STRANDHENGEL: Teiken Galjoen, Haak ‘n Mosselkraker!

More Than Fishing ZA (MTF ZA) is ‘n organisasie met ‘n doelgerigte hengelkultuur wat juis fokus op die dinge van belang róndom hengel en die mooi daarin aanspoor, soos vir Pa en seun wat hul verhouding versterk deur saam te hengel en goeie en lekker tye saam te kan beleef so langs die water. Familiepret tydens ‘n hengelsessie. Die waardering van hartsmense wat hierdie sport saam met jou beoefen. Om die stilraak van die siel te ervaar met sonsopkoms, en so, dankbaarheid jou hart tref. Die sonsondergang wat jou gou-gou ‘right size’ en jou met nederigheid laat. Die verwondering wanneer jy vir ‘n oomblik deur hemelse vensters kyk na die dolfyne voor jou in die water wat jag maak op hul prooi en besef die wonder van lewe. Die mense wat verbystap, jy ken dalk hulle naam, maar nie hulle storie nie, dis die stop, die stilstaan, die groet, die luister, die omgee, die verskil wat jy in ‘n ander se lewe kan maak, ‘n radikale verandering kan bring en wat geld nie kan koop nie.