Stadsjapie gaan hengel

WOORDE EN FOTO'S: Armandt du Preez Deel 9 – Willow Waters, Krugersdorp Ek het ‘n geleentheid gesien om oor die langnaweek van 29 April tot 2 Mei by die Willow Waters-oord te gaan hengel. Die oord is in Krugersdorp geleë, beskik oor vyf damme en is slegs 43km vanaf Johannesburg en 65km vanaf Pretoria. Die water kom uit ‘n natuurlike inloop, is skoon en gesond en huisves karp, geelvis, kurper en baber. Die kamp- en hengelarea en die ablusiegerief is netjies en skoon. Dis beslis ‘n oord waar jy saam met jou familie kan gaan hengel en deur die dag lekker kan ontspan. Met my aankoms by Willow Waters om ongeveer 05:50, kon ek sien dat dit ‘n gewilde oord in die area is. Met ‘n paar roetes om die damme het ek besluit op ‘n dam in die middel van al die damme. Met ‘n pragtige pad wat tot by die water loop, was dit lekker maklik om alles van die voertuig af te kon laai en reg te kry vir die dag se hengel. Met die ronde dam wat so vol is en almal wat na dieselfde rigting gooi, begin ek ‘n plan uit te dink om die hengel vir die dag lekker en suksesvol te maak. Ingang na Willow Waters. Eerste karp vir die dag van so +/-1kg. Soos die son sy verskyning maak reg voor my sien ek ‘n 'geheime' hengelplekkie, naamlik reg in die middel van die dam verskyn daar ‘n eiland. So besef ek dit gaan my fokuspunt vir die dag wees. Ek het besluit om met my 8vt Okuma ‘Barbarian’-stokke te hengel. Ek gooi vir eers ‘n skoon gewig na die eiland toe om my gooi-afstand te bepaal om so naby as moontlik aan die eiland te hengel. Terwyl ek die voer aanmaak, hou ek my oë op die water om te sien waar die visse draai. Ek sien dat kurpers baie naby aan die kant is, so omtrent 8m, en so besluit ek om ook die kurpers te teiken. My een stok is op 35m ingehaak net voor die eiland, en om ‘n voerplek te maak gooi ek eers ‘n paar voerballe en ‘n emmer van Legends se pellets op 30m in. Louis Botha vang ‘n mooi 700 gram karp. Willow Waters se ablusieblok. Pragtige karp van 3kg. Na 30 minute kry ek my eerste byt, maar met die twee hoeke op die strop gaan sit dit vas in die riete by die eiland. Nie die beste keuse om met twee hoeke daar te hengel nie! Ek snip toe die boonste hoek af en hengel verder met net een hoek. Skaars weer in die water en my stok loop, en ek vang ‘n mooi karp wat net so oor die 1kg weeg. Soos die dag verloop en die son al hoe helderder skyn word die visse ook meer aktief. Soos hengelaars is, maak ons altyd vriende langs die water. Ek het twee passievolle mense ontmoet wat met hulle twee dogters langs my gehengel het. Hulle vertel my dat hulle al baie lank by die dam hengel en geniet dit vreeslik baie. Met die kampplekke en die badkamers wat so netjies en skoon is, voel hulle gerus en veilig. Met die dag wat so vrolik begin het, en die oewer wat so mooi en skoon is, gaan loop ek bietjie op die oewer rond en ontmoet so talle mense wat hulle dag saam met hul kinders kom geniet het. Jocelyn Keyter en Peet Cilliers met ‘n pragtige double-up. Candice du Plessis met haar spieëlkarp. Jennifer du Plessis met ‘n karp van ongeveer 2kg Met middagete wat kom begin die reuk van braaivleis so deur die lug trek en so word die kurpers ook wakker met die water wat bietjie warmer word. Ek hengel met ‘n kurperstrop wat ek by oom Werner in die Skolefinaal by die Nyldam geleer het waar ons 105 kurpers in die toernooi gevang het. Dié kurperstrop is ‘n normale Vaaldamstrop met net ‘n bietjie korter skaglyn van so 30cm en twee hoeke met maaiers, en ‘n P3-sinker met ‘n aasveer aan die onderkant. Ek laai die strop met vyf maaiers op elke hoek en skoon Legacy-voer op die P3-sinker, en so begin die pret waar die kurpers my behoorlik besig hou, en ek vang meer as 30 kurpers vir die dag. Die meerderheid van die visse wat ek gedurende die dag gevang het was karp – talle jong visse in die omgewing van 1kg asook groter visse van tot 4kg. Neem asseblief kennis dat Willow Waters ‘n vang- en vrylaat-oord is so geen hounette word toegelaat nie. Vir die spesiemanne het die middeldam ‘n karprekord van 15kg en die ander damme het karpe van 8kg tot 12kg. Die dam is vrugtereuk-georiënteerd waarvan enige dip wat vrugte bevat die beste sal werk. Van die dips en floats wat ek vir die dag gebruik het sluit in Tarzan (yellow banana-float met amandeldeeg) as hoekaas, met die dips Excallabur (musk + strawberry) en Sparta (spirits). Kurper met maaiers op die hoek in die bek. Die algemene grootte van die kurpers wat met my besoek gevang is.

Stadsjapie gaan hengel

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

0. Van die oewer / From the bank

Riaan Alleman Hengel en Geniet Die Dag Saam Met Wenners!

1. Cover Story: So Geseënd….

Handige wenke om te onthou – By enige hengelsessie #4

Handige wenke om te onthou – By enige hengelsessie # 2

Handige wenke om te onthou – By enige hengelsessie # 1

Matlala Aloe Park, Flag Boshielo (Arabie) Dam

Establishing & Managing A Syndicate water:

Ons vang spookkarpe in die Wes-Kaap

Vloedwater by Arabie maak hengel uitdagend

0. Van die oewer / From the bank

Riaan Alleman Hengel en Geniet Die Dag Saam Met Wenners!

1. Cover Story: So Geseënd….

Handige wenke om te onthou – By enige hengelsessie #4

Handige wenke om te onthou – By enige hengelsessie # 2

Handige wenke om te onthou – By enige hengelsessie # 1

Matlala Aloe Park, Flag Boshielo (Arabie) Dam

Establishing & Managing A Syndicate water:

Ons vang spookkarpe in die Wes-Kaap

Vloedwater by Arabie maak hengel uitdagend

A. MY TURN | MY BEURT

0. Van die oewer / From the bank

Riaan Alleman Hengel en Geniet Die Dag Saam Met Wenners!

R499.00 per year

R49.00 per month

R299.00 per year

R29.00 per month

R299.00 per year

R29.00 per month