreffendheid uit die tegniek te put, moet jy meer gespesialiseerd begin raak. Daarby is dit so ‘n suksesvolle tegniek dat dit werklik betaal om ‘n klaargelaaide stok byderhand daarvoor te hê. Sou jy reeds ‘n sterk voorstander wees van tegniek-spesifiek stokke, hou in gedagte dat die squarebill die spinnerbait en liplose kunsvissie uitstof oor die warmer maande. My oorspronklike opsies was om die liplose vissie opset te gebruik asook my spinnerbait stokke. Hoofsaaklik as gevolg van te veel dinktyd, stel ek toe ‘n spesiale gerei op net vir squarebills, alles met bestaande beskikbare items; naamlik ‘n eerste generasie, 7-voet Quantum KVD Cranking MH stok, ‘n 7:1 Sensation Lubina katrol (ook amper 10 jaar oud) en 0.33 mm Fluorocarbon lyn. Ek sal seker in die ware winter dit gebruik vir chatterbaits miskien met 15-17 pond Fluorocarbon. Nie dat dit sou nodig wees nie. Die verduideliking vir my keuses word hieronder vervat, bygesê dat ek bos sou gegaan het met nuwe gerei, sou geld nie ‘n striemende faktor wees nie (maar nie nog meer vis daarmee sou vang nie!). Stokke Baitcaster-stokke werk eenvoudig beter vir die hoë tempo, krag en akkuraatheid wat geverg word Sewe voet bly maar die beginpunt, met ‘n tweeduim variansie beide kante toe. Met ander woorde 6’10” of 7’2”. Dit kan ver genoeg gooi vir hierdie tegniek, maar ook akkuraat genoeg wanneer gapings opgesoek word. Soos hul verleng , word baie van daardie lengte in die handvatsel gesit, wat weer die rondwerk en selfs gooitempo teenwerk. Dis uiteraard bedoel vir diep duikers. ‘n Stok vir kunsvissies behoort ‘n stadiger aksie te hê, wat dit nader aan die middel laat buig. Die vis moet kans kry om dit diep tot agter in sy mond te neem, en die angel dan steek as hy dit probeer uitspoeg. Hiervoor werk e-glas (elektriese glas) die beste, omdat dit baie sterk maar slap is, asook minder sensitief wat die hengelaar se aksie vertraag. ‘n Stywe sensitiewe grafietstok veroorsaak dat die aas te gou weggeruk kan word. ‘n Medium-aksie suiwer glas stok is net so sterk soos ‘n medium-swaar grafiet-stok, alhoewel slap tot die middel maar steeds met baie ruggraat. E-glas gooi net nie so lekker nie omdat dit van die vooraf lading absorbeer. Saamgestelde (composite) stokke verleen weer effe meer sensitiwiteit, afhangende van die grafiet-verhouding en kwaliteit, sodat daar gevoel kan word as daar plantegroei opgetel word, en vernaam slyk, wat die een argument is teen dekking-hengel in ons land. Spesialis stokke is natuurlik duur, maar ‘n lae-modulus grafiet stok is geskik en daar behoort lesers te wees wat nog so ‘n stok het wat agter in die motorhuis lê. Dié tipe buig in die middel en is ook minder sensitief. As jy wil of moet koop (gewoonlik wil) met ‘n beperkte begroting, beveel ek 24-ton grafiet stokke aan. Hierdie beskou ek as die laagste van die hoë-modulus grafiet, steeds sensitief ,wat ek onder lyn verder gaan hanteer, maar effe stadiger en die middel buig ‘n bietjie, wat kan keer dat die vis loskom (maar nie so goed soos glas nie). Die stokke begin vanaf so R600. Daar is 24-ton grafiet modelle wat heelwat duurder is, wat, behalwe vir winsgrense van onderskeie verskaffers en vervaardigers, beteken dat hul hardeware beter is. Doen gerus jou eie navorsing met inbegrip van ogies, handvatsels, bindings en omhulsels. Van die goedkoop stokke is byvoorbeeld swaar as gevolg hiervan, wat in die geval van kunsvissie stokke ‘n minimale oorweging is, omdat dit na onder gepunt word wanneer ingekatrol word. Maar goedkoop ogies breek makliker met die inset ringetjies wat ook makliker uitval of geslyt raak. ‘n Medium- krag stok is gewoonlik voldoende. En uitstekend vir gewone “cranking”, maar byvoorbeeld al die oorsese elite hengelaars spesifiseer hul eie medium-swaar stokke om die gehaakte baars vinnig weg van die dekking te kry. ‘n Grafiet stok moet verswak word om daardie fleks te hê. Op grond van al hierdie bepalende faktore word ‘n stok aanbeveel wat lees: ” Medium Heavy, Moderate” of “Moderate Fast”. Lyn volg nou, omdat daar ‘n verwantskap met die stok vorm. Vooraf wil ek noem dat die oorsese elites en ander pro’s baie sterk fluoro lyn opsit hiervoor, gewoonlik 17 tot 20 pond. 17 Pond Trilene 100% fluoro wat baie van hulle gebruik, is byvoorbeeld 0.41mm dik en maklik 25-pond sterk. Fluorocarbon is alreeds baie swaar en dit belemmer jou gooislag, asook die aksie van die kunsvissie. Natuurlik is die pro’s bang om ‘n groot vis te verloor, een wat hul hele loopbaan positief kan verander. Ek het al twee vierkilogram baars met 14 pond lyn gevang en voel nie bang om daarmee te hengel nie, selfs in die dekking. Op my “composite” stokke gebruik ek fluorocarbon vir die sensitiwiteit, terwyl op grafietstokke gebruik ek goeie nylon vir bewegende reaksie-ase. Op die een stok waarmee lipless en ligter squarebills gegooi word, is dit 0.30 mm Sufix Advanced Mono (19-pond), op ‘n ander een 0.33mm Sunline Super Natural (16-pond) op die spinnerbait stok of 0.35mm Awa Shima Competition. Ouens kla by my dat hierdie lyne te duur is, maar hulle is baie beter as daardie bekende een wat omtrent almal gebruik. Dit is baie dunner maar ook sterker (0.30 is ‘n ware 19-pond teenoor ‘n bedenklike 10-pond van die ander een ). Dit is ook so behandel dat dit eintlik jare op jou katrol kan bly terwyl die ander een slegs ‘n paar hengeluitstappies hou. Maar die groot faktor is dat ek slegs 50m op ‘n slag aansit met backing en met dié dat ek nog nooit ‘n merkie op die lyn bemerk het nie, sal ‘n 600m spoel my hou vir die res van my lewe. Die Sufix en Awa S bevat minimale rek, wat dit baie sensitief maak op ‘n grafiet stok met voortreflike skuurbestandheid daarby, terwyl die Sunline ‘n bietjie rek het om aksie te vertraag en skok te breek met die meer sensitiewe stok waarop ek dit het. As jy dus die grafietstok opsie neem is daar deurgaans die risiko om vis wat nie die aas met oorgawe ingesluk het nie, te verloor. Maar, alvorens jy ‘n ander stok hoef te koop, vervang jou aas se hoeke en sit ‘n meer rekbare lyn aan, selfs van ‘n ander hengelfaset waar dit ‘n rol speel. Dit is jammer dat hul gestaak is, want Berkley Trilene Armour Coated en Ironsilk het vir my in die voorafgenoemde kategorie geval. Katrolle My kop is jare gelede deurmekaar gemaak deur ‘n berig wat ek op Bassmaster gelees het, waar die beroemde Japanese hengelaar, Takahiro Omori ‘n Elite kompetisie (moontlik selfs die Classic) in Amerika gewen het met ‘n Lucky Craft 1.5 squarebill. Hy het terloops ‘n squarebill-stok onder die Daiwa Tatula Elite en Tatula Elite AGS vaandel gehengel, wat ongelukkig nie plaaslik beskikbaar is nie. Hy word beskou as die top man in hierdie tegniek. Nou wat ek toe lees, is dat hy die squarebill met ‘n 9:1 katrol (net in Japan beskikbaar) vinnig gehengel het. Ek het my grote en dosyne daarna steeds met ‘n 5:1 gevang. Die KVD katrol pas dan so mooi by die stok? Terug na die berig, wat toe nie verskyn het op daardie webwerf nie, was dat hy sy elektriese sleepmotor op volspoed gehad het en die squarebill teen 45grade uitgegooi het. Die boot se spoed neutraliseer van die katrolspoed. Daar is nietemin ‘n teorie dat hoër spoed groter vis teweegbring. Dit omdat hulle ook al hoe slimmer raak en nie genoeg tyd gegun moet word om ‘n aas te oorweeg nie. Nou doen ek maar wat die pro’s doen. Sodra daar na veral na 7:1 opgeskuif word, moet die katrol liewer oor ‘n aluminium raam en geelkoper hoofrat beskik om ekstra stukrag te verleen. Ek installeer ook ‘n 95mm handvatsel op die 7:1 vir bykomende wenkrag.

BAARSKLASKAMER: Die Squarebill – Vir Die Hele Jaar

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Sterkfontein Gold: A world-class fishery right in our backyard

Desert Fishing Adventure: Conqueror Tips and Tricks

SPECIMEN CARP FISHING: Twin Brothers’ Personal Bests at Laurentia Lake

DIE KATROLLE SING: Bykomend tot ons hengelplesier

RIVIER-AVONTUUR: Babers op Popper en Vlieg Lewer 120 Vis vir die Dag!

Desert Fishing Adventure: Kunene Dune Camp #2

Stywe Lyne Tight Lines Juniors – Holiday Fishing Highlights from Richards Bay

OFFSHORE FISHING: The Illusive ‘Tails of Seal Island

LONG and SURF CASTING: World Championships in Argentine

FISHFINDER – May

Sterkfontein Gold: A world-class fishery right in our backyard

Desert Fishing Adventure: Conqueror Tips and Tricks

SPECIMEN CARP FISHING: Twin Brothers’ Personal Bests at Laurentia Lake

DIE KATROLLE SING: Bykomend tot ons hengelplesier

RIVIER-AVONTUUR: Babers op Popper en Vlieg Lewer 120 Vis vir die Dag!

Desert Fishing Adventure: Kunene Dune Camp #2

Stywe Lyne Tight Lines Juniors – Holiday Fishing Highlights from Richards Bay

OFFSHORE FISHING: The Illusive ‘Tails of Seal Island

LONG and SURF CASTING: World Championships in Argentine

FISHFINDER – May

Kleindamplesier, die juweel onder jou neus!

KARPOEWERHENGEL – Die Haarstrop

Sterkfontein Gold: A world-class fishery right in our backyard

R550.00 per year

R55.00 per month

R399.00 per year

R40.00 per month

R399.00 per year

R40.00 per month