U. ELEGANT FUEL BLOEMHOFDAM BONANZA 2022

VERSLAG: Bernard Venter FOTO'S: Verskaf Na afloop van die Covid-inperking van die afgelope twee jaar kon ons vanjaar weer ’n gewone tradisionele Bloemhofdam Bonanza oor ’n naweek aanbied. Hengelaars het in hul getalle van regoor Suid-Afrika na Bloemhofdam opgeruk om die 21ste jaarlikse Bonanza saam met vriende en familie te kom geniet! Vanjaar se Elegant Fuel Bloemhofdam Bonanza het gedurende die langnaweek van 29 April tot 2 Mei plaasgevind by al die gewilde oewers van Bloemhofdam, naamlik Sandveld, die Sloep, die Noordwes-oewer en Verlatenkraal. Die weersomstandighede was ons genadig en die Bonanza het in heerlike sonskynweer plaasgevind. Saans het die temperatuur maar laag gedaal en het die hengelaars om groot kampvure saam gekuier. Die hiasinte het soms gedreig om van die oewers te beset, maar elke keer het die wind genadiglik gedraai en die oewers ongeskonde hengelbaar gelos. Daar was weer pragtige pryse om te wen by die Bonanza: Elegant Fuel het R120 000 se kontant plus nog R10 000 se brandstofkoopbewyse geborg! Mitchell en PENN het R80 000 se hengelgerei geborg. Daar was pryse vir seniors, dames en juniors om te wen. Die organiseerders het vanjaar besluit om van die grootste pryse as lucky draws uit te deel. Meer as R100 000 se pryse, soos ’n Engel-kampyskas geborg deur Morar Fishing van R20 000, ’n vissermanskuit met Lowrance-fishfinder en elektriese motor geborg deur Kosh Marine Klerksdorp, twee Loukies-aasbote, kamptoerusting geborg deur Bush Adventurers en ’n lekker hengelvakansie vir die gesin by Paindane in Mosambiek was alles in dié kategorie uitgedeel. Die spanne-kompetisie vir die mooiste spandrag en spangees is vir ’n tweede agtereenvolgende jaar deur Hot Rods gewen wat R5000 kontant, geborg deur G2 Industries, en ’n lekker wegbreeknaweek by die Jagkamp by Bloemhofdam ontvang het. Die eerste 500 deelnemers wat ingeskryf het, het ook elk ’n goody bag gevul met ’n Elegant Fuel Bonanza-pet, Legends-mieliebol, Wabona-mieliemeel en Die Oewerhengelaar- en Stywe Lyne-tydskrifte. Die Hot Rods-span, wenners van die 'Best Dressed'-spanprys. Die Bonanza se wenners is soos laasjaar bepaal deur ’n puntefaktor per sentimeter toe te ken. Vir ’n baber is 1 punt per sentimeter toegeken en vir ’n karp 1,8531 punte per sentimeter (omdat karp korter visse is). Die meetstelsel het verskeie voordele bo dié van ’n tradisionele inweeg. Die meting van vis word al hoe meer in georganiseerde hengel gebruik, ondermeer omdat daar nie meer hope dooie vis is soos by die weegstelsel dikwels die geval is nie. Die visse se lengtes word elektronies ingedien wat beteken dat deelnemers nie almal na ’n sentrale inweegpunt hoef te ry om vis te laat weeg nie. Ons het ’n elektroniese leaderboard wat elke deelnemer op sy foon kan volg en slegs die visse in die top 20 moet dan deur ’n beampte geverifieer word. Deon Govender is die algehele wenner van die Elegant Fuel Bloemhofdam Bonanza 2022. Hy het ’n baie mooi karp van 91cm (168,63 punte) vanaf die Sandveldoewer met ’n Legends pynappelmieliepit en Legends pynappel sagte floatie gevang (lees Deon se storie – Red.). Die algehele Bonanza-wenner, Deon Govender met die wenvis by die Sandveld-oewer gevang. Die wenner van die Elegant Fuel Bloemhofdam Bonanza 2022 – Deon Govender ontvang sy tjek van R50 000 en oorwinnaarsbeker van Edward Londt van Elegant Fuel en Bernard Venter van Eco-Care Trust. Die algehele Bonanza-wenner, Deon Govender met sy trofee as algehele wenner. Die algehele tweede plek het aan Pieter-John Gouvea gegaan met sy mooi baber van 150cm wat hy op ’n viskop as aas in die Sloep gevang het. Volgens die reëls van die Bonanza gaan die eerste prys vir die visspesie met die meeste punte en die tweede prys aan die alternatiewe spesie met die meeste punte. So as die eerste prys vir ’n karp is, dan is die tweede prys vir ’n baber. Elizebeth de Jong het die dames-afdeling gewen met ’n baber van 136,50cm wat sy vanaf die Noordwesoewer gevang het. Die junior-afdeling is deur ’n jonge dame, Leané Hill gewen met ’n baber wat sy vanaf ’n boot gevang het. Die volledige uitslae van pryswenners: Nogmaals baie dankie aan die fantastiese borge en geesdriftige deelnemers, ons toegewyde beamptes en die organiseerders, Eco-Care Trust van die Elegant Fuel Bloemhofdam Bonanza 2022. Die Da-vat-hy-span. Robbie Robinson. FC (Boeta) en sy pa Freddie Nel.

U. ELEGANT FUEL BLOEMHOFDAM BONANZA 2022

– soos altyd ’n baie lekker hengeltoernooi!

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Von Du Rust is ‘Von-derlik’

LEES DIT NOU! / READ IT NOW! Die Oewerhengelaar | DESEMBER 2023

CAMPING for the holidays – with CAMP MASTER

ZERO TOT HERO – Barbara Conradie

VAALRIVIER: Stuur jou foto’s van siek visse!

ONS LESERS SPOG! • OUR READERS BRAG!

ONS JUNIORS SE FOTO’S! • OUR JUNIORS’ PHOTOS

GESTREMDE HENGEL IN SUID-AFRIKA

Fishing is a family affair

Die ‘Baber-boogie’

Von Du Rust is ‘Von-derlik’

LEES DIT NOU! / READ IT NOW! Die Oewerhengelaar | DESEMBER 2023

CAMPING for the holidays – with CAMP MASTER

ZERO TOT HERO – Barbara Conradie

VAALRIVIER: Stuur jou foto’s van siek visse!

ONS LESERS SPOG! • OUR READERS BRAG!

ONS JUNIORS SE FOTO’S! • OUR JUNIORS’ PHOTOS

GESTREMDE HENGEL IN SUID-AFRIKA

Fishing is a family affair

Die ‘Baber-boogie’

SOCIAL BASS FISHING: Remind Yourself Of The Good Times!

Von Du Rust is ‘Von-derlik’

THE BLUE ECONOMY

R550.00 per year

R55.00 per month

R399.00 per year

R40.00 per month

R399.00 per year

R40.00 per month