Mitchell Berkley Bloemhof Bonanza 2019

Langnaweek van baber en karp teiken https://vimeo.com/337979809 218 Boothengelaars en 1124 Oewerhengelaars was daar! Einde April is dit sulke tyd, met koue nagte en warm dae kom honderde hengelaars byeen om vir die groot prys mee te ding - ’n kontantprys van R100 000! Met groot borge aanboord was daar vele ander spog pryse vir diè wat nie eersteplek kon behaal nie. Elke oewer, so ook die boot-afdeling, het hul onderskeie onder-afdelings gehad met wenpryse waar die meeste punte behaal was vir ’n baber of ’n karp. Die Bonanza het op Saterdagmiddag om 17:00 begin, wat dan regdeur tot Maandagmiddag 17:00 gehengel kon word. Hierdie jaar moes baie deelnemers twee dae se verlof insit en kinders moes uit die skool gehou word om die Maandag nog te kon hengel en Dinsdag by die prysuitdeling wees. Die Bonanza, wat oewer- en boothengel insluit, het vir die 19de jaar by Bloemhofdam plaasgevind met Eco Care as organiseerders. Wat die Bonanza ook gewild maak is die Spannekompetisie wat die eerste dag plaasvind. Daarvoor moet 4 karpe ingeweeg word, en die swaarste gewig vir die eerste drie plekke wen kontantpryse onderskeidelik vir oewer- en boot afdelings vanaf Die Oewerhengelaar en Stywe Lyne. Met water van die Vetrivier en Vaalrivier wat skielik Bloemhofdam gevul het, was daar vuilwater en gevaarlike groot boomstompe en takke in die dam, so ook hiasinte en baie alge in die water. Bitter koue nag! Vir die boothengelaars is dit altyd ’n koue nag op die water. Vir sommiges wat komberse vergeet het, ’n ekstra koue nag, maar hulle het vasgebyt en kon die storie oorvertel. Die vis het aanhoudend deur die nag gebyt, alhoewel die grotes nie volop was nie. Die laaste dag wat Maandag was, het die vis moeiliker gebyt en minder het weegskaal toe gekom. Slang op Oogy Wawa Franco Prinsloo was op ’n baarsboot, Oogy Wawa toe hul “pop” vir babers en hul oog skielik en met groot skok die slang opgekrul sien lê wat skelm in die boot gesluip het. As geen kenner van slange het hul versigtig die skepnet nader getrek om van die slang ontslae te raak. Hulle moes dit driekeer oor die boot gooi waar dit elke keer terug geseil het! Boothengelaar gaan groot of gooi terug So hoor ons van ’n 17kg baber en 4,5kg karp wat nie ingeweeg was nie, maar vrygelaat is omdat die visse nie groot genoeg was nie. As boothengelaars moes hul baber eerder die 23+ kilogram oorskry het om ’n kans te staan vir ’n prys. Die manne het die inweeg lank besoek en gekyk wat uitgekom het, ook gesels onder mekaar, toe is hul terug op die boot nadat die kompetsie gesluit het om die dam te leer ken vir wanneer daar nie op gunsteling plekke gehengel kan word nie. Geen keer vir Bevan! Bevan Shokkos van die boot Hot Stuff laat hom nie keer om te kom visvang nie. Die visvang gogga het laasjaar by die Vaaldam Bonanza gebyt toe hy ’n prys gewen het. Man alleen het hy hierdie keer na die Bonanza met sy boot gery, probleme met sy bakkie op Potch gekry, die motorhandelaar in Vereeniging gebel en ’n ander voertuig gekry. Sommer gou het hy vriende gemaak toe hy op die water was en ’n spanlid ryker geword. Hulle ken nie die dam goed nie maar kon wel vis inweeg. Boot en oewer deel voermaakplek Met die skielike en baie reën ’n paar dae voor die Bonanza het die dam meer as 7% ’n dag gestyg wat veroorsaak het dat die oewerhengelaars se voerplekke net verder en verder weggeskuif het. Van die boothengelaars het dit as ’n aanwins beskou en van die geleentheid gebruik gemaak om op die gevoerde plekke hul vis te vang. Honderde rande se voer was toe nie vermors nie, mededeelsaamheid was daar wel. Nog uitslae: Juniors: Wian Esterhuizen - 5,4kg karp.Dames: Marie Raath - 5,85kg.Sandveld- en Sloepoewers: Jaco Schoeman - 6,6kg karp.Noordwes oewer: Tinus van der Merwe - 20,65kg baber.Verlatenkraal: Wikus Labuschagne – 6,55kg karpBootwenner: Johan Mulder - 22,3kg baber. *Hou die Vaaldam Bonanza datum oop: 22-24 November 2019 EN DIE WENNER IS... Die algehele wenner wat R100 000 kontant gewen het is ’n oewerhengelaar by die Noordwes-oewer, Jaco Lambert van Kempton Park. Hy het met die eerste ingooislag binne een en ’n halfuur die baber van 21,65kg gevang op ’n moddervis. Sy 4,4kg karp, gevang met ’n Almond Boilie, het hy die volgende dag gevang wat hom die totaal van 2008 punte volgens die Eco Care tabel besorg het. Dit was Jaco se eerste, maar beslis nie die laaste keer nie wat hy die Bonanza gaan bywoon. Foto's: VisseBoteDie OewerSpandragNog foto'sPrysuitdeling