My Liefde Vir Mazeppabaai

So tien jaar terug het ek en vroulief Mari ’n buitelugskou by die Gallagher Convention Centre bygewoon waar die klein stalletjie van die Kob Inn Hotel in Transkei my oog gevang het. Dit het so aanloklik gelyk dat ons so drie weke later op pad was soontoe. Die verblyf en gasvryheid was wel uitstekend, maar ek was op soek na hengelgeleenthede, en in geselsies met van die plaaslike mense daar is ek vertel van Mazeppabaai – “net so sewe kilometer suid, kyk, daar kan jy dit sien!” het een van die plaaslike mense my meegedeel toe ek rond gevra het na hengel moontlikhede. Die aand vertel ek die hotelbestuurder ek wil gou die volgende oggend soontoe gaan, en die man het aan die lag gegaan. Hy sê my “Nee man om daar uit te kom moet jy eers al die pad terug na die hoofweg toe gaan, en na so veertig of so kilometer draai jy links af en dan is dit nog so vyftig kilometer grondpad tot by Mazeppa.“ Die rede vir hierdie enorme ompad is natuurlik dat die Qorarivier tussenin is, en daar is geen brug oor die riviervallei nie. In elk geval, ek is wel later soontoe en het in die Mazeppa Bay Hotel tuis gegaan – ook baie gerieflik en gasvry, maar vir ’n hengelaar soos ek was dit baie ongerieflik om my hengeltye by die etenstye in te pas. Ek is soms lank voor eerste lig op die rotse en as ek lekker onder die kabeljoue, leervisse, of met ’n haai vas is, mis ek die brekfis, of ek moet ophou en eers eetsaal toe gaan. Dieselfde probleem het opgeduik met middag- en aandetes. Maar toe kom daar ’n geleentheid om een van die selfsorg-eenhede te koop wat ek en GP Nel onmiddellik gedoen het. En van toe af besoek ek so vier keer ’n jaar Mazeppa vir drie weke op ’n slag – dit is nou in Maart, Mei, Oktober en dan so laat November of begin Desember. Ek moet vir Owen Richter, van “Wild Coast Angling Tours” bedank vir al sy kennis en hulp tydens my begin jare by Mazeppa. Owen is werklik ’n kenner en sekerlik die beste hengelgids, en hengelaar, aan die Transkei Kus!!! Hengeltegnieke en gerei het die afgelope jare geweldig verander, en so ook is dit met al die hengelaars wat Mazeppa besoek. Een aspek het egter nie verander nie en dis die aas wat vir haaie gebruik word – ’n reg voorbereide stuk sandhaai bly die nommer een aaskeuse as mens haaie wil vang. Vir die roofvis egter het kunsase soos die ‘paddletails en plugs”sterk vorendag gekom. Ek het met al my besoeke daar goed bevriend geraak met die plaaslike manne wat vir my meer as genoeg vars aas bymekaar maak, onder andere ene John en ook Beef. Hulle neem ook fotos vir my. Ek voorsien hulle met sinkers, lyn en hoeke, so daar is nooit ’n gebrek aan aas nie. Soos almal wat daar op Mazeppa woon is hulle altyd vriendelik en behulpsaam. “Hello mister Johan!” is wat ek elke keer hoor as ek daar aankom en besig is om uit te pak. Dis vir my baie duidelik dat hulle almal die voorbeeld volg wat die hotel se eienaars, Gerald en Vanessa Fisher daargestel het. Vir hulle is niks te moeilik om mee te help nie! Voorwaar ’n “tuiste weg van die huis af”! Wat tegnieke betref was dit eers die ou manier van so ver as moontlik ingooi en dan die aasgelaaide strop daarop te laat ingly tot daar voor waar die sinker lê – naamlik die “slider” tegniek, of soos die Natallers dit genoem het, die “Joe clip”. Dit was wel suksesvol maar was beperk tot hoe ver mens kon gooi. My swaarste haai wat ek so kon vang is ’n gryshaai van 180kg wat ek op 6 Desember in 2016 aangekeer het. My swaarste haai wat ek op die “Joe clip” metode kon vang, ’n gryshaai van 180kg. En toe moes ek ook bedrewe raak met vlieërhengel. As die wind reg gewaai het, kon jy die aas baie verder inneem, maar daar was wel tye wat die wind te swak of te sterk was dan was vlieërhengel net nie moontlik nie. My grootste haai wat ek met die vlieër gevang het was ’n gryshaai van 230kg op 16 Maart in 2017 – beslis ’n persoonlike verbetering maar niks in vergelyking wat ek met ’n hommeltuig kon vang nie. Windrigting by Mazeppa is ’n belangrike faktor – as dit wes gewaai het kon jy aan die teenoorgestelde kant van die eiland steeds hengel, en andersom, en as die wind land-af gewaai het was dit sommer puik. Natuurlik as die wind land-in gewaai het was dit baie moeilik. Dan was dit tyd vir kunsaas gooi vir die ander roofvisse. My grootste haai wat ek met die vlieër gevang het was ’n gryshaai van 230kg. Deesdae egter het die hommeltuig sy verskyning gemaak en ’n reuse omwenteling in veral ons haaihengel teweeggebring. My tuig – dis ’n ‘Sharkan’, verskaf deur Craig Neil, wat ’n aas van tot vyf kilogram oor ’n afstand van vyf honderd meter op ’n hoogte van veertig meter kan dra – kan ook in baie winderige toestande gebruik word, so nou is ek glad nie afhanklik van die wind nie – dit kan maar waai! Ek kan nou elke dag vanaf die punt van die eiland reguit see-in my aas uitvlieg. En natuurlik ook baie dieper as wat met die ‘slider’ of vlieër gedoen kon word. En toe verlede jaar op 19 Mei het ek my grootste sover gevang, weereens ’n gryshaai, van 340kg waarmee ek nagenoeg vier ure gestoei het, en op 3 November was ek net twintig kilogram kort van daardie ene met ’n gryshaai van 320kg. Dis die tipe haaihengel wat die hommeltuig vir ons beskikbaar gemaak het! ’n Hommeltuigvangs, gryshaai van 320kg. Daar is wel hengelaars wat hul tuie gebruik om kunsaas soos lepels ver uit te neem agter ander roofvisse aan soos die bonito’s, leervis, ensomeer. By Mazeppa moet jy vrede maak met swaargerei vir die haai hengel – dis nie ’n plek vir ligtegerei nie. Ek gebruik die 11vt Gannet ‘Tiger Shark’ stok met ’n 2-spoed Okuma ‘Maikara 30’ of ‘Maikara 50’ katrol gelaai met 100-pond breekkrag braid as ’n backing, met 80-pond Perline as die ‘top shot’ hooflyn aan ’n 20m 1,8mm of 2mm ‘wind-on-leader’. Ek gebruik ook net 18/0 sirkelhoeke - of die Mustad ‘Demon’ of die VMC ene. Op albei vyl ek die weerhaak plat want dit maak dat die hoek verspot maklik uitgehaal kan word, en dan ook is die set van die sirkelhoek altyd aan die kant van die bek, so dit veroorsaak minimaal skade aan die vis. ’n Tipiese haaistrop wat met die hommeltuig uitgevat word voor dit met aas gelaai word. Deesdae is die toekoms van ontspanningshengel nogal ’n veel besproke gesprekspunt net waar jy met ander hengelaars gesels. Almal wat ek ontmoet is egter uiters bewaringsbewus, so vang en vrylaat, veral wat die haaie betref, word streng toegepas. Wat die ander visse betref word daar wel een of twee vir die tafel gehou maar dit is ook minimaal, so wat betref die hoeveelheid sien ek nie probleme nie. Dit is in elk geval al wat ons as sporthengelaars kan doen, maar wat die natuur inhou weet ek nie. Aardverwarming kan moontlik ’n invloed op die seestrome uitoefen, en die winde kan verander, maar dis goed waaroor ons hengelaars geen invloed het nie. Persoonlik sien ek uit na nog vele jare se opwindende hengel by Mazeppa. My grootste sover gevang, ’n gryshaai van 340kg met ’n hommeltuig! Kabeljou en Leervis Alhoewel my besoeke aan Mazeppa hoofsaaklik rondom haaie wentel, is daar volop geleenthede vir ander roofvishengel soos kabeljou en leervis ook, veral vroegoggend en laatmiddag wanneer hulle baie aktief besig is om te jag. Kunsaas word vir diè twee spesies aangewend soos verskeie lepels en kunsvissies, enigiets wat die visse se prooi kan na-aap. Mediumgerei waarmee jy mooi ver kan werp en die vis redelik vinnig aan wal kan kry word gebruik om die vis aan die minimum stres bloot te stel. Kabeljou is enige tyd ’n welkome vangs, en ten spyte van die feit dat dit ’n uithaler tafelvis is, word die oes daarvan tot ’n absolute minimum beperk. Wanneer dit wel gebeur, is die oes van die steentjies uit die vis se kop – die “otholiths” op die foto hiernaas – deel daarvan, want in die hande van ’n juweliermaker word hulle waardevolle oorbelle of hangertjies (veral as ’n diamant, robyn of smarag daarin gemonteer word!). Op ’n keer toe ’n vis wel ge-oes was, het ons ’n hele klomp klein vis uit die maag gehaal (sien foto). Kabeljou. 'n 13kg kabeljou met 14 sardiens in die pens, op lepel gevang. Van die steentjies uit die vis se kop – die “otholiths”. Ook is leervis (“garrick”) ’n uithaler roofvis om te teiken, en weereens word ’n minimale hoeveelheid vir die tafel ge-oes. Sy baklei vermoëns is na my mening effens beter as ’n kabeljou s’n en om ’n mooie aan die hoek te kry is verseker ’n fisiese toets vir enige sporthengelaar. Maar ongeag wat jy daar teiken, Mazeppa is voorwaar ’n roofvishengelaar se droom! Leervis / garrick.

My Liefde Vir Mazeppabaai

WOORDE: Johan Donald

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

WINTER BASSING: Three Easy Tips For Winter Bass With Top Fishing Guide

FROM THE ARCHIVES: GAMEFISH ADVENTURES – Lessons For Life

EKONUUS: PASOP! BLOUKURPER VAT OOR!

SPECIMEN FISHING: Understanding Carp Feeding In Winter

BASIESE WINTER BAARSHENGEL: Aanwending Van Gewiglose Stroppe

Stywe Lyne Tight Lines – June 2025 Contents

ALL OUR SOCIAL MEDIA LINKS

Stywe Lyne Lesers | Tight Lines Readers: June 2025

FROM THE ARCHIVES: Desert Fishing Adventure – Casting with braid

Stywe Lyne | Tight Lines Juniors: June 2025

WINTER BASSING: Three Easy Tips For Winter Bass With Top Fishing Guide

FROM THE ARCHIVES: GAMEFISH ADVENTURES – Lessons For Life

EKONUUS: PASOP! BLOUKURPER VAT OOR!

SPECIMEN FISHING: Understanding Carp Feeding In Winter

BASIESE WINTER BAARSHENGEL: Aanwending Van Gewiglose Stroppe

Stywe Lyne Tight Lines – June 2025 Contents

ALL OUR SOCIAL MEDIA LINKS

Stywe Lyne Lesers | Tight Lines Readers: June 2025

FROM THE ARCHIVES: Desert Fishing Adventure – Casting with braid

Stywe Lyne | Tight Lines Juniors: June 2025

WINTER BASSING: Three Easy Tips For Winter Bass With Top Fishing Guide

Joining Lines – PART 2

Spieëlkarp – Hoekom so gesog?

R550.00 per year

R55.00 per month

R399.00 per year

R40.00 per month

R399.00 per year

R40.00 per month

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

WINTER BASSING: Three Easy Tips For Winter Bass With Top Fishing Guide

FROM THE ARCHIVES: GAMEFISH ADVENTURES – Lessons For Life

EKONUUS: PASOP! BLOUKURPER VAT OOR!

SPECIMEN FISHING: Understanding Carp Feeding In Winter

BASIESE WINTER BAARSHENGEL: Aanwending Van Gewiglose Stroppe

Stywe Lyne Tight Lines – June 2025 Contents

ALL OUR SOCIAL MEDIA LINKS

Stywe Lyne Lesers | Tight Lines Readers: June 2025

FROM THE ARCHIVES: Desert Fishing Adventure – Casting with braid

Stywe Lyne | Tight Lines Juniors: June 2025

Related Articles

WINTER BASSING: Three Easy Tips For Winter Bass With Top Fishing Guide

Joining Lines – PART 2

Spieëlkarp – Hoekom so gesog?