Casting Rig – Combi Rig

Ek gebruik 20-pond Korda IQ2 Fluorocarbon, 25lb Korda Super Natural braid, ‘n #4 wide gape-tipe hoek, 1-duim lank medium shrink tubing, een anti-tangle sleeve waarvan ek slegs ‘n klein stukkie van benodig asook 2 puller tools, ‘n boilie naald, braid skêr en naelknipper. Begin deur ‘n “whipping knot” te vorm met ‘n groot loop aan die onderkant van die hoeksteel. Vou die loop bo-oor die hoek en braid een keer na die bokant van die hoek... ...gevolg deur drie keer na die onderkant (ogie se kant) van die hoek. Trek die kort gedeelte om die knoop te vorm. Trek die knoop styf vas. Meet die lyn af na ongeveer 8-duim en knip af. Begin die knooplose knoop vorm duer die lyn van die onder kant van die ogie af deur te steek. Draai die lyn nou 5 keer rondom die hoek se steel en die braid wat teenaan die steeltjie lê. Steek weer die lyn van die onder kant van die ogie af deur. Die knoop is voltooi. Vou nou die haar wat oorgebly het sodat jy ‘n baie klein lussie kan vorm om die haarstrop te voltooi. Ek gebruik hier die boilie naald om my te help om die lyn deur die lussie te kry sodat ek die haarstrop netjies kan afrond. Om die “Albright” knoop te maak begin deur die IQ2 Fluorocarbon te vou soos op die foto. Steek die hoeklyn deur die vou wat gemaak is. Draai die braid lyn 5 keer rondom die IQ2 Fluorocarbon. En weer 3 keer terug rondom die 5 draaie wat reeds gemaak is. Steek die lyn terug deur dieselfde lussie wat gevorm was met die IQ2. Trek die knoop stadig vas en onthou om die knoop nat te maak. Knip die oortollige lyne af en brand met ‘n vlam sodat dit nie kan los gly nie. Meet die lyn uit na ongeveer 8-duim en knip af. Vat nou 1-duim medium grootte shrink tubing en skuif dit bo-oor die hoek se ogie. Stoom die tubing sodat dit mooi in posisie en styf teenaan die hoek en lyn lê. Stoom die onder punt van die tubing teen ‘n effense hoek sodat jy ‘n “kicker” effek kry. Knoop ‘n figuur 8 knoop aan die punt van die IQ2. Sny ongeveer 1cm van die anti-tangle sleeve af – ruig dit op die boilie naald. Haak die naald aan die lussie wat in die IQ2 geknoop is. En skuif dit vanaf die naald bo-op die lussie. Dit word gebruik om te verseker dat die hoeklyn maklik en veilig aan-en-af van die sinkersisteem gehaak word. LAAI AAS & ONDERWATER Die aas wat jy kan gebruik kan enige iets vanaf ‘n tigernut en mieliepit (soos ek hier gebruik) tot ‘n boilie en pop-up of enige ander soort van jou keuse wees. Die opsies is legio. Ek ryg die plastiese mieliepit eerste op die naald gevolg deur die tigernut. Indien die haar gedeelte te kort is (soos dit in hierdie geval was) gebruik so paar cm tandeflos om dit te verleng. Skuif nou die aas vanaf die naald en bo-oor die haar. Knoop ‘n plastiese stopper in die flos sodat die aas nie kan af val nie en brand met ‘n vlam om te verseker dat die flos mooi afrond. Die aas behoort só te vertoon. “Dark Matter” putty word van Tungsten gemaak en word gebruik om die strop meer effektief te maak maar is nie noodsaaklik nie. Ek gebruik ‘n baie klein stukkie daarvan en vou dit mooi rondom die knoop van die strop. Die voltooide strop met hoekaas. Dit is ‘n dodelike strop met ‘n dodelike aasaanbieding vir alle SA waters. Die strop is uiters aggressief en haak die visse baie mooi en diep binne-in die bek. Die aas en strop wat krities gebalanseer onder die water vertoon.