Hengel Saam Met Fish en Lekker FM

Die 11de Oktober tel ek my seun op by die skool en ry Loskop toe vir die Lekker FM visvang kompetisie. Die pad loop mooi Loskop toe en ek dink by myself: “Hoe hou ’n radiostasie ’n visvang kompetisie?” Groot was my verbasing die volgende dag, naamlik Saterdag 12 Oktober. Dit was werklik goed gereël en die pryse was awesome. Ek het my borge verteenwoordig, Hatfield Volkswagen en FISH. Ons maak klaar met die prysuitdeling en die reëlings begin sommer al klaar weer vir die volgende visvang kompetisie. Fanus Pienaar (die sanger) en Gerhard Odendaal (beter bekend as ‘Vaatjie’) deel ’n kamer saam met ons en nie lank nie en ons reël saam ’n hengeldag. Fanus Pienaar (die sanger) en Gerhard Odendaal (beter bekend as ‘Vaatjie’) elk met ’n pragtige Harties karp. Beide van hulle het hul PB's meer as een keer verbeter gedurende hierdie sessie. Vaatjie sê hy sal kos maak, Fanus sê hy sal musiek maak en ek sê ek bring al die visgoed. Die reëlings vir die hengeldag kom sommer vinnig aan die gang en Arno Van Rooyen (Clinton) is die organiseerder en kyk, hy kan baie goed reël. Toits Slaghuis borg ons vleis, Pure Culture borg al die by-kosse en die laaste ding wat ons nou benodig is ’n lekker dam. Clinton kry ’n klein dammetjie in die Mooikloof area en ons almal stem saam oor die dam. Op Maandag 21 Oktober kom ek en Clinton by die dam aan en sien groot vis en sien hier kom ’n ding. Die krappe in die water sê vir mekaar “hier is ons volgende victims”. Ons kry alles reg - stokke , Monster Mix, stoele, skadunette en 7-uur join Fanus ons. Ons maak kontak met Vaatjie en hy sê hy is net na nege by ons. Een-uur die middag kom Vaatjie daar aan en verduidelik dat waterpype nie met hom akkomodeer nie! Ons gaan dood van die honger en Vaatjie braai die heerlike Toits Slaghuis tjoppies vir ons. Volgende oomblik skree die een stok. Ek tel die stok op en my leadcore is afgeknip deur ’n krap. En so gaan dit aan, een lyn na die ander word afgeknip. Ek sien hoe die manne se moed in hulle skoene sak. Ons sal ’n call moet maak en vinnig ook. Ek sê vir hulle dat ons alles moet oppak en eerder Harties toe moet gaan. Almal dink ek maak ’n grap, maar nee, ek maak nie ’n grap nie. Ons pak op en maak ons nodige reëlings vir Harties. Ons slaan die Pretoria verkeer en kom eers 17:15 by Harties aan. Ons gebruik FISH se Monster Mix in die 1kg sakke – dit is klaar gaar en reg vir hengel. Ons eerste stok is gelaai met die Kaboem-mielies wat uit die Monster Mix sak kom en ons is uiteindelik om 18:00 in die water. Nie eers vyf minute later trek die eerste stok weg met ’n spoed en Fanus maak vas met die eerste vis. Die kamp is in rep en roer want niks is reg nie – die skepnet is agter in die Amarok en die unhooking mat lê onder die gazebo! Fanus spook die vis in en ons coach behoorlik van die kant af. Clinton skep die vis en Fanus se Colgate-smaail verblind ons.Ons begin met die weegproses en daar trek die volgende stok weg; Vaatjie laat nie op hom wag nie en hy maak vas. Toe ek by Vaatjie aankom tap die sweet hom af, hy stres so erg, mens sal glo dit gaan oor lewe en dood. Die volgende oomblik kom die vis los en Vaatjie staan daar in verbasing. Ons weeg Fanus se vis en gooi dit nat vir sy nuwe 5,2kg PB. Een van min stil tye waar ons bietjie rondom die kampvuur kon sit en die musiek vanuit die snare van Fanus se kitaar kon geniet. Met die lyne weer terug in die water, sit ons almal om die vuur en Fanus tokkel die kitaar en sing vir ons ’n paar van sy songs. Met geen waarskuwing, trek daar weer ’n stok weg. Vaatjie laat nie die oomblik verbygaan nie en maak vas met sy nuwe PB van 5,7kg. Terwyl ons besig is om Vaatjie nat te gooi trek die volgende stok weer weg en Fanus is weer aan. Hy land weer ’n PB van 8,1kg! Direk daarna land Vaatjie nog ’n 6kg karp en word weer natgegooi oor sy PB. Hierdie is nou behoorlik ’n kompetisie tussen die twee. Ek sien hier kom ’n ding want ek kan nie die stokke in die water kry nie. Sodra ek een stok in die water kry, hardloop die volgende een! Almal is aan die werk - een ou sit aas aan, ’n ander ou vat die lyn in, ’n volgende een maak kos en die ander een gaan haal net water vir die volgende PB! Arno van Rooyen (bynaam - Clinton) en Vaatjie met een van die pragkarpe wat hulle deur die nag aangekeer het. Elf-uur die aand is die potjie reg en Vaatjie slaan ons asems weg met die beste potjie wat ons in ons lewe geëet het! Teen 12-uur staan Vaatjie op ’n 11,4kg en Fanus op ’n 12,7kg karp en al my sinkers is amper klaar. Een-uur die oggend is al ons sinkers toe werklik klaar met 18 vis op die kant en 7 vis verloor. FISH se Monster Mix was werklik ons wenner vir die aand – dit is in 1kg, 2kg en 3kg pakkies beskikbaar. ’n Mens kan een in die emmer gooi en dan die ander sakke in die koelboks hou sodat dit vars bly. Ons het die Kaboem-pitte gebruik met ’n lifter wat soos ’n mielie geknip is. Ons het dit in Kosie gedip en gelos dat dit vir so 5 minute wind-droog word. Dit was ’n onvergeetlike hengelsessie wat altyd by my sal bly. Dankie aan Toits Slaghuis vir die lekker vleis. Dankie VW Hatfield vir ons borgskap en dankie aan Lekker FM dat ons julle manne kon leen. Die manne het my so laat lag dat my maag seer was vir 3 dae! P.S. Vaatjie: “Visvang is eintlik maklik!” P.S. Fanus: “’n 7kg karp is einlik ’n klein vis, gooi hom terug!” P.S . Arno (Clinton): “Volgende keer dra ek ’n ander hoed!” P.S. Andre: “Reel 1 van hengel… Geniet jouself!” Dankie Here vir U Blessings.