BAARSKLASKAMER: ‘Riprap’ klipwalle waar baars altyd skuil!

WOORDE: Martin Engelke FOTO’S: Verskaf Die meeste damme en selfs marinas se walle bestaan uit wat na verwys word as 'riprap'. Hiervoor word klippe wat ongeveer rugbybal grootte is (maar dit kan wissel) teen ‘n helling gepak. Dit is die beste manier om erosie te beheer, omdat miljoene ton water die heeltyd besig is om teen dit in te werk. Amper nodeloos om te noem, gaan daar baars wees – maar hoekom? Hier volg die erg baars- tegniese verduideliking. Hoekom dan as ons tog weet dat daar baars kan wees? Wel, want dan weet ons hoe om ons erg beperkte tyd op die mees doeltreffende manier aan te wend. Struktuur teenoor dekking Streng gesproke is struktuur slegs die oorspronklike onderwater kenmerke van ‘n stuk water, hetsy ‘n dam of meer, maar ‘n damwal dien tog as struktuur. In baarshengelterme lê die voordeel daarin dat dit ‘n weg, oftewel verwysingsroete, is wat beteken dat dit gereeld sal aanvul met vis wat daar langs af beweeg. Sulke baars is uiteraard in ‘n aktiewe luim en natuurlik vangbaar. ‘n Skielike diepteverandering is die volgende vereiste van goeie struktuur. ‘n Baars kan diep teen dit skuil en vlak jag sonder om lang afstande te swem. Dit dien daarby as dekking, in dat daar groot gapings tussen en onder elke klip is. Dit is ‘n spens en skuiling vir alle waterdiertjies – ‘n ware ekosisteem. Kurpers en ander kleiner aasvissies voer op die alge wat teen die rotse groei. Ander kurpers maak weer jag op daardie aasvissies. Dit is die gunsteling plek vir krappe en ongelukkig op plekke ook vir varswater krewe wat in die sand probeer tonnel. Waterrotte aard in die plantegroei op die oewer en likkewane maak gebruik van die warm klippe. In koue water kan die baars ook die hitte van die klippe gebruik vir verligting. Hengelstrategie Baie van die feite wat hierbo uiteengesit is, is vanselfsprekend, maar dit kan jou baie meer doeltreffend maak as jy nog voor die eerste gooi ‘n presiese idee het van wat jy wil teiken. Dit hang ook af van ‘n mens se hengelplatform. Sou jy op ‘n baarsboot wees, kan jy maar net sowel aan die een kant begin en alles werk totdat jy byte kry of net die vlaktes vir die aktiefste baars, terwyl ‘n klein vaartuig miskien sou vereis dat jy die belowendste areas eers opsoek en sommer daar vertoef. Dieselfde geld op ‘n besige dag waar jy nie net kan hengel waar jy wil nie. Die laaste punte moet ten minste ‘n plan B wees. Die teikenarea is natuurlik die belangrikste: Dit is eerste belangrik om die klipwal op te deel in dieptes, naamlik vlak, middel en diep. By sekere damme kan dit met die hand gedoen word deur ‘n stok of kierie te gebruik. Die luim van die baars gaan bepaal waar hulle hulself bevind. Met sonsopkoms of -ondergang sou van hulle vlak wees. Wanneer baie aggressief, gaan van hulle reg teen die kant wees, waar die wateroppervlak en droë klippe bymekaarkom. Hulle kan ook besig wees om te patrolleer vir prooi wat net ‘n entjie weg is maar steeds redelik vlak, sê tot so ses voet diep na gelang van hoe diep en/of steil die wal is. Hier word die diepteveranderings van die riprap met ‘n stok of kierie bepaal In die middelkolom is hulle geneig om langs die damwal af te beweeg na ‘n bestemming, met die wal as ‘n verwysingspunt. Die presiese diepte hang weer af, maar baie klipwalle word trapsgewys gebou en hierdie punt word verkieslik dan gesien as die eerste 'knik' na ses voet of so. Hierdie is ook ‘n goeie verwysingspunt vir trae vis om styf teen te suspendeer in die middelkolom. Dit is nou wanneer hulle byvoorbeeld geskrik het of die son skerp skyn. As hulle eers diep gaan, is dit naby aan die bodem. Dit is gewoonlik dan waar hulle die grootste tyd sal vertoef. Dit kan wees omdat die son nou al hoog sit of die water baie warm is. By tye en na gelang van waterdiepte kan hulle ook teen die onderste rant af heen en weer migreer. Hieronder is hulle hoofsaaklik in ‘n trae luim, maar kan steeds gevang word met ‘n bietjie meer geduld en vernuf. Die volgende kenmerk om op te let is geïsoleerde dekking. Dit is nou maar die aard van ‘n wese om hul by so iets te oriënteer. Dit beteken nie noodwendig dat ‘n mens nou reguit soontoe moet afpyl nie, maar net dat jy ekstra tyd en deeglikheid daaraan sou wy. Maar dit word wel deur omstandighede bepaal: byvoorbeeld by Bronkhorstspruitdam is daar een boom wat half in die water is teen ‘n klipwal. As jy ses-uur die oggend daar opdaag is jy te laat omdat dit klaar gehengel word met nog ‘n boot wat wag … Die twee buitekante van die wal kan natuurlik ook vis produseer omdat dit daar vlakker is met plantegroei soos riete en gras. Onthou ook dat die term 'dam' gewoonlik beteken dat ‘n rivier opgedam is met hierdie damwal. In Amerika beteken 'dam' die wal self. Veral met ‘n klipwal is dit dan baie vlakker langs die kante as in die middel waar die ou rivierloop was, en dit beïnvloed ook die vis se gedrag. Nietemin is daar altyd baie vis in die hoeke. Met dit alles genoem, is die kans groter dat baars gevang gaan word by geïsoleerde dekking, maar dit moet steeds van onder tot bo sorgvuldig deurgewerk word. 'n Grootbekbaars van 2,7kg wat die skrywer teen 'n klipwal met 'n dieploper kunsvissie gevang het. Ase Gelipte kunsvissies is een van die beste maniere om ‘n klipwal te teiken, omdat dit deur al die dieptes kan beweeg. Party hou nie daarvan dat dit soveel tyd neem as gevolg van die weerstand nie en sekere van die mense sal daarom ‘n vlakduiker gebruik. Dit is dan net effektief tot oor die eerste knik, maar baie meer gooie kan gemaak word. ‘n Gelipte vissie is baie effektief wanneer dit waar die oppervlak en klippe bymekaar aansluit, gegooi word. Hier en daar breek ‘n mens dan natuurlik die lip teen die aas. Nietemin, gee die aas net kans om te stabiliseer voordat jy begin inkatrol. Wanneer hulle aktief byt, sal hulle of dit gryp terwyl die aas nog bo dryf, of sommer met die eerste draai van die slinger. Moet ook nooit vergeet om parallel langs die dieptes af te probeer nie Deep Diver Liplose kunsvissies werk weer beter wanneer meer parallel met die wal gehengel word. Dit kan selfs afgetel word tot op ‘n voorafbepaalde diepte. Wanneer dit tot styf teen die kant gegooi word, werk die modelle wat ontwerp is om op hul neus te kan staan, beter. Die aas hoef andersins nie teen die klippe gestamp te word nie, omdat die aktiewes na boontoe sal aanval. Lipless Sexy Dawg Spinnerbaits werk op baie dieselfde beginsel en kom bykomend tot hul reg wanneer dit styf deur enige dekking op die wal gebring word. Oppervlakase verg redelike akkuraatheid, want dit moet ook tot teenaan die kant gegooi word, maar die hardes kan breek as dit die klippe tref. Iemand wat nog sukkel kan ‘n hol 'popping frog' op die wal laat land en dan by die water intrek. Enige oppervlakaas kan andersins relatief vinnig ingebring word. Sagte plastiekase is altyd ‘n gunsteling, maar onthou as dit net te hard gepluk word, dit sommer ‘n klomp openinge tussen die klippe sal mis. Dit bly ook ‘n stadige tegniek wat geduld verg sou ‘n mens die hele waterkolom wou werk. Nou is die dilemma dat ‘n gewiglose aas die maklikste gewerk kan word, maar ook kolle mis en baie lank neem om te sink. ‘n Gewig stel die aas in staat om vinnig tot die teiken te sink en hou nader aan al die moontlike openinge, roep vis as dit stamp, maar sit baie vas. Caffeine Sha Gambler Otter Jigs met voetballoodkoppe is doelgemaak vir hierdie doel – dit laat die treiler, soos ‘n Craw, regop staan wanneer dit teen ‘n rots stamp. Dit lok ‘n reaksie uit, of die baars hom nou toespits op krappe of nie. ‘n 'Football jig' bly die moeder van alle vassit ase, maar blykbaar hou die mees bedrewe dissipels van die tegniek die aas heeltyd aan die kruip. Dit verg net baie fondse om uit te werk wat stadig genoeg is! Football Jig Die bodem waar die klippe eindig moet ook gewerk word. Dit is redelik volop dat ‘n klip afgerol het tot daar, wat ‘n geïsoleerde dekking in ‘n baie gemaklike sone vir die vis skep. Hier vind ek ‘n Carolinastrop as die mees doeltreffende metode omdat die swaar sinker (3/4ons en swaarder) maklik tot daar sink en die aas daar hou terwyl jy groot areas dek. Ekstra-dieploper kunsvissies is ook hiervoor ontwerp, maar neem nogal lank om tot daar te kom en jy verloor so omtrent die helfte van jou inspannende gooi en stoei die aas ook behoorlik terug. ‘n Shakey Head-wurm met spinningstok is ook gemaklik om so diep te hengel omdat die aas na onder vryspoel. Maar die belangrikste vir laaste: Probeer om so gereeld as moontlik die aas teen ‘n 45 grade tot parallel hoeke te werk. So dek jy meer (kubieke) water en alle baars is nie die heeltyd op dieselfde plek en in dieselfde luim nie. Maak baie gooie na dieselfde punt, met net jou stok se rigting wat verander word en jou vaartuig bly buitendien nie heeltyd presies georiënteer nie. Hier word die diepteveranderings parallel gewerk na hulle gemeet is.

BAARSKLASKAMER: ‘Riprap’ klipwalle waar baars altyd skuil!

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

SOCIAL BASS FISHING: Remind Yourself Of The Good Times!

THE BLUE ECONOMY

UIT & TUIS: NSRI – ’n Unieke en Blywende Geskenk …

COVER: December 2023

DIE KATROLLE SING: Reg en geregtigheid het geskied …

MY TURN | MY BEURT: Stywe Lyne Tight Lines December 2023

UIT & TUIS: Vis in die boot, waar is my sandale …

LESERS | READERS: November 2023

Major Bass Fish-Off at Albert Falls

JUNIORS: November 2023

SOCIAL BASS FISHING: Remind Yourself Of The Good Times!

THE BLUE ECONOMY

UIT & TUIS: NSRI – ’n Unieke en Blywende Geskenk …

COVER: December 2023

DIE KATROLLE SING: Reg en geregtigheid het geskied …

MY TURN | MY BEURT: Stywe Lyne Tight Lines December 2023

UIT & TUIS: Vis in die boot, waar is my sandale …

LESERS | READERS: November 2023

Major Bass Fish-Off at Albert Falls

JUNIORS: November 2023

SOCIAL BASS FISHING: Remind Yourself Of The Good Times!

Von Du Rust is ‘Von-derlik’

THE BLUE ECONOMY

R550.00 per year

R55.00 per month

R399.00 per year

R40.00 per month

R399.00 per year

R40.00 per month