Babers in die Vakansie!

Vakansietyd beteken visvangtyd, en vir hengelaars wat gereeld aan kompeterende hengeldruk gewoond is, beteken vakansietyd ook tyd om met nuwe planne vorendag te kom en dinge te toets om die hengel vernuf nog meer op te skerp. Baberhengel is vir my juis een van daai hengelsoorte wat ek geniet saam met my vriende gedurende die vakansietyd. Wat is belangrik om suksesvol babers te teiken? AasDit is uiters belangrik om vars aas van die regte grootte te hê, en hier praat ek nie van krieke en springwurms nie (hoewel dit baie goeie baberaas is). maar eerder van groter vleisase soos viskoppe en gedeeltes van vis. Ek vang vir myself 3 of 5 klein (150-400 gram) graskarp of karp wat ek dan hou in 'n yskoue koelboks vir aas. Met die vis kan ek die kop, of fillet gedeeltes gebruik as aas en daardeur benut ek tenvolle die hele vis en mors nie. LynLyn is vir my 'n baie belangrike aspek en moet glad nie oorgesien word nie. Ek koop goeie kwaliteit 18 tot 24-pond nylon lyn om my stroppe mee te maak asook om as hooflyn te gebruik. Ek gebruik Palomar knope om seker te maak ek het die sterkste kombinasie van lyn en knope. KnopeSoos ek reeds genoem het gebruik ek slegs die Palomar knoop op my hoeke en swivels. Die Palomar is getoets as een van die sterkste van alle knope, en dis ook baie eenvoudig om te bind en beskadig nie die lyn nie. Kombineer dit met sterk lyn en goeie aas en dan is jy al halfpad daar! GereiWanneer dit kom by stokke en katrolle is dit 'n persoonlike keuse en dit hang natuurlik af van bekostigbaarheid. Gedurende die vakansie het ek en my vriende 'n paar monster babers gevang op baie goedkoop katrol en stok kombinasies. Dit bly egter noodsaaklik om seker te maak die kombinasie is sterk genoeg want groot babers is baie sterk vegters wat toerusting tot die uiterste kan toets. Aas, lyn, knope en gerei is volgens my vier van die heel belangrikste aspekte wanneer babers suksesvol geteiken gaan word. Net soos met enige ander vorm van hengel is die aanbieding van die aas ook van uiters belang. Geskikte aas Die beste deel van 'n visaas is die kop - dit bevat meeste van die olies, bloed en protein waaroor babers mal is. Die filet is ook 'n goeie aas wanneer die babers baie aktief is en kleiner babers baie pla, dis asof die filet die groter vis uitsoek. Die regte snit Dit is uiters belangrik om die regte snit te sny wanneer jy 'n viskop of visfilet as aas wil gebruik. Gebruik 'n baie skerp mes of lem om die snit mee te sny - 'n stomp mes maak dat mens harder moet druk om die vesel te sny en daarom kan ongelukke makliker gebeur. Dis dan ook die hoofrede hoekom ek 'n lem gebruik omdat dit uiters skerp is en die vis sonder moeite met gemak sny. Kies 'n vars vis wat nie groter is as 500g nie; in diè geval gebruik ek 'n jong graskarpie waarvan ek die kop met die binnegoed gaan verwyder om as aas te gebruik Identifiseer eers die snit voordat jy begin sny; ek plaas die lem bo-op die vis soos ek die snit wil sny om as voorbeeld te dien Die snit word agter die kop skuins na die pensgedeelte heen gemaak; dit is baie belangrik om nie reg deur te sny nie want die binnegoed moet heel en deel bly van die snit Dieselfde snit word ook aan die ander kant gemaak, en nou kan jy die kop draai en dit afbreek – die voordeel hiervan is dat die binnegoed saam met die kop los kom en die beste moontlike baberaas gevorm wordDie perfekte baberaas, dodelik! Hoe om die viskop te haakDaar is talle maniere om 'n viskop te haak en almal het hul manier van dinge doen. Ek het ge-eksperimenteer met die snitte, stroppe, hoeke en ook die manier van die viskop haak en daarom gebruik ek net 2 maniere waarvan die volgende een 'n voorbeeld is. Met diè manier van haak word die hoeke so effens weggesteek wat 'n goeie ding is as die babers effens sensitief is. ‘n Goue reël met die manier van haak is dat jy die baber genoeg kans moet gee wanneer hy die aas optel. In plaas van om hard aan te slaan hou die stok reguit in die rigting na waar die baber swem en stel die agterste briek stelselmatig stywer tot jy kan voel die hoek het geset. Die strop Afhangend van die afstand waarop jy die babers wil teiken kan jy besluit of jy met of sonder 'n gewig aan die lyn wil hengel. Ek hou daarvan om sonder 'n sinker te hengel want hoe minder weerstand hoe beter, maar ek hengel selde verder as 55m vir groot babers. Somtyds as die wind waai sal ek 'n M0 of P2 gewig gebruik net om seker te maak die aas lê stil. •Knoop 'n groot hoek (#7/0 of 8/0) met 'n duk draad konstruksie aan die onderkant van jou stroplyn vas; daarna word 'n kleiner hoek (#2/0 of 4/0) wat vry gly op die lyn geskuif. Die hoekstrop word aan die bokant vasgemaak aan 'n sterk draaispil. Die totale lengte van die strop moet ongeveer 40-50cm lank wees. •Mens kan van hierdie stroppe met verskillende grotes hoeke by die huis opmaak om tyd langs die water te spaar en om veranderinge volgens die kondisies gemaklik te maak. •As jy gebruik maak van 'n sinker kan dit eenvoudig op die hooflyn gly bo die hoekstrop 'n Groot poliesman Gebruik 'n groot kurk poliesman naby aan die stok se punt om te sien wanneer die baber met die aas begin speel. Babers is geneig om eers met die aas rond te swem en te “speel” voordat hulle dit sluk. 'n Groot poliesman kan van ver af gesien word en solank dit naby aan die stok se punt is kan die baber nie die weerstand voel nie. Vaaldam se MONSTERSEk en 'n groep goeie vriende het op 'n privaat oewer by Vaaldam in die vakansie gaan hengel vir babers, en om koeldrank te drink of om iets te eet was baie moeilik want die babers het vir ons behoorlik besig gehou en ons het gedurig uit aas uitgehardloop. Gelukkig is Vaaldam vol jong karpies en graskarpies en kon ons vinnig weer aas vang. Die babers wat ons gevang het was pragtige visse en elkeen van hulle is weer veilig teruggeplaas nadat ons fotos geneem het. Ons het daarin geslaag om elkeen 2 babers van oor die 10kg te vang en 'n paar ouens het nuwe persoonlike rekords gebreek! Baberhengel is ongelooflike lekker pret, volg die paar eenvoudige stappe hier bo en gaan vang die volgende vakansie jou nuwe PB!