HENGELKLINIEK @ATKV Eiland-spa

Aangebied deur For Anglers | Die Oewerhengelaar | Stywe Lyne

WOORDE: Werner Lubbe | FOTO’S: Jessica de Villiers

Belegging in jong hengelaars lewer groot dividende vir die toekoms.

Tydens skoolvakansies is oorde soos die ATKV Eiland-spa naby Tzaneen gepak met vakansiegangers, en gesinne daag in hulle hordes daar op. Die kampplekke en chalets is altyd propvol en die oordbestuur doen moeite om goed gestruktureerde vakansieprogramme te fasiliteer.

So is die For Anglers-span ook altyd deel daarvan ten einde ‘n hengelprogram aan te bied. Tydens hierdie tydperk word daar dan daagliks hengelklinieke aangebied waar ons die kinders (en baie ouers) die basiese beginsels van hengel leer, en vir die wat reeds op ‘n hoër vaardigheidsvlak is, leer ons ‘n paar van die tricks of the trade.

Elke tweede of derde dag word ‘n kompetisie gehou waar die hengelaartjies talle pryse kan wen vir onderskeie prestasies. Allerhande afdelings soos grootste vis, meeste vis, kleinste vis, rare spesies, ensomeer kry elkeen ‘n prys. Soms is die aantal deelnemers so baie dat hulle dan in spanverband deelneem.

Om hierdie tipe program effektief te kan aanbied, is dit belangrik om borge te hê wat vir ons pryse gee, T-hemde beskikbaar stel, voer en asies uitgee, en nog baie meer lewer deur hulle blote betrokkenheid.

Derhalwe wil ons graag dankie sê aan:

Camp Master;
Super Cast;
Gys Pitzer Motoring;
Sensational Angling;
Fear None;
Die Oewerhengelaar-tydskrif en
Stywe Lyne-tydskrif.

BORGE

WEN, WEN, WEN – ALMAL IS WENNERS!

LEES OOK /ALSO READ:

Hengel saam met FRIK & RIËTTE: Die toekoms van Hengel is in Jong Hengelaars se Hande

Junior SA Kampioene verklap hul wengeheime!

How old is that carp?

**Opstote om jou prys te kry … dis nou die ‘straf’ as jy gehengel het en ‘verdwyn’ het voor jy jou prys gekry het – goeie sportmanskap!**

Die dammetjie by die Eiland-spa is propvol kurpers van verskeie groottes en dit gee ‘n gulde geleentheid vir hengelaartjies om sakke vol te vang, mits hulle die tegniek regkry.

So het ons For Anglers-span ingespring en hulle geleer van dobberhengel se fynere kunsies, soos hoe om die dobber te stel, die diepte te bepaal en hoe om ‘n wurmpie met behulp van ‘n wurmnaald aan te sit.