Riaan Alleman Hengel en Geniet Die Dag Saam Met Wenners!

WOORDE: Riaan Alleman Ek dink partykeer is almal op kantoor bly daar is net een Riaan Alleman; soms lag ons lekker en ander tye is ek omstrede en moet hulle net vure doodslaan. Nietemin het ek nou al die laaste jaar ‘n persona gevestig en sodoende ‘n gehoor opgebou wat my lawwe video's volg en gereeld iets daaroor te sê het. (Kyk maar op ons Facebook-blad – Red). Dit daar gelaat bevind ek myself baie op die pad waar ek besoek aflê aan, onder andere, hengelwinkels en potensiële adverteerders, en dit is juis met dié tye alleen op die pad wat ek besluit om video's te laai en bietjie kompetisies te hou om die tyd op die pad korter en lekkerder te maak. Ek het onlangs die Natalse kus gaan besoek en juis op dié besoek het my gereelde lesers en kykers lekker saam met my gelag terwyl ek onder andere 'Marco Polo' op die snelweg gespeel het. Soos oudergewoonte het ek ‘n vasvra-kompetisie geloods en vyf manne was gelukkig genoeg om al die vrae reg te beantwoord. Ek hou van mense en mense ontmoet, so besluit ek om vir dié keer se prys al vyf saam met my te vat vir ‘n dag om te gaan hengel. Want wat is dan nou lekkerder as ‘n stok in die water, vleisie op die vuur en natuurlik om nuwe vriende te maak! Ongelukkig moes van die wenners weens werksverpligtinge onttrek, maar dit het nie ‘n demper op ons gemoed geplaas nie, en ons het vroeg in April ons weg gevind na die bekende waters van Cast & Catch by Roodeplaatdam – dit is mos immers Riaan Alleman se kantoor weg van die kantoor af! Een van die manne, Frikkie Brits, het ek later uitgevind het al die pad van Bethlehem af gery om die dag saam met my en die ander wenners te deel. Dit alleen sê vir my hoe hy uitgesien het om die dag saam met ons te kom hengel. Frikkie was aanvanklik baie stil gewees en vinnig-vinnig sy stokke reggekry om die dag se hengel te begin. Op die staanplek langs Frikkie was Raymond van Rooyen (senior) en dan ook Raymond (junior), en ek het sommer vroeg al gesien hulle is joviale sosiale hengelaars en dat hier ‘n dag gevul met pret en lekker lag wag. Saam met Riaan Alleman op staanplek een was dit Vince Ferrol wat gelukkig was om die dag saam ons te deel, en glo my as ek sê dié man sorg vir lekker lag! Frikkie reg vir die dag se hengel. Frikkie spog hier met die eerste vis van die dag, het gedog dis karp toe is dit ‘n snor! Frikkie se stokke het skaars gelê toe sy katrol wegtrek met ‘n helse gejuig; die opwinding was groot en soos dit Roodeplaat se groot karpe betaam het die vis dadelik na links beweeg. Met effe teleurstelling so 10 minute later moes ons sien dis is ‘n snor wat die floaties opgetel het en nie daai groot karp wat ons gedink het nie, maar nietemin was dit ‘n mooi snor gewees en Frikkie se rekening was oop. Vince het ook nie op hom laat wag nie, en kort na Frikkie se snor geland is, het Vince sy rekening oopgemaak met ‘n karpie van so 1kg. Die ding wat ek nou al geleer het by Cast & Catch is dat die visse in skole beweeg en kort voor lank was Raymond-hulle ook aan met twee karpies. Na dit het die res van die oewer gevolg en almal was lekker besig. Vince besig om nog een in te bring. Van daar af was almal lekker aan die gang en die vis het aanhou byt, nou glad nie die monsterkarpe wat Roodeplaat gewoonlik oplewer nie, maar ten minste ruik dit soos vis. Tussendeur het ons darem lekker tyd gekry vir gesels en kuier en dit was lekker om elkeen se stories te hoor van daai grote wat weggekom het. Vir middagete het Riaan Alleman gesorg vir ‘n lekker worsie op die kole en ons het weggelê aan heerlike boereworsrolle. Die visse het nie ophou byt nie en almal het so tussen die eet deur die een vis na die ander geland. Riaan Alleman het gesorg dat niemand honger huis toe gaan nie. Raymond (senior) met een van sy vele visse van die dag. Die lekkerste van so dag is al die nuwe vriende wat gemaak is. Hier is Riaan Alleman saam met Raymond Junior. Raymond (junior) het darem ook nie op hom laat wag nie en hier spog hy ook met een van sy vangste. Min het ons geweet wat die middag sou inhou! Ons het nog lekker gesit en gesels toe Frikkie ‘n koedoe aan die oorkant by die Sable Hills-kompleks bespeur het. Sable Hills het heelwat wild so dit is nie iets nuuts nie, maar min het ons geweet dat daai koedoe etlike minute later besluit het hy soek groener gras en het 100m oor die dam geswem en sy verskyning op Cast & Catch se oewer gemaak! Dit het omtrent ons almal op hol gehad en was voorwaar ‘n eens in ‘n leeftyd gebeurtenis vir ons almal! Koedoe se kind het vinnig sy horings platgetrek en sy weg gevind in die bosse in agter staanplek 10. Dit het nou die kersie op die koek gesit en ons sal dit nie gou vergeet nie! Kyk die video hier: https://youtube.com/shorts/wEVzXCUqRp4 Kort voor oppaktyd het Raymond (junior) ook darem gesorg vir lekker lag toe sy baberstrop in die boom geëindig het, maar soos my pa altyd gesê het “pad se stories bly pad se stories!”. Ongelukkig moet alle lekker dinge op ‘n einde kom en was dit tyd om almal te groet. Een ding is seker: ek stap weer weg met goeie vriendskappe en sal die dag nie gou vergeet nie. Soos Riaan Alleman altyd sê, “Waar is dit lekker? Hier is dit lekker!” En so kom ‘n lekker dag tot op ‘n einde, maar glo my ons sal hom nie gou vergeet nie!

Riaan Alleman Hengel en Geniet Die Dag Saam Met Wenners!

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

0. Van die oewer / From the bank

1. Cover Story: So Geseënd….

Stadsjapie gaan hengel

Handige wenke om te onthou – By enige hengelsessie #4

Handige wenke om te onthou – By enige hengelsessie # 2

Handige wenke om te onthou – By enige hengelsessie # 1

Matlala Aloe Park, Flag Boshielo (Arabie) Dam

Establishing & Managing A Syndicate water:

Ons vang spookkarpe in die Wes-Kaap

Vloedwater by Arabie maak hengel uitdagend

0. Van die oewer / From the bank

1. Cover Story: So Geseënd….

Stadsjapie gaan hengel

Handige wenke om te onthou – By enige hengelsessie #4

Handige wenke om te onthou – By enige hengelsessie # 2

Handige wenke om te onthou – By enige hengelsessie # 1

Matlala Aloe Park, Flag Boshielo (Arabie) Dam

Establishing & Managing A Syndicate water:

Ons vang spookkarpe in die Wes-Kaap

Vloedwater by Arabie maak hengel uitdagend

A. MY TURN | MY BEURT

0. Van die oewer / From the bank

Riaan Alleman Hengel en Geniet Die Dag Saam Met Wenners!

R499.00 per year

R49.00 per month

R299.00 per year

R29.00 per month

R299.00 per year

R29.00 per month