Voer Strategieë Vir Winter Toernooie – Wat Kan Jy Daaruit Leer?

Toernooi hengelaars moet in staat wees om gereeld aanpassings te maak om suksesvol kompeterend te hengel. Hier deel van die Pro Mania Reeks se top hengelaars hul winter voer en voer distansie geheime met lesers om hulle eie kanse langs die oewer te verbeter. Johann Beukes: As dit kom by winter hengel is my strategie so eenvoudig as moontlik. Hoe minder jy voer hoe meer gaan jy vang bloot agv die feit dat die vis baie minder aktief is en ook baie minder eet, want in die koue temperatuur is hulle metabolisme baie stadiger as in die somer. Ek sal ’n bietjie harder voer hengel en eerder wil hê die voer moet die vis net lok en my aas eet. In die winter is die tendens om wei visse te vang en nie kol vis nie. Daarom sal ek in die winter glad nie ekstra voer nie, met die uitsondering van oewers wat in die winter regtig bekend is om baie vis te gee. Andries Tiggelman: “Winterhengel is een van die moeilikste, maar beslis die lekkerste hengel waar elke hengelaar sy vernuf kan toets om die visse wat gewillig is om te wei, te kan uitoorlê. Een van die belangrikste aspekte wat ’n hengelaar in gedagte moet hou is sy grondvoer waarmee hy op die dag gaan hengel. Daar is verskeie bestanddele wat by die grondvoer gevoeg kan word, in my geval voeg ek gewone wit mielierys by voor ek my voer aanmaak. Ek voeg baie water by omdat ek verkies om met ’n sagte voer te hengel, dus as ek by die oewer aankom maak ek my voer eerste aan, nog voordat ek my hengelgerei begin opslaan. Dit gee die voer genoegsame tyd om al die water te absorbeer en behoorlik te bind.“In die winter byt die vis nie so aktief soos in die somer nie, so ek maak klein hoeveelhede voer aan want dit raak droog deur die dag, so as ek te veel aanmaak op ’n slag wil dit later nie meer blus nie. Ek verkies eerder om my voer meer gereeld aan te maak dan is ek verseker dat ek met vars voer die heeldag hengel. “Dit is altyd belangrik om op die regte afstande te hengel en seker te maak dat jy so gou as moontlik hierdie afstande identifiseer deur die loop van die dag. Kolhengel is ook een van die belangrikste aspekte in mens se hengel mondering, vir die eenvoudige rede dat hoe meer voer daar in die water kom op daardie spesifieke afstand, hoe groter raak jou voerkol en hoe vinniger sal die visse begin inbeweeg op jou voerkol. “Ek sal altyd voor ’n kompetisie my navorsing oor die spesifieke oewer doen, veral rakende die afstande wat goed werk, naamlik of dit ’n diep of vlak oewer is. Dit is ook belangrik om in die oggend as jy by die oewer kom te kyk op watter afstande die vis aktief is, want dit gee jou gewoonlik ’n goeie riglyn van watse afstande om te hengel. “In die winter byt die vis normaalweg op dieper afstande veral by ’n oewer soos Vaaldam, en dit is belangrik om gereed te wees indien jy wel op dieper afstande moet hengel. Ek het ook al ondervind dat in die winter die vis baie sensitief byt, wat beteken dat jy op die dieper afstande met ’n ligter gewig moet hengel en van fyner hoekasies gebruik moet maak.” Morné Mostert:“Hoe hard of sag my voer is hang af van die afstand wat ek hengel en byt tempo. Omdat die byttempo in die winter stadiger is en ek oor die algemeen in die winter dieper hengel, is my voer redelik hard. Hoe stadiger die byttempo, hoe minder kos wil ek vir die vis gee voordat hulle by my hoekaas uitkom. Ek sal soms my voerbal doelbewus so hard maak dat dit nie kan blus nie. Wanneer die byt tempo onder 30 minute is, sal ek met sagte voer hengel. Dit beteken die vis is aktief besig om te voer en dan soek hulle kos. Ek hengel dan met ’n klein aasveer (“spring”) bo die sinker sodat ek met baie sagte voer kan hengel.“Waar ek in die somer nie sal huiwer om gou ’n paar bolle te gooi nie, sal ek tweekeer dink voordat ek in die winter bolle gooi. Dit is ’n feit dat visse se metabolisme in die winter afneem, daarom maak dit vir my net sin dat jy in die winter minder voer. Een manier om minder te voer is om met kleiner bolle te hengel. “Watter afstand om te hengel is die een ding waaroor ek voor die tyd ’n paar oproepe sal maak. Vars inligting omtrent afstande is belangrik om ’n goeie “game plan” uit te werk. Ek wil my aas van die begin af in die regte areas plaas, veral omdat daardie eerste gooie in die winter dikwels meer as ’n uur kan lê voordat jy ’n byt kry. Ek sal nooit by die dam aankom en my afstande verander net omdat ek ’n paar visse op ’n sekere afstand sien spring nie. Vertrou jou “gut feeling”. Soms sê jou “gut” net vir jou watter afstand jy moet hengel. “Ons oewerhengelaars is bederf met die top gehalte voere wat in die mark beskikbaar is. Dit is nie nodig om enigiets by jou voer te gooi nie. Maar, wanneer ek ’n oewer soos Jacky Leonard by Vaaldam hengel waar modderbekke 90% van jou vangs uitmaak, meng ek ’n muddievoer. Hierdie mengsel bestaan uit semels, oats, morvite, wit mieliegruis en gewone droë voer. HENGEL ALTYD MET VARS VOER.” Bertie De Meyer: “Winterhengel is seker die moeilikste seisoen in die jaar om te hengel. Baie manne pak dus die visstokke weg in die garage, katrolle in die sakke, viskas onder die bed, maar inteendeel is dit vir my die lekkerste tyd om te hengel. “Hoekom ek so sê is dat winterhengel gee dalk nie so baie vis nie, maar dit gee die groter vis. My winter voer strategie as dit kom by toernooihengel is om steeds dieselfde voer te gebruik en niks by te voeg nie. Ek sal wel as die vis naby is my voer sagter maak deur meer water by te sit sodat die bal vinniger kan blus. Maar gewoonlik in winterhengel is die vis dieper so ek sal steeds met dieselfde voer hengel, net bietjie - die rede hiervoor is dat ek wil dit so hard as moontlik hê want ek wil nie hê die bal moet afval nie. Wat diepte betref: as ek nie vis sien speel nie, sal ek een stok so ver soos wat ek kan gooi, en die ander stok enige iets vanaf 120m en verder. “Gewoonlik in die winter is die vis nie baie aktief nie so ek sal nie baie voer nie, maar sal my stokke gooi en dit los vir 1uur 45minute. Dit hang ook af by watse dam ek is. Jou vis in die winter is nie baie aktief nie so soek ook nie baie voer nie, dis hoekom jy gewoonlik in die winter sal sien daar is ’n sekere tyd wat dit vat vir ’n byt’; as jy met ’n stophorlosie hengel neem dit gewoonlik 45 minute vir ’n vis om jou aas op te tel. As dit 1 uur 20 minute tot 2 ure en langer neem sal ek nie die stokke los nie want dan is my aasaanbieding nie reg nie. Dan sal ek begin fyner hengel en minder of glad nie van dip gebruik maak nie. “Wat distansie betref, sal ek kyk waar die vis draai en sal probeer of 10m voor of agter hulle hengel, maar ek sal nooit presies gooi waar die visse draai nie. Dit is winterhengel, die vis is sensitief en die geraas van die bal jaag die vis die skrik op die lyf.

Voer Strategieë Vir Winter Toernooie – Wat Kan Jy Daaruit Leer?

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Die Oewerhengelaar – INHOUD | The Bank Angler – CONTENTS

Hengel saam met RIAAN ALLEMAN

Sport Angling administrators SHOW their STEEL

Camp Master Cooler Range

1. FROM THE BANK | VAN DIE OEWER

WEERLIG – Moeder Natuur se kragtige verskynsel: Deel 1

Varswaterslakke as karpKOS

Gillnet ops at Rhenosterkop Dam

PRIM & PROPER …

Kul groot karpe so … maak jou stroppe onsigbaar

Die Oewerhengelaar – INHOUD | The Bank Angler – CONTENTS

Hengel saam met RIAAN ALLEMAN

Sport Angling administrators SHOW their STEEL

Camp Master Cooler Range

1. FROM THE BANK | VAN DIE OEWER

WEERLIG – Moeder Natuur se kragtige verskynsel: Deel 1

Varswaterslakke as karpKOS

Gillnet ops at Rhenosterkop Dam

PRIM & PROPER …

Kul groot karpe so … maak jou stroppe onsigbaar

LESERS | READERS: Stywe Lyne Tight Lines October 2024

Die Oewerhengelaar – INHOUD | The Bank Angler – CONTENTS

JUNIORS: Stywe Lyne Tight Lines October 2024

R550.00 per year

R55.00 per month

R399.00 per year

R40.00 per month

R399.00 per year

R40.00 per month

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Die Oewerhengelaar – INHOUD | The Bank Angler – CONTENTS

Hengel saam met RIAAN ALLEMAN

Sport Angling administrators SHOW their STEEL

Camp Master Cooler Range

1. FROM THE BANK | VAN DIE OEWER

WEERLIG – Moeder Natuur se kragtige verskynsel: Deel 1

Varswaterslakke as karpKOS

Gillnet ops at Rhenosterkop Dam

PRIM & PROPER …

Kul groot karpe so … maak jou stroppe onsigbaar

Related Articles

LESERS | READERS: Stywe Lyne Tight Lines October 2024

Die Oewerhengelaar – INHOUD | The Bank Angler – CONTENTS

JUNIORS: Stywe Lyne Tight Lines October 2024