KONING VAN DIE BRANDERS: 46,3kg koningvis by Bhanganek

’n Vis Van ’n Leeftyd, ’n Vriendskap Vir Ewig WOORDE: Henk van Wyk FOTO’S: Verskaf Ek het 'n ongelooflike ervaring gehad met die vis van my leeftyd by Bhanganek, ‘n kolosale koningvis! Dit was werklik 'n stryd gewees om die groot vis te hanteer met die ligtegerei waarmee ek gehengel het. Ek wou eintlik pompano en stompneuse vang. Henk van Wyk hengel vir baie jare vanaf Bhanganek se strand. Die see was onrustig deur die krag van die donkermaan tydens springgety. Ek het my tjokka-aas die see in gewerp, hoopvol dat ‘n mooi pompano of stompneus dit sou vat. Met dun lyn en 'n skamele #5 BKK-hoekie, het ek nie verwag om 'n reus te ontmoet nie. Die visser in my het gebewe toe ek die eerste trek gevoel het. 'n Sekonde later, en die lyn het soos 'n flits uitgespan. Ek het geweet hierdie sou nie 'n normale vangs wees nie. Met elke gety se opwaartse swaai, het die geveg voortgegaan. Hy het my deur die golwe getrek, sy gewig teen my klein hoekie en dun lyn. Strandlangs het ek 500 meter, en byna twee ure, agter die stywelyn geloop. Ek het hierdie keer alleen geveg, met my bedlêende 30 jarelange gids en Zuluvriend, Baardman se woord van moed in my oor. Thembizo Tshange, of te wel ‘Baardman’ my Zuluvriend, wie vir 30 jaar lank saam met my gehengel het wanneer ek kuslangs tussen Sodwana en Bhanganek was, het ek gaan groet omdat hy sterwend was. Hy blaas sy laaste asem uit op 15 Maart om 10 uur die oggend. Vir ure het ons mekaar getoets, maar die vis het bly sit aan die hoek. My hart het gejaag soos die vis se krag teen my gestry het, maar ek het nie opgegee nie. Uiteindelik, met sy laaste weerstand, het hy sy kop gebuig, 50 meter nog in die water kon ek voel die baklei is oor, dis net die gewig teen die golwe, en daarna trek ek sy kolossale lewelose blink lyf tot op die strand. Verbasend sien ek die oop gebuigde hoek in sy bek, met net die kleine weerhaak wat wonderbaarlik bly sit het! 'n 134cm, omgeskakel na 46,3 kg koningvis, sy skubbe blinkend in die maanlig, sy oë soos oorgawe. Ek het geweet hierdie oomblik was spesiaal, meer as net 'n vangs. Dit was 'n eerbetoon aan vriendskap, aan daardie band wat ons deur die jare gedra het. Ek het my Zuluvriend in my gedagtes gedra, 'n sterkte in sy stryd wat ook die van myne was. Henk van Wyk het hierdie groot koningvis by Bhanganek se punt, 4km noord, gevang en vanwaar dit sy lyn gevat het 500 meter strandlangs, die vis verder baklei vir byna twee ure lank. Die vis het sy stryd in die geveg verloor. Met 'n oorvloede hart van dankbaarheid en respek, het ek die vis aan hom toegewy. 'n Geskenk van die see, van ons avonture en herinneringe. Mag sy gees vry loop, soos die golwe wat ons lewens met betekenis vul.

KONING VAN DIE BRANDERS: 46,3kg koningvis by Bhanganek

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Sterkfontein Gold: A world-class fishery right in our backyard

Desert Fishing Adventure: Conqueror Tips and Tricks

SPECIMEN CARP FISHING: Twin Brothers’ Personal Bests at Laurentia Lake

DIE KATROLLE SING: Bykomend tot ons hengelplesier

RIVIER-AVONTUUR: Babers op Popper en Vlieg Lewer 120 Vis vir die Dag!

Desert Fishing Adventure: Kunene Dune Camp #2

Stywe Lyne Tight Lines Juniors – Holiday Fishing Highlights from Richards Bay

OFFSHORE FISHING: The Illusive ‘Tails of Seal Island

LONG and SURF CASTING: World Championships in Argentine

FISHFINDER – May

Sterkfontein Gold: A world-class fishery right in our backyard

Desert Fishing Adventure: Conqueror Tips and Tricks

SPECIMEN CARP FISHING: Twin Brothers’ Personal Bests at Laurentia Lake

DIE KATROLLE SING: Bykomend tot ons hengelplesier

RIVIER-AVONTUUR: Babers op Popper en Vlieg Lewer 120 Vis vir die Dag!

Desert Fishing Adventure: Kunene Dune Camp #2

Stywe Lyne Tight Lines Juniors – Holiday Fishing Highlights from Richards Bay

OFFSHORE FISHING: The Illusive ‘Tails of Seal Island

LONG and SURF CASTING: World Championships in Argentine

FISHFINDER – May

Kleindamplesier, die juweel onder jou neus!

KARPOEWERHENGEL – Die Haarstrop

Sterkfontein Gold: A world-class fishery right in our backyard

R550.00 per year

R55.00 per month

R399.00 per year

R40.00 per month

R399.00 per year

R40.00 per month