Die Tegniese Debat – Hoe Lyk Die Voer Op Die Bodem En Wat Maak Dit? (Vervolg)

Die oogmerk van die reeks is om varswater oewerhengel tegnies te benader. Dit sal ons in staat stel om die redes te vind waarom sekere items, tegnieke, metodes, ensovoorts beter werk as ander. Ons gaan hengelgerei, tegnieke, metodes, aassoorte en konsentrate met mekaar vergelyk, bestudeer en bespreek. (Lees deel 1 hier) Vir hierdie onderwerp het ons gebruik gemaak van Super Cast se:• SVB Droëvoer, • Ready Crusch en • Banana Boilies Vir die artikel was daar op een aspek gefokus.......Wat gebeur met die voer op die bodem nadat dit ingewerp/gegooi is? Wanneer ons so na die hengelaars luister wanneer daar oor voer gepraat word, en selfs daaroor geskryf word, is dit duidelik dat dit wat hengelaars dink gebeur en dit wat werklik gebeur, baie ver van mekaar verwyder is. Kom ons haal ‘n paar opmerkings aan wat deur sommige hengelaars oor die algemeen gebruik word: • Wanneer die growwe voer die water tref en afsak bodem toe, versprei dit en maak ‘n baie groot voerplek.• Die wind wat die golwe maak, gaan my voer wegspoel.• Die popcorn of droëvoer dryf alles op en daar bly niks op die bodem nie.• Die voerbal breek wanneer dit die water tref.• Jy gebruik te veel voer.• Jy gebruik te min voer.• Ek gooi mooi op ‘n kol so ek maak ‘n mooi voerkol vir die visse. Die voer het so belangrike deel van hengel geword, dit is ons mening dat jy moet heeltemal vertroud wees met wat die voer doen wat jy gebruik, hoe reageer dit, hoe help dit om die vis te lok en in jou hengel area te behou vir ‘n langer tyd sodat jy meer van die visse uit die skole kan vang. Die Vraag: Hoe lyk die voer op die bodem en wat maak dit? Andries se kommentaar:Die groot meerderheid kompeterende en sosiale hengelaars maak deesdae gebruik van droëvoer tydens kompetisies of sosiale hengel sessies. Sedert die tipe voer beskikbaar geraak het, het dit ‘n baie groot verskil in die hengel tegnieke teweeg gebring. Die samestelling van die tipe voer en die reaksie wat dit het onder die water het die positiewe invloed op die hengel gehad. Hoe meer die visse, veral die karpe en moddervis, op die voer begin wei, begin die beweeglike dele van die voer los “gewoel” vanaf die bodem wat hulle meer in ‘n wei gemoed inbring. Een van die groot voordele van die droëvoer is dat daar geen voorbereiding werk nodig is nie - jy kan dit bloot uit die sak in ‘n emmer gooi en water byvoeg. Die ander voordeel is dat die droëvoer tydens die aanmaak proses self bepaal watter tekstuur die voer sal aanneem. Jy kan dus die voer aanmaak om sag te wees en maklik te blus onder die water, of jy kan dit ‘n stywe tekstuur gee wat nie vinnig sal blus nie. Schalk se kommentaar:Sedert die droëvoer die lug gesien het in die Suid- Afrikaanse hengel het die varswater sport verewig verander. Die droëvoer se invloed is verrykend aan die positiewe kant. Minder voorbereiding is nodig en baie meer dinamika vorm deel van die hengeltegnieke. Die rede daarvoor is as volg: Elke hengelaar kan sy eie identiteit toepas in terme van die tipe aanbieding van die voer, byvoorbeeld geur en kleure by te voeg asook die manipulasie van die tekstuur. Droëvoer op sy eie het ‘n ongelooflike groot rol gespeel in die ontwikkeling van drywende hoekase soos floaties. ‘n Baie groter deel van die waterkolom word ook gedek deur die drywende deeltjies wat vanaf die bodem na die oppervlakte beweeg. Ons aanbevelings... Andries se kommentaar: Op die video opname kan jy baie duidelik sien wat gebeur met die droëvoer in die water. Sodra die voerbal die water tref, kan jy reeds al die voordele sien van die voer. Indien die voerbal voorberei is met ‘n sagte tekstuur, begin daar tydens die impak met die water reeds van die deeltjies vrygestel word. Soos wat die voerbal na die bodem afsak word daar dan steeds ook van die deeltjies vrygestel. Die voerballe wat bietjie stewiger tekstuur het, sak tot op die bodem en dan eers na ‘n tydjie wanneer die voerbal blus, word daar van die deeltjies “vrygestel”. Jy sal sien in die video opname dat die voer, nadat dit geblus het, netjies op die bodem gaan lê. Die samestelling van die droëvoer, met die verskillende bestanddele en groottes daarvan, bied aan die visse genoegsame items om te vreet en ander dele wat so klein is, dat dit hulle in die voerkol se area aktief aan die wei “hou” maar hulle kan nie hulself versadig vreet nie.Ek is van mening sodra die visse op die voer begin wei, maak dit ‘n “wolk” en die ligte deeltjies word in die water “opgewaai” deur hulle sterte en vinne. In die video opname het daar nog nie vis kom wei nie, so die droëvoer het netjies op die bodem gaan lê om ‘n voerplek te maak. Vir die video opname se voerkol is 8kg se droëvoer gebruik wat aangemaak is. My aanbevelings is die volgende:• Maak seker dat jy die korrekte tekstuur aan die droëvoer gee tydens die aanmaak proses om aan te pas by jou strategie.• Indien daar baie vis in die hengelarea is, is dit voordeliger indien die voer vinnig blus sodat die vis kan wei en die vis skool in jou area kan bly. • Indien die vis beperk is of soms wanneer jy moddervis teiken, kan dit voordelig wees indien die voer nie vinnig blus nie. Schalk se kommentaar:My aanbevelings is die volgende:• Eerste aspek is om te bepaal watter is jou hengelplan vir die dag. Wil jy graag die groter vis teiken of die kleiner visse? Vir die groter vis sal ek voorstel om die voer stewiger tekstuur te gee deur meer growwe bestanddele by te voeg soos gebreekte mielies of Chic-Chic. Wanneer jy die kleiner vis teiken stel ek voor dat jy die tekstuur baie sagter hou asook fyner. Die eenvoudige redenasie daarvoor is dat die kleiner vis minder eet en baie vinnig versadig word.• Tweede aspek is die verskillende afstande wat gehengel wil word. Hoe verder jy wil werp, hoe swaarder moet jy poog om die droëvoer te maak. Gaan so tewerk: voeg genoegsame water by en natuurlik droë bestanddele soos gebreekte mielies. Let egter daarop dat wanneer jy meer water byvoeg jy die droëvoer genoegsame tyd moet gee om die water te absorbeer in die deeltjies. Jy sal verbaas wees hoeveel gewig die water bydrae tot die voerbal.