Van ZERO tot HERO – Grys maar wys

WOORDE: Thian van Zyl | FOTO'S: Verskaf Vir hierdie maand se rubriek gesels ek met oom Martin Jansen van Vuuren. THIAN: Waar kom die liefde vir hengel in oom se lewe vandaan? Oom het al baie jare onder die belt, maar dit is duidelik dat die gogga hard en effektief sy merk gelos het. MARTIN: My hengeltyd en -geleenthede sal ek sê is meer gesteel as gereël. Ek het as jong knaap van so ‘n vierjarige ouderdom skelm in ‘n plaasdam naby Marble Hall by my tannie gaan vang. Hulle het ‘n besproeiingsdam gehad waar ek my tyd skelm spandeer het. Op die oomblik is ek 61 en op pensioen en boer deeltyds om my tyd te verwyl sodat ek steeds iets het om te doen as ek nie die kans het vir visvang nie. Die kompeterende hengelgogga het in 1987 rond gebyt waar ek in Delmas geplaas was en ‘n man met die naam Stoffel Grobbelaar het my bekend gestel aan kompetisiehengel, en dis maar waar dit vandaan gekom het. Ek het baie gemaklik ingepas omrede ek nog alyd ‘n kompeterende mens was, hetsy of dit nou atletiek of rugby was. Ek was nog altyd lief vir presteer en om myself te druk. Ek was nie die gemaklikste in groepsport nie, so het my hart vinnig met gemak en geluk in kompeterende hengel gepas. THIAN: Die skuif van ‘n groepsport soos rugby na ‘n enkelsport toe is ‘n groot verskuiwing en jy moet jouself emosioneel en verstandelik gereed kry aangesien die twee dag en nag verskil met hul uitdagings. Dit is duidelik van oom se vorige SA’s dat oom baie sterk is met ‘n kopskuif waar oom self emosioneel en verstandelik moes sterk wees. Wat kan oom ons vertel van die SA’s? MARTIN: ‘n Groot ding vir die skuif het ingekom by die Pro Mania-finaal waar ek 2de in my afdeling gekom het en ek het vir myself gesê ek het ‘n keuse om te hengel en laat die druk my onderkry, of dit sien as ‘n belegging waaruit ek meer kan ontvang en leer. Ek het fisies en sielkundig myself baie hard voorberei om fiks en gefokus te bly. Dit is soos om te kyk na sekere atlete soos rugbyspelers wat 1200m nalope doen vir oefening en fiksheid wat wel help, maar dan kom hulle in ‘n wedstryd en hardloop slegs 20-30m voluit. Die tipe oefening wat jy jou lyf gegee het en wat dit moet doen in die spel is twee heel verskillende dinge. So jy moet jou lyf voorberei vir wat dit moet doen vir beter resultate. Ek het my oefensessies met gooi en loop oor agt ure gestrek, en omdat ek ouer is wil ek my lyf reg laat rus en laat peak met betrekking tot wat hy moet doen die dag as dit saak maak. THIAN: Nou vir die lesers wat met kompeterende hengel begin, of vir die wat ‘n wanpersepsie het van wat ons doen, hoe kan oom hulle reg help om te verstaan hoe gedreineer mens kan wees na hengel en hoe belangrik die geestelike ingesteldheid is? MARTIN: Vir die hengelaars wat wil begin in kompeterende hengel moet ek eerstens noem jy moet vrede hê as jy agter jou stokke staan. As ek agter my stokke sou staan en heeldag bekommer oor een van my beeste wat siek is of iets, gaan mens die verskil sien in die resultaat in vergelyking met as ek nie vrede sou hê nie. Dis nou wel nie te sê alles gaan altyd perfek wees as jy moet presteer nie, maar jy moet iets doen om jou kop heeltemal agtermekaar te kry vir die kompetisie anders gaan jy swak vaar. Jy moet ook nie links of regs kyk en wonder watse groot name langs die oewer is nie; jy moet net daai baan voor jou kyk en dit aanvat en nie die mens speel nie. Vir die wie dink ons drink en kuier as ons hengel, hulle is ver van die pad af. Ek wil eerstens vir hulle sê visvang is vir die mense wat agter die toonbank staan en visse na die vrieskas toe aanstuur, maar ons hengel! Baie van hulle hou ook nie van visvang nie bloot oor die feit dat hulle dink die visse hou nie van hulle aas nie. Dis snert, dips vang mense maar ‘n hengelaar vol vertroue vang die vis. Ek het met ‘n sosiale geleentheid langs ‘n man gevang wat genoem het hoe swaar sy hengel die afgelope paar dae by die dam was waar hy gekamp het, en dat die vis teen hom is en hy is moedeloos ensomeer. Dit was asof hy my uit my hengelsessie wou uit praat maar toe ek opslaan en in die water kom was dit nie lank voor ek ‘n vis gevang het nie. Die nuuskierigheid in die man het gebrand en na die derde vis wat ek gevang het, het hy my genader en raad gevra. Trots is ‘n baie lelike ding en as jy dit kan sluk sal jy verder kom. Ek het die man gehelp en vir myself herinner dat hengel altyd my baas is en as jy nederig bly sal ‘n moeilike paar dae ‘n groter leerskool wees as mors van geld. Dit is net ‘n perspektief skuif. THIAN: Watse raad het oom vir sosiale hengelaars wat nou voel hulle visvang val uitmekaar uit? MARTIN: Daar is net twee goeters wat jy kort vir die skuif na beter tye – dit is nederigheid en voorbereiding. Die eerste ding is om te verstaan jy is in die Here se natuur en dit is beter as om vas te sit by die werk. Verstaan net dat die natuur jou gou klein sal maak as jy dink jy is die sport se baas, want as dit nie jou dag is nie en daar is nie vis voor jou nie, dan kan jy niks doen nie. https://youtu.be/2LQskBakDPQ Soos ek genoem het, dips vang mense. Dit het ‘n effek op die vis maar as jy nie jou huiswerk rondom die oewer doen nie, sal jy nooit die meeste kan uitkry nie en jy sal die vis eerder wegjaag as lok. As jy net ‘n video kyk of staatmaak op ‘n vorige ervaring val jy kort met jou huiswerk. Die huiswerk help met jou selfvertroue, die game plan help met jou selfvertroue, en die geduld as jy weet wat om min of meer te verwag help ook jou selfvertroue.

Van ZERO tot HERO – Grys maar wys

JY IS NIE HENGEL SE BAAS NIE

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Kleindamplesier, die juweel onder jou neus!

KARPOEWERHENGEL – Die Haarstrop

Light up all ADVENTURES with Camp Master’s String Lights & Lantern!

LONG & SURF CASTING: Part 3

KARPHENGEL: Stroppe vir sand- of gruisbodems

Hengel saam met RIAAN ALLEMAN: Van grasvlaktes tot veranderde water

Binne-in Tom Ebersohn – ‘Die Leeu van Leeuplaas’ – se HENGELKAS

Ons LESERS & JUNIORS spog! • Our READERS & JUNIORS brag!

‘The View on Vaal Resort’ – It should be on your fishing map!

Joining Lines – PART 1

Kleindamplesier, die juweel onder jou neus!

KARPOEWERHENGEL – Die Haarstrop

Light up all ADVENTURES with Camp Master’s String Lights & Lantern!

LONG & SURF CASTING: Part 3

KARPHENGEL: Stroppe vir sand- of gruisbodems

Hengel saam met RIAAN ALLEMAN: Van grasvlaktes tot veranderde water

Binne-in Tom Ebersohn – ‘Die Leeu van Leeuplaas’ – se HENGELKAS

Ons LESERS & JUNIORS spog! • Our READERS & JUNIORS brag!

‘The View on Vaal Resort’ – It should be on your fishing map!

Joining Lines – PART 1

Kleindamplesier, die juweel onder jou neus!

KARPOEWERHENGEL – Die Haarstrop

Sterkfontein Gold: A world-class fishery right in our backyard

R550.00 per year

R55.00 per month

R399.00 per year

R40.00 per month

R399.00 per year

R40.00 per month