Feeder Nasionale Kampioenskappe ‘n groot sukses

7-9 Oktober 2019, Vaaldam

Werner Lubbe 2 weeks ago

1 minute read

Die sesde Feeder SA kampioenskappe het hierdie week plaasgevind te Vaaldam. Daar was drie onderskeie afdelings met nie minder as 14 provinsiale spanne in die A Afdeling, 9 in die B Afdeling en 6 in die C Afdeling.

A Spanne

Die A Spanne het by Jackie Leonard en Kees vd Walt gehengel en ‘n totaal van 3815 vis vir 1471kg is geland. Die stryd om die medaljes was verwoed, maar die eerste dag se voorlopers, Gauteng Noord behou hulle voorsprong en wen met 11 punte teenoor die Vrystaters wat die tweede dag opgeskuif het van ‘n 5de na ‘n tweede plek. Slegs 4 punte na hulle, was die span van Noord Oos Mpumalanga.

Gauteng Noord 1ste.
Vrystaat 2de.
NOM 3de.

Individuele medaljes word mooi tussen provinsies gedeel, en Paulo Ribeiro (GN) vat die goud, met Louis Steyn (Links – Gauteng) 3de en JJ Scheepers (SNW Regs) in die 2de plek.

Paulo Ribeiro ontvang die skild en goud van Andries Maree (SASACC President) en Leon Gunter – Feeder Sameroeper.

Uitlsae

B Spanne

In die B Afdeling stap Gauteng weg met die louere, met Vrystaat 2de en Sentraal Noordwes 3de. Hulle weeg 1088 vis vir 296kg by Jan se Plek.

Gauteng 1ste.
Vrystaat 2de.
SNW 3de.

Die individuele kampioenhengelaars: JC Combrink (KZN – 2de), A Smit (Gauteng – 1ste). Hier ontvang sy bestuurder die trofee namens hom, A Cloete (KZN – 3de).

Uitslae

C Spanne

Die C Spanne staan glad nie terug nie en weeg 791 vis vir 172 kg, tussen die 6 spanne. Sentraal Noordwes vat Goud, NOM die Silwer en Gauteng Noord die Brons.