Die Tegniese Debat – Wat is die invloed van die Wind onder die water?

Die wind het deurentyd ‘n invloed op hengel resultate vir die meeste hengelaars. Baie van die hengelaars voel dat wanneer die wind waai is dit lastig en ander smeek weer dat die wind net moet waai wanneer die water so spieëlglad lê. In die uitgawe gaan ons kyk na wat onder die water gebeur wanneer die wind sterk waai. Hierdie artikel is dus om die effek van die wind te demonstreer en die moontlik implikasies daarvan te identifiseer. Aangesien hengel ‘n buitemuurse sport is, is dit onvermydelik dat die weersomstandighede ‘n invloed sal uitoefen op die sport. Wat by hengel gebeur is dat die water massas beïnvloed word asook die visse wanneer sekere weersomstandighede plaasvind of verander. Wat maak onstuimigheid en sterk wind met die bodem van die dam waarin jy hengel, en het dit ‘n effek op hoe die visse wei? Die algemene gevoel onder hengelaars is dat die wind positief maar ook negatief kan wees vir die hengel op die betrokke dag. Hoe lyk dit onder die water wanneer die wind sterk waai en wat is die effek daarvan? Andries se kommentaar:Die wind is volgens my verseker die vriend van ‘n hengelaar. Alhoewel dit egter die gooi werk van die hengelaars baie negatief beïnvloed, bly dit steeds voordelig. Die wind vervul ‘n soortgelyke funksie vir ‘n dam en rivier as ‘n suurstof pompie in ‘n vistenk. Indien die pompie nie werk nie, raak die visse naderhand baie staties en hang hulle net in die water rond sonder om te vreet. Dit skep eintlik ‘n ongemaklike situasie vir hulle. Die nadeel wat saam met die winde kom is die slik wat los gemaak word en dan aan die lyne vas spoel. Dan gebeur dit ook soms dat die skommel in die water obstruksie plekke kan oplig wat ‘n hengelarea skielik onhengelbaar maak. Die wind is volgens my verseker die vriend van ‘n hengelaar. Alhoewel dit egter die gooi werk van die hengelaars baie negatief beïnvloed, bly dit steeds voordelig. Die wind vervul ‘n soortgelyke funksie vir ‘n dam en rivier as ‘n suurstof pompie in ‘n vistenk. Indien die pompie nie werk nie, raak die visse naderhand baie staties en hang hulle net in die water rond sonder om te vreet. Dit skep eintlik ‘n ongemaklike situasie vir hulle. Die nadeel wat saam met die winde kom is die slik wat los gemaak word en dan aan die lyne vas spoel. Dan gebeur dit ook soms dat die skommel in die water obstruksie plekke kan oplig wat ‘n hengelarea skielik onhengelbaar maak. Bloemhofdam bodem sonder wind. Schalk se kommentaar:Ek glo nog altyd dat die wind wat waai is beter as geen wind wat waai nie. Die eenvoudige rede vir my opinie is die vis word positief beïnvloed deurdat daar meer suurstof in die water geskep word deur die golwe wat ontstaan. Die meer suurstof in die water verhoog die aktiwiteite van die visse wat veroorsaak dat hulle meer aktief vreet. Die ander positiewe aspek is die feit dat die bewegende water die bodem rond woel wat kos deeltjies vir die visse losmaak of beskikbaar maak. Ek is ook van mening dat daar ‘n negatiewe effek ook is en dit is veral van toepassing in vlakker water areas. Wanneer die winde so sterk waai veroorsaak die skommeling van die water dat baie stof of sand deeltjies losgemaak word en in die water kolom beland. Hierdie sanddeeltjies glo ek irriteer die visse se kieue en dus sal die visse nie gemaklik daar wei of swem nie. Bodem met obstruksie by Bloemhofdam. Ons aanbevelings... Andries se kommentaar:Die video opnames wat gemaak is vir die artikel dui baie duidelik aan dat die visse baie meer lewendig is en ook meer skrikkerig is. Wanneer ons onder die water beweeg, swem die visse vinnig weg en kon ons glad nie naby hulle kom nie. Die water kolom raak beslis “vuil” deur al die deeltjies wat in die water los geskommel word. Hierdie deeltjies sluit in slik, stofdeeltjies wat aan watergras vasgeklou het, sand, grasdeeltjies, ens. My aanbeveling is dat jy moet onthou dat wanneer die wind in ‘n sekere rigting baie sterk waai vir ‘n tyd lank, word die water oppervlakte verskuif in daardie rigting. Sodra dit by die kant kom veroorsaak dit dat die onderste deel van die water kolom terug gestoot word. Dit veroorsaak dus ‘n stroom wat onder die water in die teenoorgestelde rigting as die wind sal beweeg. Dit is dan hierdie strome wat die obstruksies op die bodem kan oplig waaraan jy dan vashaak. Die wind is jou vriend wanneer dit by hengel kom. Schalk se kommentaar:Dit is duidelik dat die wind positiewe en negatiewe effekte het op die hengel. Dit is duidelik dat daar suurstof in die water geskep word soos in die opnames gesien kan word. Hierdie suurstof sit om in energie in die visse wat hulle meer laat vreet. Die skommeling in die water maak die bodem meer “lewendig” vir die visse om meer kos te kan kry. Wanneer die wind waai is die vis nader aan die bodem aangesien die water kolom daar heelwat meer stabiel is en nie so baie skommel nie. My aanbeveling is dat die wind positief is en dat jy net moet versigtig wees dat jy nie in te vlak water hengel wanneer daar sterk winde waai nie. Die visse se silhoeëtte is skaars sigbaar.