fbpx
Bank AnglerFishing TipsHow To

Vergooi Vir Die Skoner Geslag

Deur: Andries Maree

Uitdaging: Ek is ‘n vrouehengelaar en gooi oor my kop, maar ek sukkel baie om afstand te kry wanneer ek ingooi. Hoe kan ek my gooi afstand verbeter?

Oorsaak:
Om iemand te help wat sukkel om ver afstande te werp, raak op ‘n stadium ‘n baie tegniese ontleding en regstellingsproses. Daar is algemene foute wat gemaak word en dan is daar hengelaars wat slegs een of enkele van die foute maak. Ver werp in die Suid-Afrikaanse hengel konteks het twee dele – een is om ‘n ligte sinker so ver as moontlik te werp, en die ander is om swaar sinkers so ver as moontlik te werp.

Oplossing:
Ten einde jou werp afstand te verbeter kan ek ‘n paar wenke vir jou gee. Indien jy al hierdie wenke 100% toepas is die kans goed dat jy tussen 15m en 20m verder sal kan werp. Neem egter kennis dat jou gerei ‘n groot invloed op werp resultate het.

Wenk 1 – Te gespanne.
Die uitvoering van ‘n werp poging moet met “ontspanne” spiere uitgevoer word. Sodra jy te gespanne is, en jou spiere saamgetrek is, sal dit beteken dat die volgende goed waarskynlik nie reg uitgevoer word nie:
* Die egalige beweging van die stok vind nie plaas nie. Daar is ‘n ruk (“jerk”) beweging in die werp.
* Die tydsberekening van wanneer die vinger die lyn los.
* Die samewerking van al die spiere wat nodig is om ver te werp, vind nie plaas nie, soos bv. die rug wat te styf gehou word. 

Wenk 2 – Katrol area.
Daar behoort twee of drie vingers bokant die katrol se “voet” te wees om ‘n stewige greep van die stok te verseker. Die wysvinger behoort die lyn met ‘n gebuigde vinger te haak vir die werpslag. Die vinger moet nie die lyn teen die visstok vasdruk nie. Dit veroorsaak dat die los proses benadeel word en tydsberekening ‘n probleem kan wees. Daar is sommige hengelaars wat glo dat die spoel so ver as moontlik na bo wees (uitgedraai). Ek is egter nie heeltemal seker wat se invloed dit kan hê nie. Die katrol-arm (bail-arm) moet aan die teenoorgestelde kant van die stok wees wanneer die oorgeslaan is. Sodoende kan die vingers nie die katrol-arm per ongeluk toe stamp nie. Maak seker dat die katrol se spoel heeltemal vol gerol is met die vislyn.

Wenk 3 – Maak vas.
Daar is baie hengelaars wat nie die katrol se rem heeltemal vas draai voordat daar gewerp word nie. Enige bietjie van ‘n gly beweging wat die spoel uitvoer tydens die werp, veroorsaak ‘n groot afname in die werp afstand. Indien jy nog al die jare bang is dat die voorslag vislyn jou vingers sal sny, moet jy gebruik maak van ‘n leer vingerhoed. Sodra jy regtig ver wil werp met swaar sinkers, beveel ek ten sterkste aan dat jy jou vinger beskerm. 

Wenk 4 – “Drop-lengte”.
Die lengte vanaf die stok se voorste ogie op die punt van die stok en die sinker staan bekend as die “drop-lengte”. Dit is my ervaring dat daar in die breë gesien twee drop lengtes is vir die visstokke wat in Suid Afrika te koop is, dit is:
* Vinnige aksie of harde visstokke – Kort drop wat halfpad tot driekwart tussen die stokpunt en die stok se las is.
* Medium aksie of parabool visstokke – Lang drop wat gelyk is met die stok se las. Indien jy ‘n kort persoon is, kan dit egter ‘n uitdaging veroorsaak.

Tags
Close