DIEPSEE TUNA-TOERNOOI: Drie 80kg-plus Geelvintunas – en ‘n 87,8kg vis is na ‘n 4-ure geveg die wenner!

2022 Carry Cat Offshore Classic, Gordonsbaai https://youtu.be/PNjFvrd1etc Video: Green Pepper Video Productions: 082 720 9779 WOORDE: Elizma Steyn FOTO’S: Verskaf Hoe vang mens ’n tuna wat meer as jouself weeg? Maklik, jy trek ’n Black Magic aan, sit jou katrol op sunset, en katrol met die krag van Simson, vir vier ure lank! Uiteindelik was dit tyd vir een van die jaarlikse tunakompetisies, die Carry Cat Offshore Classic aangebied deur Gordonsbaai Boot- en Hengelklub (GBBAC) van 30 April tot 7 Mei. Met meer as 150 hengelaars wat deelneem is die doelwit eenvoudig, vang die grootste tuna-spesie en word bekroon as die wenner van die 30ste Carry Cat Offshore Classic 2022. Vir my was dit die eerste keer dat ek kon deel wees van so ’n ongelooflike kompetisie. Ja, ek is nie ’n groentjie nie, maar vir ’n meisie van die plaas was ek nog altyd gemaklik langs ’n dam met ’n bietjie pap en mielies. Wetend dat hierdie nie net papgooi is nie, het ek goed voorberei deur om vinnig vir my ’n laaitjie op vriende se bote te vis en seker te maak dat ek bootvoete het. So met al die afrigting, baie see-ure en opgewondenheid soos ’n vyfjarige dogtertjie op Kersaand, is ek deel van Team Gambler! Team Gambler Ons is ’n goed gebalanseerde span, twee mans en twee vrouens, Ron en Leonie Penninkhof, Jan Kleynhans en ek. Met Kenny Rogers se liedjie kliphard, vaar ons na die tunagronde verby Kaappunt en dan nog so 20 seemyl na die Canyon area, dis waar die groot visse swem! Nou om terug te kom na die opgewondenheid, dankie tog ons skipper besluit om so ses myl voor die Canyon daai Suzuki’s te laat rus, en gee almal ’n geleentheid om gou van die oortollige opgewondenheid ontslae te raak, nog iets wat ek nou met gemak kan hanteer, just saying. Met mans wat na voor kyk en vrouens wat die ’hakka’ doen tussen die motors, word die stilte gebreek deur die alarm van ons visvinder! Tie-tie, tie-tie ... almal se oë gerig na die water en wragtig, ’n skool dorado en onder hulle die skaduwees van geelvin-tuna! Ek en spanmaat Leonie gryp ons Black Magics, Jan chum en Ron kry die stilstuipe ... ON DAD! Beide vrouens baklei vis en binne minute is die telling 1 vir Team Gambler en 2 vir Neptune – hook pulls! Leonie vat die chum oor en nou is ek en Ron vas. Jintelman wat Ron is laat hy sy vis ver swem sodat ek my vis gemaklik kan land. Almal se oë is op my stok, daar word gespekuleer oor die grootte van die vis soos die manier wat die stok buig, en die besluit word gemaak dat Ron vinnig sy vis moet land en dat ons konsentreer op die vettie wat baklei vir sy lewe. Ron praat op die VHF-radio met omliggende bote, waarsku hulle dat die vis op die oppervlak baklei en vir die volgende drie minute luister ons na voorspoedwense van meer as 30 bote. Die opleiding het beslis gehelp: hou jou stok 90 grade, steel elke keer net ’n bietjie lyn en onthou om asem te haal … My span motiveer my, hou my kalm en maak seker dat ek gefokus bly, maar liewe genade, na twee ure is ek regtig besig om moedeloos te raak, en toe sien ek die vis … Almal is nou tjoepstil, dit is ’n enorme groot vis, en hy baklei vuil! Met hernude energie en moed baklei ek harder en uiteindelik kan ons op die visvinder se skerm die groot rooiwurm sien. Die groot rooiwurm. 30 meter, 20 meter, terug op 30 meter, ek baklei, steel bietjie lyn elke kans wat ek kan, maar vir elke sekonde wat ek rus voel dit die vis rus ses. Deur die loop van my baklei hoor ons op die radio van groot visse wat gehaak en dan verloor word langs die boot, hierdie nuus en wete sink in en dit is tyd vir daai laaste spanpraatjie … Jan en Ron se senuwees is op, Leonie kom staan langs my en praat diep, haar laaste woorde aan my … “Doen dit vir Flipper, Elizma.” Die gesiggie van my blondekop, sproetneusie-seun skiet in my gedagtes op, en dit is weer game on! Leonie skreeu, “15 meter, 10 meter”. Ron en Jan gryp die gaffs en daar voel ek die weerstand breek, die vis is gehaak! Fisies en emosioneel is ek geknak, ons het hom! Ons laat weet die vloot die vis is uiteindelik gelaai en die radio is aan die brand met gelukwense en virtuele high-fives. Lines-up word geroep, en Team Gambler met die krag van 230 wildeperde jaag hawe toe vir die inweeg. Tussen Kenny Rogers se The Gambler-liedjie en die radio wat steeds aan die brand is met almal se gekletter, sit ek tjoepstil en probeer steeds tot bedaring kom met hierdie butterball van ’n vis wat langs, nie binne nie maar langs, die groot visboks lê. Dit is toe dat ek Ron se woorde weer in my gedagtes hoor, “Ouens, ek soek ’n vis wat nie in hierdie visboks pas nie!” Ek herinner hom van waarvoor hy gevra het en hy herinner ons dat die Curry Cup nie in Februarie gewen word nie. By die hawe gons dit, hengelaars, families, kinders, almal drom om mekaar by die skaal om te kom kyk wat die vangste vir die dag opgelewer het. Na baie meer high-fives, drukkies en geskatte gewig van die vis is ons op pad na die skaal. Uiteindelik hang die vis en die skaal lees 87,8kg, die grootste een vir die dag! Elizma Steyn met haar 87,8kg tuna by die inweeg op die eerste dag van die kompetisie - en dis toe die wenvis! Foto: Nico Zietsman. Die span: Leonie Penninkhof,, Elizma Steyn, Ron Penninkhof en Jan Kleynhans. ... en na die vier ure se harde baklei 'n blaas op die hand! Maar dis die pyn werd! Wat ’n great begin! Die Carry Cat Offshore Classic word aangebied oor ’n periode van sewe dae waarvan die vier beste visvangdae gebruik word. Dag een is verby en met drie dae wat nog gevis kan word weet ons, die enigste manier om die kompetisie te wen, alhoewel eenvoudig, is om die grootste tuna skaal toe te bring! Elke oggend besluit ons dat ons die dag gaan aanpak soos die eerste dag, vergeet van wat was en vang ’n groter tuna. The Gambler lyk en ruik soos ’n vismark, ons het dorado-filette, hake-filette en nog meer – big fish, big bait. Vir die volgende paar dae vis ons ons harte uit. Dag twee se grootste vis word gevang vanaf die boot Da Boyz, dit weeg 86,6kg, dag drie se grootste vis weeg 84,7kg, gevang vanaf die boot, Genesis, en toe word die vierde dag afgeroep weens ongunstige weersomstandighede! Ons het dit gedoen! We knew when to hold them, We knew when to fold them.We never counted, before the dealing's done …… now, the dealing's done! Team Gambler word bekroon as die algehele wenner van 2022 se Carry Cat Offshore Classic met ’n tuna van 87,8kg op die eerste dag gevang! Ron en Leonie Penninkhof, Wilana Oosthuizen van Ratel, Jan Kleynhans en Elizma Steyn. Wat ’n ongelooflike ervaring en kompetisie! Aan elke liewe organiseerder, die GBBAC, die borge en medehengelaars, dankie vir ’n onvergeetbare tyd, en vis! Nou vra ek myself weer, “Hoe vang jy ’n tuna wat meer as jouself weeg?” Die antwoord, ”Maklik, jy trek ’n Black Magic aan, sit jou katrol op sunset, en kry krag van jou span, 150 hengelaars wat agter jou staan en duimvashou dat jy daai vis land, en dan aan die einde wanneer jou hande kramp, jou liggaam wil opgee en jy net so amper-amper moedeloos raak, dink aan jou blondekop, sproetneus-seun!

DIEPSEE TUNA-TOERNOOI: Drie 80kg-plus Geelvintunas – en ‘n 87,8kg vis is na ‘n 4-ure geveg die wenner!

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Guess the mass of the CARP and WIN an Adrenalin Fishing Tackle Hamper

How to stay competitive in tournament angling

BAARSHENGEL-AKADEMIE: Kul hul met ’n wurm – Die Trick Worm

GABON: ONVERGEETLIKE HENGEL-ERVARINGE

Is dit belangrik om fiks te wees as jy op ‘n hoë standaard wil kompeteer in hengel?

Spangled Emperor Vakansieverrassing!

Gooi, Krag en Uithouvermoë vir toernooie.

AN AMERICAN IN AFRICA: A Bass Angler exclusive with Ray Scott

LESERS | READERS

NEXT LEVEL BASSING: Targeting Transition Zones In Late Winter

Guess the mass of the CARP and WIN an Adrenalin Fishing Tackle Hamper

How to stay competitive in tournament angling

BAARSHENGEL-AKADEMIE: Kul hul met ’n wurm – Die Trick Worm

GABON: ONVERGEETLIKE HENGEL-ERVARINGE

Is dit belangrik om fiks te wees as jy op ‘n hoë standaard wil kompeteer in hengel?

Spangled Emperor Vakansieverrassing!

Gooi, Krag en Uithouvermoë vir toernooie.

AN AMERICAN IN AFRICA: A Bass Angler exclusive with Ray Scott

LESERS | READERS

NEXT LEVEL BASSING: Targeting Transition Zones In Late Winter

Guess the mass of the CARP and WIN an Adrenalin Fishing Tackle Hamper

Pro Mania Top 10 | June 2022 – Week 4

U. ELEGANT FUEL BLOEMHOFDAM BONANZA 2022

R499.00 per year

R49.00 per month

R299.00 per year

R29.00 per month

R299.00 per year

R29.00 per month