Gys Pitzer Vaaldam Bonanza 2019

Honderde oewer- en boothengelaars het saamgetrek Vaaldam toe waar die jaarlikse Bonanza by Biermans en Kruger se oewers gehou is. Met die dam se watervlak wat slegs 42% was teenoor 80% verlede jaar, was daar baie minder vashaakplek vir die oewerhengelaars se stroppe, alhoewel voertuie op die oewer vasgesit het na ’n goeie reënbui. Die Kruger-oewer het gepronk met wit sande, waar die Biermans-oewer weer uiters glibberige klei was, beslis ’n gevaar om vir ’n visstok te hardloop wanneer die vis byt! Die 2019 Bonanza sal onthou word as een waar die dames die manne 'n goeie drag slae gegee het in al die afdelings. Van die bote het by Oranjeville Resort gelanseer. Boot-afdeling Vaaldam se water was hopeloos te laag vir die bote om hierdie jaar by Damplaas te lanseer, daarom moes hulle Oranjeville Vakansie-oord toe. Vir menige hengelaars was dit ’n verligting omdat hul visvangplek baie nader was om te bereik. Die oord het ook gerieflike slaap- en stortplek aangebied, met ’n winkel waar ys, koeldrank en nog ander benodigdhede aangekoop kon word. Vrydag tydens registrasie was elke deelnemer vuur en vlam met groot ywer, geklee in spandrag en groot glimlagte, gereed vir ’n naweek se verblyf op die water. Ou bekendes het by die Bonanza opgedaag, so ook hengelaars wat vir die eerste keer die dam besoek en kom karp vang het. Vrydagmiddag 3-uur was die wegspring, en teen 5-uur kon almal begin hengel. Karp word eers geteiken om die volgende dag hul vier grootste karp te kon weeg om vir die Spanne Bonanza ’n kans te staan vir een van drie kontantpryse. Die 4kg karpe was volop by die inweegstasie. Van die deelnemers het die een na die ander gevang en net die swaarste gehou vir inweeg. Daarna moes hul moddervis teiken wat vir meeste moeilik bekombaar was, so erg dat self ses- uur lange soektog na moddervis onsuksesvol was. Gelukkig vir sommiges kon hul moddervis kry, al was dit net een. Die swaarste het 1,55kg geweeg. Die grootste baber van die toernooi was deur ’n boothengelaar gevang, ’n 16,4kg deur ’n jongdame, Jordan Botes. Afhangend van waar die bote gelê het, het die weer deur die nag van die bote so rond geskommel dat visstokke gebêre moes word en almal aan boord moes vashou. Die wind en reën het gekom en gegaan, en so het die naweek goed afgesluit met resultate waar die dames die wenplekke oorheers het. Bierman, Vaaldam - Foto: Stefan Viljoen Bierman, Vaaldam - Foto: Stefan Viljoen WENNERS Algehele wenner: Oewerhengelaar Juanice van Rooyen wen ’n Kia Picanto ter waarde van R100 000 met haar 5,4kg karp, 10,3kg baber en 1,15kg moddervis, ’n volle 1805,4 punte, geborg deur Gys Pitzer Motoring!2de plek algeheel: Oewerhengelaar Lenie Rusch het ’n 12,3kg baber, 4,5kg karp en 0,95kg moddervis ingeweeg wat haar ’n Crackleback Lite Boot op ’n sleepwa ter waarde van R80 000 laat wen het, geborg deur Escape Boating.3de plek algeheel: Henry Park (Jnr) wen ’n kampprys ter waarde van R15 000, geborg deur Bushtec Adventure. Sy vangste was ’n 6,35kg baber, 6,9kg karp en ’n 0,7kg moddervis.4de plek algeheel: Boothengelaar Stiaan Bakkes het ’n 14,2kg baber, 5,2kg karp en 1kg moddervis gevang.Oewerhengelaar: Charleen van Vuuren wen met haar baber van 15,05kg hengelgerei ter waarde van R9 500, geborg deur Mitchell en Penn.Boothengelaar: Jordan Botes wen met haar 16,4kg baber hengelgerei ter waarde van R9 500, geborg deur Mitchell en Penn.Dameswenner: Oewerhengelaar Natasha Wheeler met haar karp van 4,15kg wen ’n aasboot deur Arrow Bait Boats geborg ter waarde van R5 800.Juniorwenner: Oewerhengelaar Henry Park (JnrJnr) met ’n karp van 3,55kg. Hy wen ’n aasboot wat deur Loukie’s Bait Boats geborg is met ’n waarde van R5 800. Jordan Botes wen met haar 16,4kg baber hengelgerei ter waarde van R9 500, geborg deur Mitchell en Penn. Dennis Schenck was deel van die span op die boot, Shen’kie. Janine van der Walt het haar eerste kompetisie bygewoon, was baie siek op die boot, het min geslaap, maar kon al drie spesies vang en inweeg. Hier staan sy met ’n welverdiende moddervis! Sy wen vierdeplek in die boot-afdeling met ’n 13,05kg baber. Hier staan DC Maree by hul 4 karpe waarmee hul tweede plek verower het by die Spannebonanza. Hul bootnaam is Verlof, met 'n span van 2, saam met pa Dawie. Wikus Viljoen met ’n 14,1kg baber wat hom derdeplek in die boot-afdeling besorg het. Spanne kompetisie, kontant geborg deur River View Lodge Spanne 1ste Plek 1ste plek – Die boot Justice met Hennie Papenfuss en Leon Smith wen R5 000 + R1 200 Q Clothing koopbewys.2de plek – Die boot Verlof met pa Dawie en seun DC Maree wen R3 000 + R1 200 Q Clothing koopbewys.3de plek – Die oewerspan, Fish 1 wen R2 000 + R1 200 Q Clothing koopbewys. Die wenner, Juanice van Rooyen Juanice is van Pretoria en hengel al 7 jaar lank saam met haar man, Arno. Hulle hengel vir beide vars- en soutwatervis. Sy is só opgewonde oor haar prestasie by die Gys Pitzer Vaaldam Bonanza, en kon nie glo dat sy die Bonanza gewen het nie, want dit was haar heel eerste keer dat sy ooit iets gewen het, ’n eerste kompetisie en ook haar eerste vis uit Vaaldam. Haar gunsteling hengelwater is die Vaalrivier by River View Lodge. Haar PB’s vir varswatervis is ’n 6,4kg karp, ’n 14,2kg baber en ’n 1,35kg moddervis. Vra ons wanneer sy die wenvisse gevang het gee sy die volgende tye en ook mutis om hulle aan te keer: Karp: Saterdag 06:00 – Aas: Pienk fake maize en 'n tigernut, gedip in FISH se White Chocolate. Baber: Saterdag 04:00 – Aas: 1kg karp deur die bek gehaak. Moddervis: Saterdag 19:00 Aas: Skoon wit degie. Pieter Bouwer, Juanice en Gys Pitzer. Arno en Juanice van Rooyen staan hier by Bierman se grond met hul babervangste. Arno het ook ’n pragtige 9,2kg geelvis gevang wat nie vir die kompetisie getel het nie. Wat het gebeur? Span HOTDOG - Willie Carelse en skoonseun Bertie Markram, gereelde bonanza bywoners, het met nuwe spandrag en groot opwinding by die registrasie vroegoggend by Oranjeville Resort opgedaag, in groot opwinding dat hul weereens lekker gaan visvang en moontlik weg sou stap met ’n prys. Met die wegspring van die bote teen 3uur Vrydagmiddag, het hul reguit na die Wilgerivier se rigting gevaar en hul hengelplek naby Jim Fouché oord gekies. Die wind het toe al begin opsteek en die golwe het verwoed om hul boot gevorm. Met die eerste gooi van die anker, swaai die boot en die ankertou draai toe om die motor, wat veroorsaak dat die boot onder die water ingedruk word soos wat die golwe agter in die boot breek. Ongelukkig kon Bertie nie betyds die ankertou sny nadat hy in die water gespring het nie, toe dop die boot om en hul verloor alles daarin, insluitend motorsleutels, selfone en beursies. Verbygaande bote kon hul help, ook om die saak te rapporteer vir verdere hulp. Die SAPD se watervleuel kon hul boot tot by Oranjeville Resort sleep waar hul voertuig met sleepwa gestaan het. Hul huismense kon spaarsleutels bring en gelukkig het niemand beserings opgedoen nie. Beide die mans het Sondag by die prysuitdeling opgedaag om te hoor of hul “lucky draw” nommers getrek word. Dis mos nou sportmansgees! Hopelik sien ons hulle weer volgende jaar.