Geen Byt met Eerste Gooislag – Wat nou?

“Ek sukkel wanneer ek by ‘n oord/oewer hengel om te bepaal wat ek moet verander van my hengelplan as ek nie met die eerste gooislag ’n byt gekry het nie.” Die oorsaak van die probleem kan aan ‘n paar aspekte toegeskryf word. Die probleem is egter nie die oorsaak nie, die probleem lê in hoe jy dit gaan hanteer om dit te oorkom. Die volgende aspekte kan die oorsaak wees: Hengel ervaring.Nie goeie beplanning nie.Nie goeie voorbereiding nie.Onsekerheid oor jou plan. Oplossing. Die volgende stappe kan geneem word as oplossing van die probleem: Ervaring Deur verskeie oorde, oewers en damme te besoek kan jy aan verskillende hengelomstandighede blootgestel word, aangesien die gedrag en wei patrone van visse by oorde en oewers verskil. Dan sal dit ook goed wees om op verskillende tye van die dag en weersomstandighede (reёn, wind, ens) by die oewers te hengel aangesien die aspekte ook die visse se gedrag beïnvloed. Beplanning Deur jou hengelsessie/kompetisie/uitstappie te beplan, sal jy ‘n plan hê oor hoe om sistematies veranderinge te maak aan die wyse wat jy hengel. Dit beteken veranderinge op die volgende prosesse te doen: Verander die afstand deur nader of verder te werp – ongeveer 5m na 10m.Verander die strop van een van die stokke.Verander die tipe aas deur bv. Floatie saam met die deeg te sit, erdwurm alleen aan te sit, floatie alleen aan te sit, ens.Voeg ‘n konsentraat/dip by die skoon aas/voer.Verander die konsentraat (e)/dip(s).Voeg nog ‘n konsentraat/dip by. Voorbereiding Daar is baie maniere wat jy kan volg om voor te berei vir ‘n hengelsessie/kompetisie wat insluit: Bel ‘n vriend wat die oord of oewer ken.Gebruik goeie tydskrifte wat artikels bevat oor oorde/oewers.Hou rekord deur notas te maak van jou sessies by oorde en lees deur dit voordat jy daar weer gaan hengel.Deurdink jou hengel voor die hengeldag oor hoe jy die veranderinge gaan uitvoer. Onsekerheid Die selfvertroue waarmee jy jou hengel aktiwiteite uitvoer, met ander woorde die aansit van jou aas, die ingooi, ens. Sou jy dit met selfvertroue doen, staan jy ‘n baie beter kans om ‘n byt te kry. Ek glo vas daarin dat die liewe Vader visse geskape het om op ‘n manier ons teenwoordigheid en vertroue aan te voel. Deur onseker te wees gaan jy verkeerde besluite neem of te vinnig veranderinge maak. Indien jy onseker is, kan jy die volgende doen: Kyk na die vis aktiwiteite.Kyk na die vangste van die ander hengelaars.Kyk na die vangs tempo van die ander hengelaars. Opsomming Deur veranderinge aan te bring in jou hengelplan, kan dit voordelig wees om beter vangs resultate te kry, maar die omgekeerde is egter ook waar - dit kan gebeur deur ongeduldig of onbeplande veranderinge te maak wat jou vangste negatief beïnvloed. Die vis in die spesifieke area of op daardie stadium neem dalk bietjie langer om te wei.