’n Vriend Begin Weer Hengel

Ek weet ek sê dit elke maand, maar ek moet net weer “dankie!” sê vir elkeen se terugvoer oor vorige artikels. Vir die eerste keer in ’n baie lang tyd het ek onlangs die geleentheid gekry om weer by die water uit te kom... 'n Netjiese staander gemaak van vlekvrye staal. Met só tipe staander kan jy baie gemaklik hengel. Ek het besluit om geen hengelgerei saam te vat nie, en dat ek slegs die dag aandag sal gee aan wat Michael Rossouw doen. Ek moet sê dat ek dadelik beïndruk was met wat ek gesien het. Voorbereiding is vir my ’n groot aspek van elke sport, en glo my die man het alles. Hy het verseker besluit om 100% in te klim en seker te maak sy “setup” is reg! Staander Hier het Michael dadelik gegaan vir ’n vlekvryestaal-staander wat verseker dat hy nie gou weer geld sal spandeer op ’n staander nie. Selfs die netstaander, die geelvisnet - en die afhaknetstaander is van vlekvryestaal gemaak. Veral hierdie laaste klomp staanders bymekaar is baie indrukwekkend en verseker baie maklik om te gebruik. Genoeg sinkers van verskillende geigte is nodig om aanpassings te maak deur die dag. Kas Hengelgerei Sy kas is, om die minste te sê, indrukwekkend. Baie goed uitgelê, netjies en prakties. Die man is verseker reg om weer kompeterend te hengel. Ek moet darem sê dat 90% van sy dips Jumbo-dips is, so daar het hy ook die regte keuse gemaak(!). Net so tong in die kies natuurlik. Soos meeste top hengelaars het hy ’n verskeidenheid harde floaties in sy kas asook die sagte floaties soos Vampire, Honeydew, White Bloekom en Banlic. Sy stokke is 10,6vt en 12,6vt Sensation Pinpoints met Shimano Aero 6000 katrolle. Dit alles is verseker ’n baie goeie “setup” waarmee enige hengelaar gemaklik sal wees. Dit was baie koud met ons aankoms en ek was baie vinnig oortuig dat ek die regte besluit geneem het om nie enige gerei saam te vat nie. Michael het vinnig sy gerei opgeslaan en sy Boulynvoer aangemaak. Soos dit maar gaan met elke hengelaar was hierdie die stadium waar ek besef het ek sal ’n stok in die water moet hê. Ek het met Michael ooreengekom dat hy die tradisionele naby afstande sal teiken, en dat ek sy 12,6 Pinpoints gaan gooi met ’n M1.5 sinker en kyk of ek nie ’n mooi karp of twee kon vang nie. En ek moet bysê, ek het al baie gehoor van die Pinpoints so ek wou hulle sommer ’n bietjie toets ook. Aangesien daar niks op die spel was nie en dit werklik net ’n lekker uitkom-sessie was, het Michael sy kort stokke sommer op gevoel gegooi. Sy eerste vis het toe ook sommer vinnig net toe gekom op een van sy gunsteling kombinasies vir Jacky Leonard, naamlik Devils Fork, FX en Hasbeen. Hoekaas was bo ’n Hasbeen sagte floatie met ’n soet wit degie agter.Onder was ’n Banlic floatie met ’n soet wit degie. Intussen het ek die lang stokke gegooi en sommer gebruik gemaak van die geleentheid om my nuwe “Spearmint” sagte floats te toets. Ek het net een sagte float op elke hoek gehaak en Kaptein en Gatvol op die voerbal gesit. Die lang stokke is gegooi en sommer op Michael se spaar stokhouers staan gemaak. Ek wil darem net vir ’n paar oomblikke stilstaan by die Sensation Pinpoint Limited Edition stokke. Soos ek hierbo gesê het, het ek al baie van diè stokke gehoor maar nog nooit die geleentheid gehad om met hulle te hengel nie. Terwyl Michael sy gerei reggekry het, het ek toe een van hulle reggemaak. Ek het gereken ek gaan sommer dadelik groot en het ’n P7 aangehaak en ’n paar gooie gemaak net om die gevoel van die stok te kry. “Indrukwekkend” is die eerste woord waaraan ek kon dink. Die afhak kiepnet staander waarna daar in die storie verwys word. Van die eerste gooi af het hierdie stok gereageer wanneer ek dit gedruk het, en wat my die meeste beïndruk het is dat ek die buig in die stok kon voel. Soveel van die moderne stokke is net eenvoudig te hard en jy voel nie die buig van die stok wanneer jy gooi nie. Die stok laai ongelooflik lekker en jy kan voel hoe skiet dit die gewig vorentoe. Verseker my tipe stok. Michael het intussen die visse met gereelde reëlmaat begin vang. Dit was egter vir my opvallend dat hy geen moddervis gevang het nie maar slegs karp en geelvis. Ek het darem ook ’n byt gekry en ’n karp van so een kilogram geland. My stokke het verder niks opgelewer nie en ek het hulle maar in gelos. 'n Kombinasie van soet en sterk geure werk altyd goed. Na wat ek skat so twee-en-’n- half uur was, het my een poliesman stadig opgetel en ek het vasgemaak en kon duidelik voel dat hierdie nie jou normale kilo-karpie is nie, en na ’n kort geveg land ons ’n pragtige 4.5kg karp - uiteindelik het my plan gewerk! Wat ’n prag vis. Ongelukkig lyk dit maar klein in my hande op die foto maar ek was verseker bly oor die mooi vis - my eerste vis op my nuwe “Spearmint” toets floaties. Ja, ek weet baie sal nou sê na twee-en-’n- half-uur sê dit nie veel nie. Wat dit egter wel sê is dat die floats na daardie lang tyd nog op die hoek was en genoeg geur gehad het om so ’n mooi karp te flous. Ek is tevrede. Michael met een van sy prag-karpe vir die dag. Michael het intussen nog visse gevang. Hy het ook bietjie dieper probeer maar met geen sukses - Jacky Leonard se visse hou maar van die naby lyn. Die afhaak-stasie by die hounet het na my tyd begin kop uitsteek en met die nuwe gewysigde SAVOF reëls is dit omtrent ’n moet. Ek was nogal beïindruk met hoe maklik dit was om die vis mooi veilig af te haak en in die hounet te plaas. Michael het weer nader begin hengel en onmiddelik was die vis terug. Ek het reeds bo sy een kombinasie genoem. Nog een van die bonus karpe vir die dag. Hy het aanvanklik op sy ander voerbal skoon Duiwelsdrek gespuit met Strawberry Dream bo-oor. Later het hy besluit om my kombinasie ’n kans te gee – ’n Spearmint sagte float op elke hoek en Gatvol en Kaptein oor die voerbal. Onmiddelik het die geelvis wat hy gevang het opmerklik groter geword, en in die koue, winderige omstandighede het diè kombinasie baie goed gewerk. Michael het in ons kort sessie met 20 vis geeindig. Michael het net een moddervis gevang vir die dag. Ek persoonlik skryf dit toe aan die feit dat hy nie ingehaak en 100% op ’n kol gehengel het nie wat ’n vereiste vir moddervis is. Ek sien dit gereeld in Feeder-hengel. As ek 100% akkuraat is byt hulle net soveel vinniger. Dit was nie die plan vir die dag nie en deur dit nie te doen nie, het ons weer besef hoe belangrik akkuraat hengel is. Dankie vir ’n lekker dag Michael - sterkte met jou “tweede” hengel loopbaan! 'n Skaflike vangs vir die sessie. Om af te sluit: maak seker jou gerei is op standaard. Doen goeie voorbereiding en glo in wat jy doen.