VISKOPPE

In dié artikel word sekere wenke gegee oor die gebruik van viskoppe as jy babers wil vang asook die tipe en grootte van viskoppe, die aansit van viskoppe asook die beste stroppe om te gebruik. WOORDE: Danie Engelbrecht Watter soorte vis se koppe kan gebruik word? Ek dink dat visse wat in die betrokke hengelwater voorkom se koppe die beste is. Koppe van karpe, moddervis, veral graskarpe, kurpers, ensomeer is goeie aas om babers uit te oorlê. Grootte van viskoppe Gebruik viskoppe van kleiner visse. As die koppe te groot is, kan dit moeilik wees om die hoeke so aan te sit dat die hoeke se punte uitsteek. Groot koppe is ook harder as kleiner koppe. ‘n Baber verkies ‘n sagter kop. Afsny van die kop Sny altyd die kop van die bokant van die vis af. Moenie die kop teenaan die kop afsny nie. Sny so 10mm agter die kop die kop af. Die stuk vlees agter die kop is noodsaaklik vir die insteek van die voorste hoek. (Lees later wat hiermee bedoel word.) Krap die skubbe van die kop af. Sny ook die twee voorste vinne teenaan die kop af. Moenie die vinne uitsny nie. Indien die kop klein is en jy wil ‘n stuk van die rugvin ook deel van die aas maak, moet jy ook die rugvin afsny. Krap ook al die skubbe af. Jy kan ook kepe sny in die deel van die lyf wat aan die kop vas is. Sagmaak van die kop As dit ‘n groot kop is, kan jy die kop sagmaak. Gebruik ‘n redelike swaar hamer met ‘n plat kop. Plaas die kop op ‘n stuk plank en tik die kop liggies. Draai die kop om en tik die anderkant liggies. Moenie die kop stukkend slaan nie. ‘n Stukkende kop kan met die werp van die aas loskom en die hoeke sal in die kop intrek. Hoeke wat se punte nie by die kop uitsteek nie, sal verhoed dat jy die baber behoorlik vang. Hamer, mes en viskop. As die kop groot is en jy wil dit sagter maak, tik jy die kop met so ‘n hamer sag. Moenie die kop stukkend slaan nie. Stroppe Onthou net: ‘n Baber is ‘n bodembakleier. Moenie ‘n strop gebruik wat kan vashaak nie. Daarom beveel die skrywer nie ‘n Vaaldamstrop aan nie. Jy kan dit wel gebruik, maar dan moet jou sinkerlyn dun wees. Wie wil elke keer ‘n sinker verloor? Kyk na die foto’s hoe die aanbevole stroppe lyk. Die heel beste strop is die baberstrop. Baberstrop In die strop gebruik jy geen draaispil nie. Jy benodig ‘n glysinker en twee hoeke. Die voorste hoek, naamlik die een wat die verste van die hengelaar af is, moet verkieslik ‘n hoek met ‘n reguit ogie wees. Jou tweede hoek is ‘n glyhoek waarvan die ogie gebuig is. Kyk mooi na die foto. Verder benodig jy ‘n stukkie biesie (verkieslik). Druk jou hengellyn deur die sinker se dun kant. Druk vervolgens jou hoek met die gebuigde ogie in die lyn. Druk die lyn van bo-af in. Heg nou die onderste hoek aan die lyn. Die twee hoeke moet ewewydig aan onderste hoek wees. Kyk na die foto. Gebruik ‘n kniehalterslagknoop om die stukkie biesie so 15 cm bokant die sinker in die lyn te heg. Trek die lyn styf om die biesie. Wanneer jy die aas ingooi sal die sinker nie die biesie sny nie. Wanneer jy egter die vis vaskap, sny die lyn deur die biesie. Die sinker skuif nou af tot teenaan die vis se bek. Hou jou stok vertikaal sodat die sinker by die vis bly. Met die strop haak jy nie vas nie. As die glyhoek se ogie nie mooi toegebuig is nie, kan dit die lyn sny, veral as jy vleglyn gebruik. Gebruik jy egter dik nylonlyn, sal dit nie gebeur nie. NB: Wyle oom Carel Vilonel het die strop altyd gebruik om geelvis mee te vang. Hy het die idee vir my gegee en sedertdien gebruik ek slegs die baberstrop om babers mee te vang. So lyk ‘n baberstrop. Die glyhoek moet ‘n gebuigde ogie hê sodat dit ewewydig aan die hoek wat aan die hengellyn vas is, kan lê. Glystrop Hier benodig jy ‘n glysinker, ‘n sterk draaispil en twee hoeke. Neem ‘n stuk hengellyn van so 40cm wat jy as hoeklyne gaan gebruik en vou dit dubbel. Heg nou die dubbellyn aan die draaispil vas. Met die aanknoop van die hoeklyn kan jy reeds sorg dat die een stuk korter as die ander een is. Heg nou ‘n hoek aan die langste lyn, as hulle ewe lank is, heg aan enige een. Maak nou die ander hoek vas aan die ander hoeklyn. Die hoeklyn moet korter wees as die ander hoeklyn. Sorg dat die hoek se draai regoor die vaste hoek se ogie is. Kyk na die foto. Die hoek aan die langste lyn noem ons die voorste hoek. Druk vervolgens die hengellyn deur die ogie van die glysinker. Skerp punt eerste. Heg nou die hengellyn aan die anderkant van die draaispil. Die een hoek se hoeklyn is langer as die ander een. Die langste hoeklyn is so 15cm lank. Wanneer jy vaskap, moet jy ook jou stok vertikaal hou. Dit help om die sinker van die bodem af te hou. Die hoek wat nie in die baber se bek gehaak het nie, is nou ook naby die baber. So lyk ‘n glystrop. Die een hoek se hoeklyn is korter as die ander een se hoeklyn. Gly-Rietvleistrop Hier benodig jy drie draaispille, ‘n glysinker en twee hoeke. Vir die voorste hoek heg jy eers ‘n draaispil aan die hengellyn. Sny nou die lyn af sodat dit omtrent 15cm lank is. Heg nou ‘n hoek aan die ander punt vas. Druk vervolgens jou hengellyn deur die sinker – skerp kant eerste. Heg die punt van die hengellyn aan die draaispil vas. Sny nou so 15cm van die lyn, wat deur die sinker gesteek het, af. Ons noem die lyn die sinkerlyn (skaglyn). Maak ‘n hoeklyn van so 20cm aan die tweede draaispil vas. Ryg nou die draaispil in die sinkerlyn en heg die derde draaispil nou aan die anderkant van die sinkerlyn vas. Trek nou die hoeklyn sonder hoek tot verby die hoek wat reeds vas is. Druk die hoeklyn nou deur die tweede hoek se ogie en bind dit aan die hoek vas, sodat die tweede hoek se buig regoor die voorste hoek se ogie is. Bind vervolgens jou hengellyn aan die boonste draaispil se oop ogie vas. Nou hengel jy soos wanneer jy karpe hengel. ‘n Gly-Rietvleistrop lyk so. Die boonste hoek se hoeklyn moet so lank wees dat die hoek wat aan dit gebind is, se buig regoor die voorste hoek se buig is. Hoekgroottes Die grootte van die hoeke word gewoonlik bepaal deur die grootte kop wat jy gebruik. Vir die onderste hoek beveel ek aan ‘n 5/0 en vir die boonste hoek ‘n 3/0. Jy kan vooraf verskillende stroppe maak. Die baberstrop maak jy sommer by die water. Dit is maklik om te maak en jy kan die regte hoekgroottes kies. Sorg dat jy goeie, skerp hoeke gebruik. Lyn Ek verkies om babers met sterk lyn te vang. Jy weet nooit watter grootte baber die aas gaan optel nie. Jou aas lê ook nie altyd ver van die oewer af nie. Wanneer jy vaskap, veral as die baber wegswem, kan dun lyn maklik breek. Onthou: Momentum is massa vermenigvuldig met snelheid (spoed). Gebruik dieselfde dikte (sterkte) lyn vir sinker-, hoek- en hengellyne. Aansit van ‘n viskop Moenie twee hoeke deur die bek van ‘n viskop druk nie. As die baber die ander deel in sy bek gryp en jy kap vas, gaan daardie hoeke uitskeur en jy gaan jou vis verloor. Hierbo is reeds onderskeid tussen voorste en boonste hoeke beskryf. Maak weer seker watter hoek die boonste of voorste een is. Neem die voorste hoek en druk dit in die bek van die viskop so diep as moontlik. Druk nou die hoekpunt deur die bobek van die kop. Trek die hoek deur totdat die hoek uit die kop is. Druk vervolgens die hoek in die vlees agter die kop en dadelik weer ‘n entjie agtertoe uit sodat die hoek se punt aan die bokant van die viskop uitsteek. Druk nou die boonste hoek in die bek van die kop en druk die punt van die hoek aan die onderkant van die viskop uit. Die voorste hoek se punt wys na bo en die ander hoek se punt wys nou na onder. Met ‘n baberstrop sukkel jy nie om die twee hoeke reg in die kop te kry nie. Omdat die hoekpunte in twee verskillende rigtings wys, kan jy nie ‘n baber wat byt, mis nie. So lyk ‘n viskop wat aan ‘n Gly-Rietvleistrop geheg is. Die voorste hoek se punt wys na bo en die boonste hoek wys na onder. Hengel met ‘n viskop Omdat jou twee hoeke die kop netjies vashou hoef jy nie rekgare te gebruik om die kop vas te hou nie. As jy die aas ingegooi het en die lyn styf getrek het, sodat die lyn reguit lê, moet jy seker maak dat jou katrol se koppelaar lekker los gestel word. Ek rol sommer so 8m lyn af en plaas my stok amper vertikaal. Maak altyd jou stok vas aan ‘n pen of iets anders. As ‘n baber jou aas gryp en jou koppelaar is nie lekker los nie, moet jy maar ‘n nuwe katrol en stok gaan koop. Gee die vis genoeg kans om die kop te sluk. As die lyn te styf is, is jou kanse goed om die vis te verloor. Groot babers trek soms die lyn net styf en dan sak die lyn weer. Wag geduldig. As ‘n baber eers die aas wil sluk sal hy dit doen. As hy dan wegtrek, het jy die vis aan die hoek. Land van ‘n baber Jy skep nie sommer ‘n baber met ‘n skepnet nie, so speel die baber totdat hy moeg is. Die persoon met die skepnet moet so staan dat die baber tussen hom en die hengelaar is. Die hengelaar bring die baber tot naby die oewer. Die persoon met die skepnet moet die net so hou dat sy opening ewewydig aan die oewer is. Hy plaas die net op die bodem. Die hengelaar laat sak sy stok se punt stadig totdat die baber begin wegswem. Die baber swem nou in die skepnet in. Tel nou die skepnet op. As die baber groot is, moet jy die net uitsleep tot by die oewer of jy moet die voorpunt met jou ander hand vashou as jy die net wil oplig. Oppas vir die tweede hoek. Dit kan in die skepper se bene steek of aan die skepnet vashaak. As die baber nie in die net is nie, kan jy hom dan verloor. JJ Kriek het die baber van 18kg met ‘n karpkoppie gevang.

VISKOPPE

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Ons lesers spog! / Our readers brag!

HENGEL MET SUPER CAST

FISHING IS A FAMILY AFFAIR: A 2-hour session @CR Swart Dam in Benoni

Riaan Alleman: Witbankdam saam met PIET POMPIES …

FK Specimen’s Peg #1 – What a ‘FISH’!

A. Van die oewer / From the bank

LOSKOP KURPER BONANZA 2023: ‘n Vol Dam en Warm Water!

Die Moddervis-strop vir Skelm Byte

FROM ZERO TO HERO – How do you become a top angler?

WCCSA – WATER VAN VERANDERING!

Ons lesers spog! / Our readers brag!

HENGEL MET SUPER CAST

FISHING IS A FAMILY AFFAIR: A 2-hour session @CR Swart Dam in Benoni

Riaan Alleman: Witbankdam saam met PIET POMPIES …

FK Specimen’s Peg #1 – What a ‘FISH’!

A. Van die oewer / From the bank

LOSKOP KURPER BONANZA 2023: ‘n Vol Dam en Warm Water!

Die Moddervis-strop vir Skelm Byte

FROM ZERO TO HERO – How do you become a top angler?

WCCSA – WATER VAN VERANDERING!

SOCIAL BASS FISHING: Remind Yourself Of The Good Times!

Von Du Rust is ‘Von-derlik’

THE BLUE ECONOMY

R550.00 per year

R55.00 per month

R399.00 per year

R40.00 per month

R399.00 per year

R40.00 per month