PRODUKOORSIG: Suzuki 6pk 4-slag buiteboordmotor

WOORDE & FOTO'S: Riaan 'Alleman' Riekert Ek het onlangs die voorreg geniet om, danksy die manne en dames van All Out Angling en Suzuki Marine in Pretoria, die eienskappe en vermoëns van Suzuki se nuwe 6pk 4-slag motor op die water te toets. En om dit selfs nog bietjie soeter te maak kon ek dit tydens die World Carp Classic Qualifier Suid-Afrika op Roodekoppiesdam doen. Gelukkig strek die kompetisie oor ses dae want die motor was nog nie eens ingeloop nie en ek moes nog agt rustige ure voltooi voor ek sy ‘oor’ behoorlik kon oopdraai. Met die intrapslag by Suzuki Marine was dit ‘love at first sight’ – ek sien sommer klaar hoe die wit motor en my Aqua Strike-opblaasboot mekaar gaan komplementeer. ‘n Paar handdrukke en instruksies later het ek in die pad geval Roodekoppies toe. Ek was soos ‘n stout kind met ‘n nuwe speelding, maar moes egter eers wag tot die volgende dag alvorens ek dit te water kon laat. Die Suzuki se kleur en styl pas perfek by die Aqua Strike-opblaasboot. Dit was uiteindelik Saterdagoggend en ek kon toe die motor op die water aan die gang sit. My eerste waarneming was die gewig van die motor toe ek dit na die boot moes dra: dit is baie maklik om te dra sonder om jou rug te breek. Die verstelboute om dit op die boot te monteer was nog bietjie stram, maar dit is verstaanbaar want die motor was nog nuut. Jy het ook twee opsies as dit by brandstof kom: jy kan of sy eie ingeboude tenk gebruik of jy kan ‘n groter, eksterne tenk koppel. Ek verkies die eksterne tenk want jy vul dit eenkeer vir die hele naweek se hengel, dan loop jy geen gevaar dat jou hande na brandstof gaan ruik nie. Maak net seker dat jy die knoppie langs die motor op die regte verstelling draai vir die keuse van brandstofbron wat jy gaan gebruik. Jy kan kies tussen ‘n eksterne brandstoftenk of die motor se een-liter tenk. Met net een pluk aan die tou was die motor aan, maar voor ek daarmee op die water gaan, net hierdie wenk: die motor is toegerus met ‘n ‘kill switch’, en mense, ek weet min ouens steur hulle daaraan, maar sit daai toutjie om jou arm want al ry jy stadig kan enige iets gebeur. Wanneer jy naby die kant kom en jy wil die motor afsit, druk jy net die rooi knoppie op die ‘kill switch’ en dit stop onmiddellik. Dit help baie, want baie van die ouer modelle moes jy letterlik die ‘kill switch’ aftrek om dit af te skakel. Ek was uit my sokkies uit verras toe ons die motor vir die eerste keer aanskakel – soos gesê met net een pluk aan die tou – en gehoor het hoe stil die motor loop; tegnologie het darem maar baie verander! Ander se 2-slag motors het soos grassnyers geklink in vergeleke met ons Suzuki. Die Suzuki se vorentoe en agtertoe rat maak dit ook baie maklik vir ons spesiehengelaars om ons ase presies op die regte plek neer te sit. Behalwe vir die mooi sonsopkoms is die hefboom wat die boot laat vorentoe en agtertoe gaan duidelik sigbaar. Ek moet sê die funksie werk perfek om seker te maak ons plaas die aas perfek op die regte plek. Die versnellerhefboom het ook ‘n verstelskroef, so wanneer jy ver ry draai jy die hefboom tot op die verlangde spoed en draai dan die verstelskroef vas, net soos ‘n spoedkontrole in ‘n kar. Die motor is waterverkoel, so maak gereeld seker dat die gaatjie waar die water ingesuig word skoon is, anders kan dit duur nagevolge hê as die motor oorverhit. As jy soek na spoed, soek jy by die verkeerde plek, maar as jy soek na sterk, stil, betroubaar en baie sag op die oog, is jy beslis by die regte plek! Moenie dat die klein skroef jou flous nie, dit verskaf genoeg krag. Op die foto is die uitlaatpyp en ook die waterinlaatpyp duidelik sigbaar. Onthou om altyd seker te maak dat die waterinlaatpyp nie verstop is nie. Van die motor self kan ek nie veel meer vertel nie, behalwe dat ek my Suzuki nie maklik sal verruil nie. As jy ook appels met appels vergelyk, is daar min motors in sy klas vir die prys, die motor is werklik baie goed geprys. Hier is so paar tegniese punte vir daardie manne wat in meer diepte na die prentjie kyk: Prys R21 700,00 Gewig 23,50kg 4-slag Nie-elektriese trim en kantelverstelling. Nie-elektriese aansit. Vir meer tegniese inligting, besoek gerus Suzuki Marine se webblad by www.suzukimarine.co.za Laaste maar nie die minste nie, skaf dit gerus aan, jy sal nie spyt wees nie! Die Suzuki en die sonsopkoms gesels lekker saam, dis prentjiemooi.

PRODUKOORSIG: Suzuki 6pk 4-slag buiteboordmotor

RIAAN ALLEMAN GESELS SUZUKI

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Ons lesers spog! / Our readers brag!

HENGEL MET SUPER CAST

FISHING IS A FAMILY AFFAIR: A 2-hour session @CR Swart Dam in Benoni

Riaan Alleman: Witbankdam saam met PIET POMPIES …

FK Specimen’s Peg #1 – What a ‘FISH’!

A. Van die oewer / From the bank

LOSKOP KURPER BONANZA 2023: ‘n Vol Dam en Warm Water!

Die Moddervis-strop vir Skelm Byte

FROM ZERO TO HERO – How do you become a top angler?

WCCSA – WATER VAN VERANDERING!

Ons lesers spog! / Our readers brag!

HENGEL MET SUPER CAST

FISHING IS A FAMILY AFFAIR: A 2-hour session @CR Swart Dam in Benoni

Riaan Alleman: Witbankdam saam met PIET POMPIES …

FK Specimen’s Peg #1 – What a ‘FISH’!

A. Van die oewer / From the bank

LOSKOP KURPER BONANZA 2023: ‘n Vol Dam en Warm Water!

Die Moddervis-strop vir Skelm Byte

FROM ZERO TO HERO – How do you become a top angler?

WCCSA – WATER VAN VERANDERING!

SOCIAL BASS FISHING: Remind Yourself Of The Good Times!

Von Du Rust is ‘Von-derlik’

THE BLUE ECONOMY

R550.00 per year

R55.00 per month

R399.00 per year

R40.00 per month

R399.00 per year

R40.00 per month