Vaalrivier-boothengel in die hartjie van winter

WOORDE: Riaan ‘Vis’ Bezuidenhout | FOTO'S: Jessica de Villiers Die Vaalrivier is werklik besonders – dit begin ongeveer 240km vanaf die Indiese Oseaan aan Suid-Afrika se Ooskus, maar dié rivier het besluit om stroom-op te wees en vloei eerder in ‘n westelike rigting vir 1500km deur die middel van ons land om by die Oranjerivier aan te sluit. Die rivier bied menige voordele soos aansienlike groot en verskillende spesies vis. Daar is talle oorde op die oewer wat ‘n verskeidenheid hengelgeleenthede bied, soos byvoorbeeld diep poele vir baber, sterk strome vir geelvis, rotse en stroomversnellings vir moddervis en mooi sandbanke vir karp. VAALOEWER – IN DIE HARTJIE VAN DIE VAALRIVIER Omtrent stip in die middel geleë tussen Parys, Vanderbijlpark en Sasolburg is waar jy Vaaloewer teëkom. Op die Lindequesdrifpad is die ingang van Vaaloewer, die oud-diamantmyn waar menige Protea-hengelaars al gaan aftree het. Vaaloewer is die punt waar drie provinsies bymekaarkom. Dit is die mees westelike ‘dorpie’ in Gauteng, teenaan die Noordwes-provinsie met Vrystaat aan die oorkant van die rivier. Met besondere voëllewe soos visarende wat gereeld roep, dassies en apies wat op die rotskranse rondskarrel en likkewane wat op die oewer lê en bak, skep dit vir seker ‘n tipiese bosveld-atmosfeer. ‘n Helder sterrehemel en die skoonste lug in Gauteng maak Vaaloewer ‘n moet op jou hengelwenslys. Die hengelrekords volgens die plaaslike hengelaars is as volg: Baber – 21kg (10kg gemiddelde grootte); Karp – 12kg; Grootbek-geelvis – 7,6kg; Kleinbek-geelvis – 2,6kg; Moddervis – 2,75kg; Baars – 3,2kg. CANDY’S LODGE – AKKOMMODASIE EN BOOTLANSERING Die nuwe keerwal wat in 1995 gebou is het dié gedeelte van die rivieroppervlak met ongeveer 6m gelig. Bote kan nou vir 5km tussen die keerwal en silwerstrome op die rivier rondbaljaar en lekker visvang. Hierdie gedeelte van die rivier is skoon en rustig met die voordeel dat dit aan die onderkant van die Barrage geleë is. Die bootlanseergeriewe kos R300 per dag met ‘n R50 eenmalige fooi vir die lisensieplakker. Nodige dokumentasie moet in plek wees: skipperslisensie, Certificate of Fitness (COF), Buoyancy Certificate). Vir die avontuurlustiges in die familie is daar kleiduifskiet en bergfietsroetes, sowat 5km terug na Johannesburg op die Potchefstroompad, asook die toeristeaantreklikheid-dorp, Parys, met ‘n natuurryke gholfbaan, slegs 27km vanaf Vaaloewer. Meer inligting oor Candy's Lodge. Kontak gerus vir Anne, sy is baie gasvry en help graag haar gaste. Hoe om ‘n boot te anker vir minimum beweging op die water. Wanneer jou teiken hengelarea gevind en gekies is, is dit van kardinale belang om die boot so standvastig as moontlik op die water te probeer hou. As die boot rondbeweeg as gevolg van rivierstrome, of die wind, dan gaan jou strop met aas ook op die rivierbodem rondbeweeg. Deur middel van ‘n paar eenvoudige stappe is dit moontlik om die boot so doodstil as moontlik te anker. Stap 1: Plaas die eerste anker ongeveer 15-30m weg van die hengelarea af. Die afstand van al die ankertoue gaan bepaal word deur die lengte van die ankertoue en die rivierbodem se helling. Stap 2: Plaas nou die tweede anker weer dieselfde afstand, duskant die hengelarea. Stap 3: Bind die twee ankertoue aanmekaar vas deur middel van ‘n karabiner. Plaas ‘n merkerdrom wat dryf aan die twee ankertoue vas, sodat dit later weer maklik bekombaar is. Plaas nou ‘n derde anker so ver as moontlik weg van die hengelarea af, in lyn met die 1ste anker. Stap 4: Beweeg nou oor na die regterkant en plaas ‘n vierde anker wat so naby as moontlik in lyn is met die 2de en 3de ankers. Stap 5: Beweeg die boot terug na die merkerdrom met die 3de en 4de ankertoue wat slap in die water lê. Haak die 1ste en 2de ankertoue aan die boot vas en beweeg vorentoe, totdat hulle albei styf getrek het. Stap 6: Wanneer die 1ste en die 2de ankertoue styf is, kan die 3de en die 4de ankertoue styfgetrek word en aan die boot vasgebind word. Die boot sal nou minimaal op die wateroppervlak beweeg. Wanneer daar vasgemaak word met ‘n vis, is daar altyd ‘n moontlikheid dat die vis om die ankertou kan swem. Die visstok kan dan net bo-oor of onderdeur die ankertou beweeg word, wat die wrywing, verstrengeling en afbreek van die vislyn kan verhoed. TOP TIP: Hoe kleiner die helling van die ankertoue, hoe beter! HENGELBENADERING Om suksesvol te wees met jou hengeluitstappie is dit noodsaaklik om die regte hengelarea te kies. Jy kan nie met die regte aas op die verkeerde plek ‘n vis vang nie, maar jy kan met die verkeerde aas op die regte plek ‘n vis vang. So, die kruks van die saak is dat jy sorgvuldig moet kies waar jy hengel. Ek en Werner Lubbe het omtrent die hele middag op en af gery en die bodem se helling behoorlik met ‘n visvinder bestudeer om seker te maak dat ons ten volle gelukkig was met waar ons sou voerplek maak. Ons het besluit op twee plekke om ons meer kanse te bied. Sien X1 en X2 op die lugfoto. X1 agter die groot eiland het ‘n mooi sandoewer en is 4-6m eenvormig diep in die middel. By X2 het ons ‘n mooi verhoging in die rivierbodem gevind. Rondom X2 is dit 6-8m diep en bo-op die klein verhoging is dit 4,1m diep met menige vislewe. Lugfoto van ons teiken hengelareas. Skrywer besig om voerballe te maak. Let op na die ankers en ankertoue. Besig om X1 se tafel te dek. Porcupine Bay se gemiddelde diepte is tussen 11 en 13m diep. X2 waar die visse bo-op die verhoging geduldig wag vir ons ase. Na ons die tafel gedek het, het ons begin hengel by X1 agter die eiland. By die sagte sandbanke het ons die boot teen die oewer se wal vasgemeer. Soos die topklas hengelaar wat hy is, het Werner binne 5min die eerste skepnet laat nat raak. Na dié vis het ons vir ‘n wyle nog verder probeer, maar met geen geluk. Ons het toe beweeg na die volgende vegveld by X2 in Porcupine Bay. Hier het Werner weer amper dadelik ‘n vis gehaak, maar hy het dit ongelukkig verloor toe die vis met die voerkolmerker verstrengel geraak het. Dit het weer stil geraak, behalwe vir so ‘n paar klein kleinbek-geelvisse wat ons aan die gang gehou het. Ons het met groot afwagting gesit en wonder wat die volmaan vir ons sou inhou. Werner het toe vir die dag koning gekraai met ‘n allemintige 11kg baber. Hy het ‘n viskop gebruik om dié baber te kul in die middel van winter. X1. Deo Volente op die aanval. Werner aan met ‘n karp op feeder taktiek gevang. Nr 1 in die sakkie. Volmaan oor Porcupine Bay. Werner baie trots op sy winterbaber. Duidelik is daar geen plaasvervanger vir ervaring nie. Die volgende oggend douvoordag was ons weer op die water by X2. Ons het net ‘n paar klein visse gevang en besluit toe om terug te gaan na die eiland (X1). Hier het die kaarte vir my reg geval en ek vang ‘n veglustige 5kg karp met ‘n pynappel tigernut. Die Vaalrivier bied die geleentheid om verskeie hengeltegnieke te kan beoefen. Werner het gefokus op feeder en oewerhengel en ek het gefokus op spesiekarp en oewerhengel. Ons het ook albei ons kunsaasvernuf beproef in die stroomversnellings en rondom strukture. Met nadenke het ons besef dat ons elke keer binne ‘n bestek van vyf minute ‘n vis gevang het en daarna het dit stil geraak. Ons moes dalk meer rondbeweeg het na elke vangs omdat dit voorgekom het dat die vis baie skugter was. HENGELSLOTSOM Dit was vir my ‘n onvergeetlike ervaring om saam met Werner op sy boot in my agterplaas te gaan hengel. Daar is nie ‘n geldwaarde wat ek vir die hoeveelheid ervaring wat ek opgedoen het kan plaas nie. Ek sal elke hengelaar aanraai om Vaaloewer se hengelwaters te kom beproef. Tot volgende keer. Mag die katrolle skree, jou vislyn styf trek en menige nat nette veroorsaak!

Vaalrivier-boothengel in die hartjie van winter

WANNEER JOU OEWER ‘N BOOT IS

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

RIAAN ALLEMAN: Van Zero tot Hero by Rietspruit Heron-oord

Ons LESERS spog! • Our READERS brag!

PRIM & PROPER …

FLY FISHING ADVENTURE: An afternoon fly fishing session with Sundowner at Oxbow Country Estate

Wolfi steel harte, en ruik vis!

Hengel saam met FRIK & RIËTTE

Oxbow Country Estate: ‘n Middag se vlieghengelsessie met Sundowner

Hengel saam met RIAAN ALLEMAN

Fishing is a FAMILY AFFAIR

Ramcat-hengeldag vir gestremdes

RIAAN ALLEMAN: Van Zero tot Hero by Rietspruit Heron-oord

Ons LESERS spog! • Our READERS brag!

PRIM & PROPER …

FLY FISHING ADVENTURE: An afternoon fly fishing session with Sundowner at Oxbow Country Estate

Wolfi steel harte, en ruik vis!

Hengel saam met FRIK & RIËTTE

Oxbow Country Estate: ‘n Middag se vlieghengelsessie met Sundowner

Hengel saam met RIAAN ALLEMAN

Fishing is a FAMILY AFFAIR

Ramcat-hengeldag vir gestremdes

RIAAN ALLEMAN: Van Zero tot Hero by Rietspruit Heron-oord

Ons LESERS spog! • Our READERS brag!

NEXT LEVEL BASSING: Spy Baiting with Sub-surface Propeller Baits

R550.00 per year

R55.00 per month

R399.00 per year

R40.00 per month

R399.00 per year

R40.00 per month