Plaasdammetjie Verbaas Ons!

Klein botteltjie - groot gif. Of moet dit lees: Klein dammetjie - groot gif? Ek was uitgenooi om saam met Rikus Esterhuizen, ‘n wenner van ‘n vorige Super Cast Facebook kompetisie, en sy oupa Willem ‘n lyn te gaan nat maak by ‘n private plaasdam naby Villiers. Hy het vir my fotos gewys van die sakke vis wat daar uitgekom het met vorige geleenthede, so ek was meer as bereid om nuwe waters aan te durf. Ons het mekaar op Parys ontmoet en so het ons saam-saam die pad na die wilde waters aangedurf. Ons ry verby vele prag-plaasdamme en ek was behoorlik opgewonde, maar toe ry ons verby ‘n klein dam van so 3 hektaar en soos hy sy arm by die ruit van sy voertuig uitsteek en wys na dié dammetjie, so sak my moed in my skoene. Mens is mos geneig om te dink hoe groter die dam, hoe groter die vis. Nou met so klein stukkie water, sou die teenoorgestelde waar wees? Hierdie keer was dit Schalk en Jaco wat met mekaar die stryd aansê. Die staatmaker kombinasie vir Artie. Dit bly steeds ‘n voorreg om te hengel, maar ons het nie net gekom om vis te vang nie. Ons kameraman, Pierre Jacobs, het saamgekom om sommer ons nuwe Super Cast DVD – Volume 57 – te skiet. So ons moes nie net visvang nie, ons moes mooi visse vang. Visse met “substance” soos die Engelsman sou sê. Jaco Pienaar – onder sy hengelmaats bekend as Aartappel, of sommer Artie – het ook saamgekom en hy beweeg na die wal se kant, wat duidelik die dieper gedeelte van die dam is as jy so kyk na die helling van die wal. Schalk hengel met sy betroubare mieliepit-hoekaas en bunspice op die voerbal. Schalk met een van sy mooi karpe op die mieliepit en bunspice kombinasie gevang. Artie se aas vir die dag sluit in 'n sterk bunspice/molasses geur met ons nuwe geure floaties op die hoeke. Dit pas my, want soos meeste van my hengelmaats weet, verkies ek vlakker water om in te hengel. Nou nie enkeldiepte water nie, maar ook nou nie kuitdiep water nie. As daar gehengel word, moet daar ‘n Wimpy op die spel wees en ek trek vir Artie nader. Ons besluit die grootste karp vir die dag gaan ‘n gratis Wimpy burger op Parys beteken en dit pas my, want ek het ‘n groot troefkaart gebring, naamlik ons nuutste produk op die mark, Super Cast se Spiderman en Pandemonium Oozers om op die proef te stel. Proef is dalk die verkeerde word, want die floats het al soveel sukses behaal, maar steeds is dit iets wat ek in my kas het, en Artie nie - die oozers ruik sommer pure Wimpy! Op my een stok bo sit ek ‘n Spiderman Oozer en op die ander stok ‘n Pandemonium Oozer bo. Op beide stokke sit ek onder ‘n skoon float. Omdat dit water is wat nie konstant gehengel word nie en seker waar die karpe 90% van die geure en kleure in jou kas nog nooit geproe, gesien of geruik het nie, hou ek by die basiese geure. Op die een stok sit ek net ‘n klein strepie van my geliefde Perdeby en met die ander stok hengel ek skoon. John-Henry Sinclair met sy babers op die Baber muti en viskoppe aangekeer. Ons nuwe SVB Extreme wat een van die dae op die rakke gaan wees se reuk is so suiwer mielie, dat dit insigself ‘n lokmiddel is. Dit is nog baie koel langs die water en ek glo wanneer die sonnetjie sy verskyning gaan maak, sal ons begin aksie beleef. Artie begin met F.X. en Pandemonium op die bol, knoffel Oozer onder en ‘n Gumtree pit bo. Gumtree, wat ‘n bloekomolie is, is ‘n dodelike kombinasie wanneer groter karp geteiken word en het ek self in die rivier al baie sukses mee behaal. Artie is ‘n man met ‘n plan… Ek gooi beide my stokke in die rigting van ‘n klipbank so 10m van die anderkant. Ek wil glo die visse wei meer in die area weens die obstruksie wat uit die water steek en boonop is ek oortuig ek is in goeie water wat diepte aanbetref. Soos wat dit warmer raak moet die karpe inbeweeg en wei, sê ek vir myself in my kop. Na so 30 minute is dit eerste my katrol wat aan die skreeu gaan en ek vang ‘n gesonde karp van net so oor die 2kg en is heel in my skik, want waar mens meestal jou vis op die onderste hoek vang (want dis die hoek naaste aan die voer) het die vis my Pandemonium float op die boonste hoek opgetel. Terwyl ek die vis in my hounet gooi vir ‘n foto aan die einde van die dag, hardloop my poliesman verby my soos ‘n skurk wat agtervolg word deur die polisie. Ek slaan vas met my Tempo V1 en soos ek die vis speel is ek uiters in my skik met my Okuma Aventa Pro katrolle. Na ‘n kort geveg land ek nog ‘n karp van net so oor die 2kg. Ek gaan al in my kop deur Wimpy se spyskaart, maar sê niks nie, want ek weet die dag het nog net ‘n kortbroek aan. Artie is net een mooi byt weg van die voortou neem. Die dag het verloop soos ‘n boksgeveg. Waar ek ‘n hou slaan, dan slaan Artie terug. Hierdie karp het vir Artie amper die bekende Wimpy-ete gewen, maar die rukkie se blydskap was ongelukkig vir hom van korte duur, Die nuwe Oozers was hierdie keer net te goed vir Artie. Een vir hom, dan een vir my. Dis net so voor middagete waar “lady luck” oor my glimlag en my Pandemonium floats besorg ‘n karp van net oor die 3kg in my skepnet. Nou die Engelse het wel nie ‘n wêreldbeker nie, maar hulle het ‘n gesegde: “the best defence is offence”. Ek laai altwee my hoeke met Pandemonium floats, sit ‘n strepie Perdeby en Legend op die voerbal en gooi my strop op ‘n tiekie. Ek het ook heeldag met ‘n M1 gehengel, want ek hengel altyd so lig as moontlik, so ver as moontlik. Ek noem ook by dat ek ‘n strepie Legend bygesit het, want ek wil glo dat elke karp maar ‘n soet tand het. Jaco en Schalk met pragtige plaasdam spieëlkarpe wat hulle aangekeer het. Vir die volgende twee ure het ons lekker vir mekaar gesit en kyk, want volgens die selfoon App wat ek lief is om te gebruik, ‘Hunting and Fishing Pro’, was die lugdruk op ‘n laagtepunt. Dit beïnvloed duidelik die vis se weipatroon, maar dit het ons die kans gegee om self lekker te smul aan vroulief se kospakkie, ons nuwe oozers te bespreek en boonop het dit ons kameraman ‘n kansie gegee om ‘n uiltjie te knip. Net na 14:00 begin die grafiek weer klim op die App en so ruis my polisieman uit die dode. Toe ek weer sien slaan my katrol teen my mikke en verstrooid soos ek kan wees, het ek vergeet om my baitfeeder knop los te stel. Dankie tog vir die rek in my 5lb lyn! Ek land ‘n jong vis, en vir die laaste uur vang ons op reëlmaat vis. Ek is uiters in my skik oor ‘n lekker dag se hengel, waar die klein dammetjie my behoorlik verras het. So ook oor my nuwe Oozers wat die lig gesien het en laastens my Double Cheese Burger by Parys se Wimpy! *Tot volgende maand.