Hoeveel ‘dip’ moet jy gebruik?

Die hoeveelheid lokmiddel of ‘dip’ wat gebruik word kan in ‘n groot mate die sukses van ‘n sessie bepaal. Hier is vier hoeveelheidsmetodes wat ‘n bietjie meer lig op die onderwerp plaas en jou kan help om dalk ‘n vis of twee meer te vang tydens jou volgende sessie… Metode nr. 1 - Gebruik net druppels konsentraat. Met ‘druppels’ word dit hier letterlik bedoel. Eerstens kan hierdie metode gebruik word wanneer dit byv. heeltemal windstil is en die dam soos ‘n spieël lê. Omdat die wind nie waai nie sal die water ook nie beweeg nie en as jy dan te veel konsentraat op die aas gebruik mag dit die vis afskrik. Die gebruik van hierdie metode impliseer dan dat die vis sensitief is en nie spontaan byt nie. Jy moet die vis as t’ware maak byt. Jy kan ook hierdie metode gebruik wanneer daar baie klein vissies is wat vinnig op die aas toesak. Die klein hoeveelheid konsentraat is min genoeg om die kleintjies nie te vinnig te lok nie en dit gee dus ‘n groter vis kans om by die aas uit te kom. Derdens word hierdie metode gebruik wanneer baie sterk geur konsentrate soos byv. knoffel of bloekomolie gebruik word. Omdat die geur so sterk is wil jy nie die vis afskrik deur te veel te gebruik nie, maar net genoeg om hom lus te maak om die aas op te tel. Metode nr. 2 - Gebruik strepies konsentraat. Hierdie metode is die meer aanvaarbare metode as dit by ho- eveelheid konsentraat kom wat gebruik word. Dit is ook die mees ‘veiligste’ hoeveelheid wat aangewend kan word in die meeste omstandighede. Jy kan amper sê dat hierdie metode in die alge- meen of onder normale toestande gebruik word. Die wind waai konstant, die vis byt met redlike intervalle of tussenposes van ongeveer 15 tot 45 minute en die water temperatuur is tussen 18 en 26°C. Soet maar prominente geure soos byv. pynappel, amandel, ‘passion fruit’, aarbei, piesang, ‘bunspice’ ens. is geure wat gewoonlik in hierdie hoeveelheidsmetode gebruik word. Metode nr. 3. Hierdie is ‘n kombinasie van Metodes 1 en 2 waar sommige geure in strepies en ander in druppels aangewend word. Hierdie metode word onder die- selfde omstandighede gebruik soos wat in Metode 2 beskryf word. Die motief vir die gebruik van hierdie metode is om ‘n sterk, skerp geur konsentraat met ‘n soet prominente geur konsentraat te kombineer. ‘n Paar goeie voorbeelde hiervan sluit die volgende in: Piesang en knoffel, ‘winter- green’ en ‘passion fruit’ of bloekom olie en perske. Jou aanbieding is dus soet prominent georieënteerd met bietjie van ‘n skop. Metode nr. 4 - Die “Ball & All” metode. Baie hengelaars is lief vir hierdie hoeveelheidsmetode (ek dink sommige doen dit uit onkunde uit!) Hierdie metode kan gebruik word wanneer die vis regtig goed byt om hulle aan die gang te hou of dalk uit desperasie omdat die vis glad nie wil byt nie en jy hulle wil dwing om die aas op tel. Ek dink nie hierdie moet vanuit die staanspoor toegepas word nie, maar jy moet daartoe gelei word deur die byt- tempo van die vis. Wanneer die wind ook sterk waai kan hierdie metode gemakliker toegepas word alhoewel dit meeste van die tyd nie ‘n aanvaarbare hoeveelheidsmetode is om te gebruik nie. Sagte soet geur konsentrate soos karamel kan sonder probleem met hierdie metode geassosieer word, maar ‘n sterk geur soos bloekom olie moet liefs nie op hierdie metode aangewend word nie. Wanneer die aas langer as ‘n uur moet lê voordat die vis dit op tel kan hi- erdie metode oorweeg word.