REUSE SPESIES in eksotiese plekke

GILLHAMS-HENGELOORD, KRABI, THAILAND WOORDE: Roland Reid | FOTO'S: Skrywer en Gillhams-Hengeloord Hierdie is my storie. Ek is net 'n gewone, passievolle hengelaar wat die afgelope 60 jaar bevoorreg genoeg was om verskeie metodes, style, fasette en plekke in en om Suider-Afrika te kon hengel. Soos baie hengelaars, het ek daarvan gedroom om vir verskillende reuse spesies op eksotiese plekke te hengel. Ek het dus 'n reis beplan na 'n oord wat deur talle bekende hengelaars as die wêreld se beste varswaterhengelbestemming aangewys word, naamlik die Gillhams-Hengeloord in Krabi, Thailand. Uitsig oor die restaurant. Die meer is die tuiste van die arapaima, Mekong-baber, Siamese-karp, alligator gar en Chao Phraya-baber, almal swaarder as 70kg, met die arapaima en Mekong-baber wat 150kg oorskry. Daar is ook kleiner spesies soos pacu, tambaqui, vundu, tarpon, Amazon redtail catfish, Niger ripsaw catfish en verskeie steekroge (stingrays). My kleinste trofee was 'n 9kg pacu en die swaarste 'n 65kg Chao Phraya-baber. Na 'n stil oggend op my eerste dag het alle hel losgebars toe 'n alligator gar uit die water gespring het nadat ek vasgemaak het. My eerste alligator gar van 17kg, die eerste van vele eerstes om te kom! Die Siamese-karp is 'n gewilde vangs by Gillhams – 'n double-up het my eerste een opgelewer, 'n vis van 32kg en die tweede een van 43kg. Ek was absoluut verstom! Ek het na Thailand gekom met die hoop om 'n paar groot visse te vang, maar dié was belaglik. Ek was verstom oor die grootte van hierdie twee reuse; hulle het enigiets wat ek al voorheen in varswater gevang het ver oorskry. Die Siamese-karp is gesogte teikens by Gillhams – hierdie een weeg 32kg. Ek sukkel om hierdie Siamese-karp van 43kg op te lig. Die Chao Phraya-baber is 'n seldsame vangs. Dit is inheems aan die Chao Phraya-rivier wat sy naam gee aan hierdie monster-baber, tweede in grootte na die Mekong-baber. My Thai-gids, Yut, het voorgestel dat ek 'n spomb maak met 'n PVA-sak en boilie-kombinasie. Ek was op die punt om die bytverklikker vas te sit toe die katrol skree. In 'n japtrap het die vis 80m van 80-pond braid van die katrol gevat. Na meer as 40 minute het hy skielik opgekom en Yut het begin dans en "Chao Phraya!, Chao Phraya!" geskree. Ek was oorstelp van vreugde, op my tweede dag het ek nou nie net vier yslike varswatervisse gevang nie, maar ook 'n seldsame vangs. Ek moes myself knyp om seker te maak dit is werklik en nie 'n droom nie! Hier was ek, net twee dae in my reis en ek het alreeds 'n alligator gar en 'n Chao Phraya gevang; my bynaam moet beslis 'Lucky' wees! My eerste Chao Phraya weeg 'n ongelooflike 50kg. Terwyl ek besig was om hierdie Siamese-karp van 36kg te lig vir 'n foto, het hy my 'n nat oorveeg met sy stert gegee en van die toneel af 'gevlug'. Hehe! Op 80-pond braid en 'n 6-pond tip stok het ek hierdie vis amper 'n uur lank gespeel voordat ek hom teen die kant gekry het. Hy was groot, en die bekendste vis in die meer. Hy het dié titel verwerf toe hy deur die Engelse karp-spesiehengelaar, skrywer en hengel-TV-persoonlikheid, Ali Hamidi, gevang is terwyl hy in Januarie 2022 regstreeks op Facebook uitgesaai het, en toe het hy amptelik 144-pond geweeg. My vangs was die eerste keer dat hy gevang is sedert Ali Hamidi hom geland het en sy gewig was na raming ongeveer 150-pond. Lucky, lucky, lucky! Kyk gerus hier na die video. Gids Bell (links) help my hier om te spog met my manjifieke Siamese-karp van >66kg. In Januarie 2022, is hierdie einste monster deur die Engelse karp-spesiehengelaar, Ali Hamidi gevang en het die skaal toe op 66kg laat kreun. Hy het intussen nog gewig opgetel. Sy stert is so wyd dat my gebuigde arm omtrent nie om dit pas nie. Die vis se mond is so groot ek kan amper my kop daarin pas. Maar nie eers dit kon die glimlag van my gesig wegneem nie. Hierdie keer is dit Bud se beurt om my te help om dié Siamese-karp van 57kg op te lig. Swem 2 is in die agtergrond. Die aand was dit tyd vir my koplamp, want ek wou nie die ligte aansit nie aangesien al drie my stokke op ongeveer 12m was. Ek het in die donker gesit en die sterre en die naggeluide geniet. Ongeveer 18:45 het my 10m stok lewe gekry en toe ook die ander een. Gelukkig was my gids, Bud, naby en ek het vir hom die een stok gegee en daarin geslaag om 'n 32kg Siamese-karp te land voordat ek ook 'n 32kg rooistert-baber geland het! Ek het letterlik in die meer gespring, my vreugde onbeperk! Daardie herinnering sal vir ewig hou – nie een nie, maar twee visse in die net, in die stikdonker in Thailand! Ek het gedink hoe gelukkig ek was en ook, kon dit so aanhou? Ek wou nie uit hierdie droom wakker word nie. Goeienaand mnr Amazon redtail catfish. Die volle 32kg van jou. In die donker het my stok begin hardloop, ek het vasgemaak en die stok het in my hande gebokspring soos die vis vinnig 100m gevat het, langer en vinniger as enigiets wat ek sover by Gillhams ervaar het. Na 'n halfuur het dit verkort na 15m op 'n slag, dan vyftien minute later af na 10m en 'n egalige stamp op die stok se punt. Na byna 'n uur se geveg, het gids Nick 'n Chao Phraya genet, my tweede van die week en 'n kolossale 65kg. Dit het gelyk soos 'n haai wat in die net lê! Ek het vol dik Chao Phraya-slym uit die water geklim. Die slym bedek hul lywe en verander jou hemp in 'n stywe plank wanneer dit droog word, maar wie gee om as jy pas 'n monstergrootte skaars spesie geland het? My gelukkige dag van gelukkige dae! Dit gebeur min dat 'n hengelaar gelukkig genoeg is om twee Chao Phraya in 'n week te land. Na 'n gestoei van 55 minute het ek dit reggekry om hierdie Chao Phraya van 65kg te land. Ek was heeltemal te gedaan om hom uit die water te probéér lig. Op my laaste dag het ek spesies geteiken wat ek nog nie gevang het nie, soos die pacu, wat soos 'n reuse piranha lyk, maar met 'n ander stel tande. Om die pacu te teiken, word 'n groot glyende dobber op die lyn met 'n enkele boilie op 'n haarstrop vasgesit, en die gids gebruik dan 'n katapult om enkele boilies na die float te gooi. Nadat 'n halfdosyn boilies gegooi is, het ek 'n beweging gesien. My gids, Nick het geskree om gereed te maak en 'n paar boilies later het die dobber verdwyn. Ek het ingekatrol en weer gegooi, maar niks. Ek het weer ingekatrol en weer gegooi. Nick het weer boilies begin skiet en die float het verdwyn. Sjoe, ek was aan! Na 'n kort geveg met vinnige rigtingveranderings, is 'n pacu van 9kg genet. 'n Fantastiese begin vir my laaste dag! My 9kg pacu gevang met 'n boilie-aas op 'n haarstrop onder 'n float. Die skerp kant van die pacu – sy piranha stel tande kan ernstige wonde veroorsaak! Ek wou ook ’n Jullien-gouekarp vang, wat seker die aanloklikste van al die karpspesies is. ’n Jullien het ’n definitiewe goue tint, rooi oë en systrepe soortgelyk aan ’n tiervis. Na vier onsuksesvolle byte, het ek egter moedeloos begin raak, maar my gids, Nick het net gelag en gesê, "wel, jy wou die Jullien's teiken"! Ek het uit ondervinding geweet al wat ek kon doen was om te gooi en te gooi en weer te gooi, so ek het, maar dit het laat begin word. Net so na 18:00 het ek uit tyd begin hardloop toe die alarm my waarsku daar is 'n byt. Ek het die stok gegryp en vasgemaak, maar sowat 50 minute later het die lyn slap geraak, maar aangesien ek gewaarsku is dat hy na my toe sou swem, het ek soos 'n mal man katrol en die vis ingehaal. Hy het gedraai en weer geloop, dan weer teruggedraai. Toe sweet ek om net by te bly. Uiteindelik het die vis links en regs begin swem en ek het dit versigtig na die net getrek. "Jullien, ek het my Jullien"! het ek geskree. Ek het die prima van alle karpe in die net, die vaartbelynde, pragtige koning of koningin van die karpspesie, die Heilige Graal van karphengel van 11kg. Hoe gelukkig kan ek wees? Uiteindelik moes ek hom loslaat en in die water vrylaat. Gelukwensings word uitgedeel vanaf die gidse en medehengelaars. 'n Noemenswaardige vangs volgens enigiemand se standaarde, en 'n wonderlike manier om my Gillhams-avontuur te beëindig. Na vele frustrerende probeerslae, het hierdie 11kg Jullien-gouekarp my dag gemaak. Ek het meer as 800kg vis in sewe dae gevang, met ses visse oor die magiese 45kg (100 pond) merk! Sal ek teruggaan? Jy kan verseker wees dat ek die volgende reis beplan! Mag die droom lank voortduur! My raad as jy daaraan dink om na Thailand te gaan om Gillhams te hengel is: doen dit, jy sal nie spyt wees nie. Dit staan nie verniet bekend as die 'land van glimlagte' nie! Skrywer kan gekontak word by tel 082 651 9485 of epos: rreid5@supermail.co.za vir enige vrae of net om oor die ervaring te gesels. Besoek ook: www.gillhamsfishingresorts.com/.

REUSE SPESIES in eksotiese plekke

MY HENGELWENSLYS

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

VLIEGHENGEL-AVONTURE: Die Monster Tiere Van Die Chobe-rivier

SMALL CRAFT BASSING: Insights from a pro – Part 3

RIAAN ALLEMAN: ‘SURVIVOR’-sessie by Buffelspoortdam

ZAMBEZI TIGER ADVENTURES: Chasing Trophy Tigers on the Zambezi

NEXT LEVEL BASSING: Small river bassing after the rain

LESERS | READERS

KUNSAASHENGELGEREI: Wat die landskap van varswaterkunsaashengel hervorm het

KUNSAASHENGEL: Oorwinning Vir SA-Span!

JUNIORS

DIE KATROLLE SING: Op die plaas ‘Trap en Stap’ …

VLIEGHENGEL-AVONTURE: Die Monster Tiere Van Die Chobe-rivier

SMALL CRAFT BASSING: Insights from a pro – Part 3

RIAAN ALLEMAN: ‘SURVIVOR’-sessie by Buffelspoortdam

ZAMBEZI TIGER ADVENTURES: Chasing Trophy Tigers on the Zambezi

NEXT LEVEL BASSING: Small river bassing after the rain

LESERS | READERS

KUNSAASHENGELGEREI: Wat die landskap van varswaterkunsaashengel hervorm het

KUNSAASHENGEL: Oorwinning Vir SA-Span!

JUNIORS

DIE KATROLLE SING: Op die plaas ‘Trap en Stap’ …

DIE KATROLLE SING: Reg en geregtigheid het geskied …

GALJOEN ‘MONSTER’ ON HERITAGE DAY

MY TURN | MY BEURT: Stywe Lyne Tight Lines December 2023

R550.00 per year

R55.00 per month

R399.00 per year

R40.00 per month

R399.00 per year

R40.00 per month