Die Tegniese Debat – Is Die Vis Se Gedrag Anders In Skoon Water?

In Suid- Afrika is die water in die meeste damme nie helder met goeie sigbaarheid nie. Die meeste damme en rivier se water het ’n bruinerige kleur. Daar is wel sekere damme waarvan die water normaalweg kristal helder is. Die algemene opinie bestaan dat die damme en rivier waar daar ’n groot hoeveelheid karpe is het nie water watse kleur nie so helder tov die sigbaarheid is nie. Daar word normaalweg verwys na “skoon” water. In die konteks van die artikel gaan die term “skoon” en “vuil” gebruik word aangesien dit die algemene praat taal van ons hengelaars is. Vir hierdie artikel het ons dieselfde dam besoek waar die water normaalweg baie skoon is. Onder normale omstandighede is die sigbaarheid onder die water so 2 tot 3 meter. Om goeie video opnames te maak, is dit noodsaaklik om dit in skoon water te doen ten einde goeie studies te kan doen van die visse se gedrag. Vir die artikel het ons gebruik gemaak van Super Cast se SVB Droëvoer, Super Floats (Plain, Honey en Juana), Soet wit deeg en erdwurms. Dan het ons ook van Super Cast se FX, Stink Voete en Tjop Tjop gebruik. Andries se kommentaar:Met my ervaring in die karphengel omgewing, het ek oor die jare al meer begin besef dat die visse wel goed kan sien en dat dit die visse se gedrag wel beïnvloed. Ek glo vas dat die visse en veral die karpe en geelvisse wel baie goeie sig vermoë het. Ek dink die babers se sig vermoë is nie so goed nie maar hulle is wel geskape met snorbaarde wat besonder goeie ruik en gevoel sintuie bevat. Ek dink dat die visse in skoon water so goed kan sien dat hulle baie meer skugter is weens die feit dat hulle “alles” kan sien.Die meeste van die kere wat ek gehengel het in vuil water, was die visse se gedrag nie baie skugter nie. Die visse het vrylik en aggressief gewei en die hoekase opgetel. Schalk se kommentaar:My mening is baie eenvoudig. Ek plaas myself altyd in die situasie. Iets wat ek kan sien kan ek deurdink en na beste hanteer. Vis moet na my mening dieselfde wees. Hulle is baie bewus van wat aangaan en dus baie meer selektief. Wanneer dit donker word (nag kondisies), sal hulle baie meer aggressief byt en dan meer foute maak. Hulle moet in die aand meer staat maak op ruik en proe sintuie. In vuil water sal die dag of skoonwater dus nie ’n invloed hê nie. Andries se kommentaar: Met die maak van die video opnames oor twee dae het ons duidelik gesien dat die karpe, moddervisse en geelvisse beslis baie goeie sig vermoë het. Die visse het op verskeie gevalle beslis die hoekase vermei. Die visse was baie gemaklik om aan die los dele van die voer te vreet. Dan het hulle verskeie kere aan die voerbal gevreet en gestamp. Die visse het verskeie maal so naby aan die hoekaas gekom en steeds het die visse weggedraai en nie “gebyt” nie. Dit is my ervaring dat die visse by skoon water damme in die aand normaalweg baie beter “byt”. Die donkerte help waarskynlik om die “skugter” karakter van die visse weg te neem. My aanbeveling is dat wanneer jy visse teiken in skoon water, moet jy seker maak dat jou hoeke en strop lyne kleiner moet wees sodat die visse meer gemaklik is om die hoekaas op te tel. Die dikker hoeklyne en groter hoeke wat in vuil water gebruik word, word nie in skoon water gebruik nie. Schalk se kommentaar:Met die opname kan jy baie duidelik sien dat die vis ongelooflike sig vermoë het. Hulle vermy die hoek en lyn heeltemal. In skoon water sal ons dus baie fyner en kleiner moet hengel vir ‘n gewenste resultaat.