Francois Spyer 2019 Streek 5 Kampioen

Na afloop van die finale wedstryd waar die nuutgekose Drie-Nasiespan teen die ander spanne gehengel het, kon ons ’n tydjie saam met "Spy", soos wat Francois Spyer bekend staan, deurbring. Hierdie 42-jarige Stafsersant in die weermag, is ook ’n pa van twee tienerseuns wat volbloedhengelaars in hulle eie reg is. Spy het as jong seun in die Oos-Kaap begin hengel toe hy vir sy pa gevra het om ’n dag te gaan visvang vir sy sewende verjaarsdag. Daar het hy sy tande geslyp op soutwatervis en riviermondings. Met sy werk is hy later verplaas na die Vrystaat en moes hy die kabeljou-aas verruil vir ’n mieliebom en floatie. Hy hengel al 13 jaar kompeterend en het al sewe SA's vir Vystaat gehengel. Hier het hy sodanig presteer om sy pad deur te werk vanaf SAVOF B-Span, na die A-span en twee keer Protea, waar hy ook nou die tweede keer sy Drie-Nasie Kleure verwerf het. As hengelaar het hy baie respek vir die groot name wat hom vooruitgeloop het, maar Ettienne Mahoney staan uit as sy rolmodel wat ’n wesenlike invloed gehad het op sy benadering tot hengel, asook sy algemene lewensuitkyk. Na ’n heerlike middag vol pret en ’n paar mooi visse was dit vir my baie duidelik dat Francois ’n paar beginsels het waarvolgens hy die lewe en sy hengel benader. Spy het as jong seun in die Oos-Kaap begin hengel toe hy vir sy pa gevra het om ’n dag te gaan visvang vir sy sewende verjaarsdag. Daar het hy sy tande geslyp op soutwatervis en riviermondings. Met sy werk is hy later verplaas na die Vrystaat en moes hy die kabeljou-aas verruil vir ’n mieliebom en floatie. Hy hengel al 13 jaar kompeterend en het al sewe SA's vir Vrystaat gehengel. Hier het hy sodanig presteer om sy pad deur te werk vanaf SAVOF B-Span, na die A-span en twee keer Protea, waar hy ook nou die tweede keer sy Drie-Nasie Kleure verwerf het. As hengelaar het hy baie respek vir die groot name wat hom vooruitgeloop het, maar Ettienne Mahoney staan uit as sy rolmodel wat ’n wesenlike invloed gehad het op sy benadering tot hengel, asook sy algemene lewensuitkyk. Na ’n heerlike middag vol pret en ’n paar mooi visse was dit vir my baie duidelik dat Francois ’n paar beginsels het waarvolgens hy die lewe en sy hengel benader. PRESISIE Sy werk as bomopruimingspesialis kom duidelik hier deur en hy doen alles volgens afmetings, niks word geskat nie. Hy meet sy voer en water presies af en die 2:1 verhouding gee vir hom die nodige tekstuur. "Om te meet is om te weet" merk hy op en begin die stophorlosie toe hy die stok neersit. Hy werk streng volgens die byttempo en ruil sy stokke presies op tyd soos wat hy bepaal het vir die omstandighede. As die gooi nie presies geval het waar hy dit wil hê nie, katrol hy oombliklik in en gooi weer. Voorbereiding "Jy kan nie verwag om goed te doen as jy nie ernstig oor voorbereiding is nie" sê hy en wys my die bykans leë houer wat propvol stroppe was by aankoms. Spy het presies vierhonderd stroppe voorberei, wat 300 gly-rietvlei en ’n 100 muddie, baber en spesifieke stroppe vir rysmiere en wurms insluit. Hy pak die verskillende netjies-gebinde stroppe op sy kas se deksel uit. Elke strop is netjies gemaak en mooi verpak in sakkies en gemerk volgens lyndikte, hoekgrootte ensovoorts. Francois se benadering vir enige hengelbyeenkoms verg uiters harde werk en voorbereiding, daarsonder kan sukses nie bereik word nie. Hy maak altyd seker dat hy alles wat hy moontlik by die huis kan doen, insluitend oefening altyd gedoen is. Vaardigheid Woensdagmiddae is sy oefentyd en dan spandeer hy tyd aan gooi. In die paar maande se oploop voor ’n groot toernooi oefen hy maklik ’n uur of twee op ’n keer aan gooiwerk. "Jy moet duisende gooie maak om beter te word, maar sal dit nooit vervolmaak nie, dus kan jy nooit ophou oefen nie!" skerts hy terwyl hy vastrap en weer die Penn Regiment 13' op so net duskant 140m plant. Dit is baie duidelik dat hy gemaklik is met wat hy doen en sonder enige inspanning en met die grootste vertroue daardie stok laat werk. Hy is ook reeds besig om sy styl aan te pas, sodat wanneer die FIPS reëls ten volle in werking tree en geen "skouergooi" toegelaat word nie, hy reeds die tegniek onder die knie het. EENVOUD "Simplicity beats Complexity" is sy leuse en dit is baie duidelik in alles om hom. Sy hengelkas is uiters minimalisties en daar is nie ’n enkele dip in nie. Slegs twee botteltjies floaties en een botteltjie mieliepitte vorm die totale bestek van sy aaskeuses. Verder is daar ’n paar ekstra spoele, leaderlyn, stroppe, sinkers, tangetjies, wurmnaalde en werksplek om die stroppe wat reeds opgemaak is te plaas. TROTS Om vir sy provinsie of land te hengel is vir Francois ’n groot eer en hy dra die groen en goud met groot trots. Dit is vir hom belangrik dat wanneer hy hierdie baadjie dra, hy ’n volwaardige ambassadeur is op alle gebiede en dan net sy beste lewer. Hy reken dat wanneer jy in enige span is, jy ’n verantwoordelikheid het teenoor die res van die span en geensins op jou louere kan rus nie. PASSIE Francois is passievol oor die lewe en veral oor sy hengelsport. Die opgewondenheid in sy stem wanneer hy oor die sport en die genot wat dit hom besorg praat is merkbaar en hy geniet elke oomblik van sy dag langs die water. Die ander manne was al lankal opgepak en oppad terug, maar hy gooi keer op keer nog ’n stok en ryg die blinklywe in. Ons doen ’n oorsig op twee van die nuwe ase en hy gebruik elke geleentheid om te leer en vrae te vra. Die passie kom deur in al die aspekte, en die liefde en respek wat hy het vir die natuur en die vis wat hom soveel plesier verskaf. SENTIMENT In die binnekant van die deksel van sy hengelkas is daar ’n kaartjie wat sy vrou, Lorraine vir hom gegee het op sy verjaarsdag tien jaar gelede. Hy het nou al sy kas drie keer vervang, maar die kaartjie bly saamgaan. Dit is duidelik vir hom belangrik, en sy sentimentele sy kom ook tevore in die model karretjie wat bo in sy kas pryk. Hierdie outjie het hy in 2016 opgetel tydens sy eerste Streek 5 byeenkoms te Moolmans, net voor die eiland. Die toernooi was vir hom spesiaal en hy dra daardie herinneringe en emosies met hom saam na elke plek waar hy hengel. Hierdie tipe sentiment gebruik hy as dryfveer en motivering om aan te hou en te bly presteer. Trots en passie loop hand aan hand in enige sport, en beide van dié eienskappe is nodig om suksesvol te wees in hengel. Vertroue Dit is nou ’n klein woordjie met ’n groot impak. Om te glo en te vertrou kom nie vanself nie, en dis harde werk om ’n string keuses te maak en daarin te glo. Selfvertroue word gekweek deur ’n goeie aantal suksesse binne ’n kort bestek van tyd te maak, waarvan die redes bereken en bekend is. Francois hengel geweldig positief en het volle vertroue in sy gerei, sy aas, sy besluite en homself. Hy reken dat as jy nooit nodig het om te wonder nie, sal jy suksesvol wees. DOELTREFFENDHEID Om doeltreffendheid in te bou in alles wat jy doen maak verseker ’n verskil. Alles gebeur vinniger en makliker met minder energie, en as alles maklik werk dan kan die energie en tyd gebruik word om vis te vang en nie om te sukkel met onbenullighede nie. So gebruik hy byvoorbeeld ’n eenvoudige "quick link" waar die strop maklik gehaak kan word en haak dit ook terug op die spoel sodat hy nooit wonder of die lynknip die dikker leaderlyn iewers beskadig het nie. Spy is linkshandig en hou dan ten alle tye die stok in sy linkerhand vas om die beste gevoel en krag te hê, asook tydens die gooi aksie. Hy gee die maklike werk, soos om die slinger te draai vir sy dom hand en hoef dus nooit hande te ruil nie. VERDIENSTELIKHEID Om deel te wees van ’n nasionalespan kom nie vanself nie en jy moet hard werk om daar uit te kom. Francois glo dat hy op ’n vlak hengel waar hy op meriete in die span behoort te wees. Hy het wel die ontwikkelingspad gestap, en as POC (Person of Colour) bevoordeel die sisteem hom outomaties. Hy voel egter so sterk daaroor, dat wanneer hy tydens ’n SA's nie op meriete uitgenooi word nie, dan gaan hy nie proewe toe nie. So het hy ook nou al ’n jaar of wat uitgesit daaroor. Dan werk hy net weer harder en maak seker dat hy die volgende jaar met mening terug is. Oor transformasie voel hy dat dit tyd is dat sogenaamde POC's moet eienaarskap vat van hulle prestasie, en verseker dat hulle op gelyke voet kan meeding. Hy reken dat dit die sport sal bevoordeel en almal meer positief oor die proses laat. Hy praat nie net nie, maar doen ook - hy het self ’n paar anderskleurige hengelaars onder sy vlerk gevat en is besig om hulle te leer, te inspireer en af te rig om ook eendag te kan presteer en nasionale spanne op meriete te kan haal. Die Proteaspan wat die afgelope streek 5 toernooi by Nautedam in Namibië gewen het. AANPASBAARHEID "Omstandighede verander, en dan moet jy kan aanpas - dit help nie ons klou vas aan wat ons ken nie, ons moet saam met die veranderinge kan groei" verduidelik hy, terwyl hy ’n lyn afbreek in die klippe met ’n mooi vis aan. Sonder om te swets of te brom daaroor, haal hy net nog ’n spoel uit, ryg die nuwe lyn deur die ogies en gooi weer. Hierdie eienskap is tewens deur sy spankaptein, Johan Kruger beaam in ’n onderhoud, en Johan reken hierdie besondere temperament is een van die redes dat Spy so goed presteer het. Verder het hy ook reeds begin om die FIPS reëls ten opsigte van veilige stroppe te implementeer. Hy sê dat hy nie eers wil oorskakel wanneer hy moet nie, maar eerder so gou moontlik, sodat hy ’n kortkop voor die res is wanneer dit moet gebeur. "Daar is altyd ’n paar foute wat gemaak word as iets nuuts ge-implementeer word. Ek wil die foute maak en leer voor die tyd," sluit hy af.