Kampioen van Kampioene Toernooi 2024 – Bloemhofdam

WOORDE: Werner Lubbe | FOTO'S: Jessica de Villiers Elke jaar word aparte nasionale kampioenskappe in al die fasette reg deur die land aangebied. Elke provinsie het spanne wat deelneem en hengelaars wat presteer. Selfs die opetoernooireekse soos die Elite Series en die Pro Mania het hulle finale wat presteerders en kampioene opgelewer het. So stap elke provinsie weg by die SA’s met hul eie kampioen vir daardie afdeling – maar wat is nou eintlik die beloning daarvoor om die provinsiale kampioen van ‘n spesifieke toernooi te wees? Wel, hier het Andries Maree, President van die SA Sport Angling & Casting Federation asook sekretaris van die SA Varswateroewerhengelfederasie, wat elf jaar terug die stigter van hierdie gesogte toernooi was, die behoefte gesien. Tydens hierdie toernooi ding elke provinsiale kampioen om hierdie gesogte titel teen mekaar mee. “Alhoewel die ontstaan van die Toernooi deur my inisiatief begin het, weet ek daar is 'n ingeweefde aantal aspekte wat die sukses verseker,” verduidelik hy. “As jy my sou vra waaraan skryf ek dit toe, dan is dit die volgende: Die onwrikbare steun deur borge soos Super Cast teenoor wie ons baie dankbaar is. Dan die steun vanaf die SAVOF-provinsies, Elite Series en Pro Mania wat jaar op jaar hulle beste hengelaars bepaal, nomineer en motiveer om deel te neem, dankie julle! Die derde aspek sou ek sê die unieke wyse wat die toernooi gehengel word op 'n baie aangename en opgewekte atmosfeer om werklik die Kampioen van die Kampioene te kan bepaal. Die volgende aspek dink ek is die feit dat elkeen van die hengelaars op hulself aangewese is en self moet planne maak wat op dié vlak van deelname baie spesiaal is. Laastens, maar beslis nie die minste nie, die span organiseerders, beamptes en helpers wat jaarliks so onbaatsugtig betrokke is om dit vir elke hengelaar aangenaam te maak. Baie dankie julle! BORGE & VERVERSINGS Elke hengelaar het elke dag 'n roomys en koeldranke langs die water gekry. Koeldranke by die liters! Super Cast deel hampers uit – Jaco Pienaar, die yster! “Ek is baie dankbaar vir die Here se hand wat oor al die jare oor ons was om dit suksesvol te kon aanbied en ek glo en vertrou dat ons sal kan voortbou daarop,” sê hy voorts. “Moet ook nie die steun van media, soos hierdie tydskrif, vergeet nie. Die storie van die deelname en die wenners word gedeel en dit alles maak die Toernooi so suksesvol.” Die hoofborg van die toernooi die afgelope 11 jaar is Super Cast, en ons het met Schalk van Breda self gaan gesels oor die toernooi. Hier is wat hy te sê gehad het: “Toe Andries 11 jaar terug met my kom gesels het oor hierdie besonderse toernooi, het ek dadelik besef dat daar nie werklik ‘n plek is vir die ware provinsiale kampioene om op ‘n gelyke basis teen mekaar te kan meeding nie. Hierdie toernooi sou daardie leemte vul. “Alhoewel die toernooi ‘n privaat-gedrewe inisiatief is, word dit deur instansies soos SAVOF en Pro Mania onderskryf en ondersteun, en is dit ‘n kalenderinskrywing vir elke jaar. Dit maak dit ‘n geleentheid wat gewig dra. Die feit dat die hengelaar op sy eie is, sonder ‘n span, en uit sy gemaksone of ritme gehaal word deur die breek tussen die twee sessies, bring ook ‘n ander geur. Hier is ook geen handelsname betrokke nie, en elke hengelaar verteenwoordig sy eie provinsie en maak hulle trots. “Wat mooi is van hierdie toernooi,” sê hy, “is dat al die erkende fasette hier betrokke is, en hierdie jaar is die Karp- en Jonge Dames-afdelings ingesluit. Heel waarskynlik sal daar in die toekoms ook penkoppe ingesluit word. “Super Cast wil spesifiek deel wees van ‘n toernooi wat vir die individuele hengelaar ‘n geleentheid gee vir bragging rights want ons dink elke hengelaar verdien so ‘n geleentheid. Daar gaan so baie tyd en energie in die sport in dat hulle iewers so ietsie moet terugkry. Daarom ondersteun ons die toernooi met trots, en wil vir elke hengelaar teenwoordig so ‘n ietsie gee om saam te vat huis toe.” Die 2024 toernooi is aangebied by Bloemhofdam se Verlatenkraal- en Bamboesspruitoorde, met die insluiting van die Karp-afdeling vir die eerste keer. Die dam was maar nukkerig, en hengelaars moes hulle beste uithaal om te presteer. Die baie interessante formaat, waar daar vier afsonderlike sessies gehengel word, maak dit ‘n perd van ‘n ander kleur. Die sessies is kort, sodat twee per dag ingepas kan word, en die hengelaar bly albei sessies van die dag op dieselfde pen. Daar word elke dag in die spesifieke sones gekompeteer, vir die totale punte, wat strafpunte genoem word. Dit werk so dat ‘n eerste plek in die sone vir die hengelaar een punt gee, ‘n tweede plek gee twee punte ensomeer. In die geval van ‘n gelykop uitslag word vangspunte gebruik, en daarna hoeveelheid vis. VERLATENKRAALOORD Die spanbeamptes en helpers wat die sukses van die toernooi help verseker het. Eldone Muller met 'n PB graskarp. H Coetzee met een van die groot graskarpe wat geland is. J Theron met 'n mooi sak vis in die Junior-afdeling. Die hengelaars in die Karp-afdeling, wat by Verlatenkraal gehengel is, het in die vlakker water met slegs 52 uur se hengel interessante planne moes maak om die heelwat kleiner vis te ontwyk. In hierdie faset word slegs vis van 1,5kg en meer geweeg. Die res van die oewerhengelaars by Verlatenkraal moes ook maar hard werk om die vis aan die gang te kry, wat ook heelwat dieper was. Verlatenkraal-uitslae Karp-afdeling Jason Prinsloo & Morné Potgieter André (Jnr) en André (Snr) Fourie Emile en Neil Nortje Karp-afdeling wenners – André Fourie (Snr & Jnr), Morné Potgieter en Jason Prinsloo. Jason Prinsloo en Morné Potgieter wen die Karp-afdeling met 87 vis vir 208,921kg. Thomas de Wet met mooi graskarpe in die Karp-afdeling. Karp-FinalDownload Oewer – Seniors JH Wessels JP Tolmay Gysie van Wyk Senior-wenners – Gysie van Wyk, Hans Wessels & Jan Tolmay saam met Schalk van Breda. Seniors 2de plek – Jan Tolmay. Oewer – Meesters Mans Gert van der Merwe Diego Vittone Kobus du Preez Meesters-wenners: Mans – GJ van der Merwe en K du Preez (1ste & 3de) saam met Schalk. Oewer – Meesters Dames Erika Venter Suzette van Wyk Amanda Swart Meesters-wenners: Dames – Amanda Swart, Erika Venter en Suzette van Wyk. Meesters-wenner: Dames – Erika Venter. Oewer – Veterane Deon Smit W Wessels J Jansen van Nieuwenhuizen Veterane-wenners – WJ Wessels, D Smit & J Jansen van Nieuwenhuizen saam met Schalk. Oewer – Dames Nadine Jansen van Nieuwenhuizen A Kaiser Monique Venter Dames-wenners – Monna Venter, Nadine Jansen van Nieuwenhuizen & Angelique Kaiser, saam met Schalk. Dames-wenner – Nadine Jansen van Nieuwenhuizen. Nadine Jansen van Nieuwenhuizen. Dames 2de plek – Angelique Kaiser. Oewer – Juniors Antonio Loupellis Joshua Malan Ricko Eloff Junior-wenners. Juniors 2de plek – Joshua Malan. Juniors 3de plek – Ricko Eloff. Oewer – Jonge Dames Wiané Liebenberg Caitlyn Greyling Chené Swart Jonge Dames-wenners – Chené Swart, Wiané Liebenberg & Caitlyn Greyling saam met Schalk van Breda. Jonge Dames-wenner – Wiané Liebenberg. BAMBOESSPRUITOORD Bamboesspruit waar die Match, Feeder en Gestremdes gehengel het, was ook maar nukkerig en ‘n baie spesifieke benadering was nodig om die visse aan die gang te kry. Daar het egter gemiddeld groter vis uitgekom as by Verlatens, waarskynlik te danke aan die dieper water. Die 'mooi hemde'-span by Bamboesspruit. Bamboes het gehalte vis gelewer. Kan dit beter? Bamboesspruit-uitslae Gestremdes Hennie Knoetze Etienne Gerber Madelein Olivier Hennie Knoetze – Wenner. Etienne Gerber – 2de plek. Melanie Olivier – 3de plek. Elke wenner het ook 'n R1 000-koopbewys by Columbia gekry. Match – 11m Chris Swart Rudi Klopper Conrad Myburgh 11m Match-wenners – Robbie Liebenberg, Chris Swart & Rudy Klopper. Match 11m-wenner – Chris Swart (regs) saam met Jaco Pienaar. Match – 13m Trompie Clark Theo Sachse Joekie Pienaar 13m Match-wenners – Theo Sachse, Trompie Clark & Joekie Pienaar. Trompie Clark ontvang sy trofee en Columbia-koopbewys van Jaco Pienaar af. Feeder – Classic: Seniors Armand du Preez Christiaan Pretorius Bertie de Jager Armand du Preez ontvang sy trofee en Columbia-geskenkbewys van Jaco Pienaar af. Feeder Classic Seniors-wenners – Bertie de Jager, Armand du Preez, Christiaan (Trompie) Pretorius. Feeder – Classic: Meesters Gregg Durand Danie Prinsloo David Swanepoel Gregg Durand, Meesters-wenner met die beste prestasie in die Classic-afdeling. Gregg Durand en David Swanepoel – Meesters 1ste & 3de plekke. Feeder – Freestyle Johann Beukes Werner Lubbe Glen-Eric Bellinghan Feeder Freestyle-wenners – Glen-Eric Bellinghan, Johann Beukes & Werner Lubbe. Feeder Freestyle-wenner – Johann Beukes. Feeder Freestyle – 2de plek, Werner Lubbe. Feeder Freestyle – 3de plek, Glen-Eric Bellinghan. Kampioen Johann Beukes kry sy pryse by Jaco Pienaar. Jessica de Villiers neem deel teen al die manne.

Kampioen van Kampioene Toernooi 2024 – Bloemhofdam

TOERNOOI-HENGEL

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Fishing is a FAMILY AFFAIR

HENGEL met RIAAN ALLEMAN – Ohana Fishermen Cabins

Wenke vir die LENTE …

INHOUD: Die Oewerhengelaar | CONTENTS: The Bank Angler

Hengel saam met FRIK & RIËTTE

First 70-pounder in SA!

Columbia Drainmaker™ XTR Shoes

1. VAN DIE OEWER • FROM THE BANK

Camp Master Sleeping Bags – For every occasion

FISHING IS A FAMILY AFFAIR

Fishing is a FAMILY AFFAIR

HENGEL met RIAAN ALLEMAN – Ohana Fishermen Cabins

Wenke vir die LENTE …

INHOUD: Die Oewerhengelaar | CONTENTS: The Bank Angler

Hengel saam met FRIK & RIËTTE

First 70-pounder in SA!

Columbia Drainmaker™ XTR Shoes

1. VAN DIE OEWER • FROM THE BANK

Camp Master Sleeping Bags – For every occasion

FISHING IS A FAMILY AFFAIR

Kortlikse oorsig: ‘Queens of the Ocean’ 2024 by St Lucia

Fishing is a FAMILY AFFAIR

HENGEL met RIAAN ALLEMAN – Ohana Fishermen Cabins

R550.00 per year

R55.00 per month

R399.00 per year

R40.00 per month

R399.00 per year

R40.00 per month