PRIM & PROPER … ‘Wenners’!

WOORDE: Mariëtte Oosthuizen | FOTO'S: Verskaf Ons as gesin was bevoorreg om 'n hele 10 dae langs die water te spandeer, en nie waar nie, langs die alombekende Roodekoppiesdam. Dit was tyd vir die SA Balaton Carp Cup Qualifier en ons as gesin was deel van die pret. Hiervan was redelik baie in die nuus en natuurlik reg oor sosiale media, en daarom hoef ek nie veel meer oor dit te sê nie, behalwe dat dit 'n groot voorreg was, en natuurlik 'n groot lekkerte. Tyd langs die water is altyd lekker, kompetisie of nie. Ja, in hierdie geval was dit 'n kompetisie, en laat ek dit maar sê, dit was regtig moeilik. Jy kan so sit en ontspan 'n dag voor die kompetisie begin, as alles klaar opgeslaan is. As die oggend jou so begroet – die belofte van 'n nuwe dag tot ons lewens toegevoeg. Die eerste week was die weer verskriklik sleg – yskoud, baie reën en baie wind. Week 2 was verskriklik warm, met matige wind en feitlik geen reën nie. Omstandighede was baie uiteenlopend en sommige penne het baie beter gevaar as ander. Die week van die finaal was nog moeiliker en alhoewel ons gedink het dit sou maklik wees met 'n kantpen, het ons ons duidelik misgis. Ons het 5de geëindig, nie naastenby waarvoor ons gehoop het nie, want ons het gegaan om te wen, maar ons het nie met geen vis uit die stryd getree nie. Tydens die tweede been was die swaarste karp 17,925kg wat Nico gevang het, en die kleinste 14,5kg deur myself gevang, en gedurende die finaal van die kompetisie was ons swaarste karp 16,15kg en die kleinste 9,5kg. Natuurlik het die kleinste vis soos gewoonlik gesorg vir baie opwinding – 10 minute voor die fluit geblaas het. Een van Nico se mooi vangste vir die week. Marco spog ook met 'n prag vis. Daar is amper niks so lekker soos om so 'n mooi vis terug te sit in die water nie. As 'n span was ons 5de, en nee, ons het nie 'n beker of medalje gekry nie, ons het ook nie die prys gewen nie, maar ons was wenners in ons eie oë, en dis wat tel. Almal het 'n deel bygedra tot die sukses van hierdie ‘wen’. Marno was nie deel van die hengelspan nie, maar was die kok, of kom ons sê kampkommandant, en het gesorg dat ons magies vol bly, terwyl die res van ons agter die stokke, op die boot, aas gelaai het of gehardloop het vir lewensbaadjies as daardie alarmpie afgegaan het. Selfs Super, ons Belgiese Malinois, het dit meegemaak en soms het dit gelyk of hy die stokke oppas, en natuurlik was hy ons persoonlike sekuriteit. Super op sy beste, en natuurlik geniet hy die water ... En wie pas die stokke op, of wag Super eerder vir sy baas om terug te kom wal toe. Mooi bly mooi en selfs Super geniet die mooi sonsondergang. Hiermee wil ek dan spog, want dis juis in hierdie tye wat mens mekaar werklik weer vind en mekaar geniet. Pa, ma, kinders én hondekind. Ons het eindelose pret gehad. Saam gelag, saam gebraai, saam gekuier en dan het Super ook vir genoeg vermaak gesorg. Ja, daar was ook ernstige tye, as ons saam beplan het wat ons volgende skuif gaan wees, of die volgende aas wat aangesit gaan word, en dit is natuurlik wat elke geleentheid baie spesiaal maak. Met die rit storte toe was ons ook heerlik bederf met wild in die aangrensende wildskamp en dan praat ek nie van die visarende nie. Vir my is daar net niks so mooi soos om diere in hul natuurlike habitat te sien nie. Elke sonsopkoms en sonsondergang het ook sy eie bekoring, en hierdie kon ons almal geniet. Familietyd langs die water is die beste tyd ... geseënd, ja dis wat ons is. My vraag aan jou is of julle as gesin tyd maak vir ‘wen’? Wanneer laas was daar iets saam gedoen, saam gelag, saam geniet, want onthou die wen lê in die saamwees. 'n Baie belangrike les wat ek geleer het is dat die mense in ons lewe belangrik is, nie omdat ons hulle kan verloor nie, maar omdat hulle nou hier is, en juis om hierdie rede moet ons tyd maak vir mekaar, voluit leef en ons hartsmense geniet. Hierdie lewe het geen waarborg nie en kan ons nie sê ons sal môre dit of dat doen nie. Die tyd is nou! Spanwerk, wat 'n voorreg. Wat 'n voorreg om te kan spog met 'n mooi vis. Dit is wat dit is, 'n voorreg. Ek is voorwaar geseënd! O ja, en net so terloops, die manne het my dalk hierdie keer uitgestof, maar hulle moenie te gerus wees nie, want hierdie motiveer my om by die volgende geleentheid wat ek kry stof in hulle oë te skop. BLESSINGS!

PRIM & PROPER … ‘Wenners’!

Sonder 'n medalje of beker!

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Junior SA’s: Junior Premier B

Junior SA’s: Junior Premier A

Junior SA’s: Junior President A

13 Top TIPS for particles

Baberhengel by Bloemhofdam – Dis die vraag: Aas of kunsaas?

HIER GAAN ONS ALWEER skop af … vir die 23ste keer!

ANGLING ON TELEVISION: Hier Gaan Ons Alweer Series 23 kicks off!

VAN DIE OEWER | FROM THE BANK

Wees veilig by riviere en damme

‘n Volledige Gids van die Varswatervisse van Suider-Afrika

Junior SA’s: Junior Premier B

Junior SA’s: Junior Premier A

Junior SA’s: Junior President A

13 Top TIPS for particles

Baberhengel by Bloemhofdam – Dis die vraag: Aas of kunsaas?

HIER GAAN ONS ALWEER skop af … vir die 23ste keer!

ANGLING ON TELEVISION: Hier Gaan Ons Alweer Series 23 kicks off!

VAN DIE OEWER | FROM THE BANK

Wees veilig by riviere en damme

‘n Volledige Gids van die Varswatervisse van Suider-Afrika

Fishing on a STUDENT BUDGET

BIG BARBEL at Bo Karoo Slypsteen

Junior SA’s: Junior Premier B

R550.00 per year

R55.00 per month

R399.00 per year

R40.00 per month

R399.00 per year

R40.00 per month