fbpx
AaskliniekBank AnglerFishing TipsHow ToUncategorized

Briljante ‘Backing’ Aanbieding

Alhoewel ‘backing’ deesdae minder gebruik word as so 5 tot 10 jaar gelede, is dit steeds ‘n aas of gedeelte daarvan wat baie goeie resultate kan oplewer – veral groter vis van 3kg en meer, gesien uit ‘n kompeterende oewerhengel perspektief.

Verskillende tipes ‘backing’:

Hieronder het ‘backings’ soos byvoorbeeld die Vla-, Fluorescein Karamel-, Mieliepap- en Tasty Wheat ‘Backings’ onder die vergrootglas gekom. Die ‘backing’ wat jy gebruik behoort ferm te wees, maar steeds maklik vormbaar rondom die hoek of hoeklyn.

‘Backing’ saam met…

…’n Degie: Hierdie is sekerlik die mees algemene gebruik onder kompeterende hengelaars en dan word ‘n klein hoekie soos ‘n 0.8 gebruik. Die degie moet baie fyn en presies in die buig van die hoek gevorm word. Die ‘backing’ word teen die degie op die hoeksteel en hoeklyn geposisioneer.
…’n Mieliepit: ‘n Suksesvolle groot karp aas in enige water. ‘n Groter hoek kan in hierdie geval gebruik word – veral indien die hengelaar twee mieliepitte op die hoek wil gebruik. Hoeke in groottes 3 tot 5 kom hier tot hul reg.
…’n Floatie: Wanneer karpe van groter as 1,5kg in wedstrydomstandighede geteiken word, is hierdie kombinaise een van my gunstelinge omdat die ‘backing’ fermer is as ‘n degie. Let daarop dat ‘n kleiner ‘backing’ gebruik word om te verseker dat die floatie steeds sy werk kan doen. Nommer 0.8 en 1 hoek groottes kan in hierdie geval suksesvol gebruik word.
…Maggots of Wurms: In sommige waters verkies karp ‘n vleisasie soos maggots of wurms en dis hier waar hierdie kombinasie wondere kan verrig. Alhoewel ‘n klein hoekie hier met sukses gebruik kan word, is hoekgroottes soos ‘n nr 1 tot 2 dalk meer geskik vir hierdie groter aas.
…niks: Soms is ‘n ‘backing’ wat alleen op die hoeksteel aangebied word ‘n dodelike aas. In hierdie geval word die hoekpunt bloots gelaat om vinnige penetrasie in die vis se bek te verseker. Hier kan ‘n verskeidenheid hoekgroottes ewe suksesvol gebruik word, solank die grootte van die aas die hoek komplimenteer.

‘Backing’ balans:
Soos ons uit die bogenoemde inligting waarneem, is dit van kardinale belang om die grootte van die hoek by die grootte van die aas aan te pas. Die balans tussen hierdie twee items moet mekaar komplimenteer. Sou die hoek ‘wegraak’ in die aas, mag dit lei tot minder hoekpenetrasie. Waar die hoek te groot is vir die aas mag dit gebeur dat die vis die aas doelbewus ignoreer omdat hulle onraad vermoed.

Tags
Close