Vra die kenners – Geheime?

“Wat dink jy is jou mededinger in ‘n kompetisie se geheim op ‘n dag wat jy nie so goed hengel nie en hy / sy hengel die vis raak gooi vir gooi? Hoe hanteer jy dit? Wat dink julle is die geheim vir sy/haar sukses?” Tom Ebersohn Vir my is daar vier aspekte wat ‘n verskil kan maak op ‘n betrokke dag. Eerstens kan die afstand verskil wat jy hengel teenoor jou mededinger, wat kan beteken dat hy op die regte lyn die vis optel. Indien so ‘n hengelaar op ‘n kantpen sit maak dit ook verseker ‘n verskil en dit het al menigmale gebeur dat kantpenne soveel beter doen aangesien daardie hengelaar nie die vis hoef te “deel” nie. Tweedens is die aasaanbieding ook belangrik en kan verseker ‘n verskil maak. Derdens kan die dippe wat aangewend word ook ‘n verskil maak en as jy nie die dip het nie kan dit jou kos, en gewoonlik deel hengelaars nie hulle aas op die betrokke dag nie. Laastens is dit belangrik om met die regte gesindheid dam toe te moet gaan. As jy positief opdaag sal jy ook goed vaar….. Morné Saayman plan”) hê voor hy/sy die dag gaan deelneem aan ‘n komp. Vrae soos wat doen die weer die dag, hoe diep gaan jy hengel, watse spesie gaan jy teiken maak alles deel uit van hoe jy die dag gaan hengel. Goeie game plan help dat jy in jouself glo en dit is die groot geheim van sukses. Bertie de Meyer Ek sal sê sy aasaanbieding is dalk beter as joune, of hy gooi in ‘n gaatjie veral soos by Bamboes in Bloemhofdam. Jy kan langs ‘n ou sit en hy hengel op 75 en jy ook, maar daar is sandbanke so jy lê dalk op ‘n sandbank waar jy dalk 80 meter moet hengel.om in die gat te kom, so speel altyd met jou afstand want daardie 2 tot 5 meter maak ‘n groot verskil. Let op na hoeveel dips hy hengel of hoe baie, of hoe groot sy aas aanbieding is. Hengel is ‘n dink sport - hou die ou langs jou dop as hy goed doen, mens leer altyd en die kleinste ding kan ‘n groot verskil maak Ulrich Sirgel AFSTAND, AFTAND, AFSTAND! Afstand is 90% van die tyd die verskil tussen jou en die hengelaar wat links of regs van jou sit en visvang. Ons kan tegnies raak en praat van hoeke, sinkers en stroplyne ens., maar op die ou end bly afstand die grootste faktor tussen jou en ’n mede hengelaar wat visgevang kry. Pas jou afstande aan, werp jou aas tussen tien tot twintig meter verder of nader. Maak gebruik van jou katrol se in “clip”; as jy nie daarvan hou om in te clip nie kan jy jou lyn merk met ’n kokipen, nou sal jy akkurate afstand aanpassings kan maak. Die geheim tot sukses is oefening en tyd langs kompetisiewaters; dit sal maak dat jy jou aanvoeling en besluitneming langs die water kan verbeter. Sterkte! Robert Breedt Persoonlik dink ek nie jou mededinger op daardie dag het ‘n “geheim” nie – hy/sy ken die oewer baie goed of het hulle huiswerk behoorlik oor die oewer gedoen. Dit mag ook wees dat hy/sy die vis raak gegooi het in die area waar hulle op daardie stadium gewei het. Daar kan soveel faktore wees wat ‘n rol kan speel. Hulle mag dalk in ‘n dieper area of vlakker area as jy hengel. Waar die geheim inkom, is om nie paniekerig te raak nie, en om kalm te bly. Hou jou mededingers dop en probeer vir jouself ‘n plan uitwerk om die vis aan die byt te kry. Dit is hier waar die meeste hengelaars harde bene kou en kop verloor of selfs opgee. Dit is op sulke dae en omstandighede waar jy diep moet gaan delf in jou hengelbrein en inligting uit die argiewe moet gaan haal om jouself uit die moeilikheid te kan hengel. Iewers in jou hengel-loopbaan moes dit al met jou gebeur het. Goeie en ervare hengelaars kan dit doen. Daar is nie ‘n geheim vir hengelsukses nie - dit is harde werk, baie hengel en deur ervaring kom hengelsukses. Jy moet baie huiswerk oor die bepaalde oewer insamel, met verskeie hengelaars oor die oewer gesels, aas inwin, aas aanbiedings, stroppe, voere, afstande, tipe visse wat meer as gereeld gevang word, tipe bodem waar jy hengel, ens., ens., ens! Gaan oefen die water voor die tyd as jy kan. Vereenselwig jouself met die oewer waar die kompetisie gaan plaasvind. Kyk wat om jou gebeur die dag met die kompetisie. Hou ten alle tye jou teenstanders dop. Wees absoluut aanpasbaar en maak voorsiening vir enige omstandighede wat hom mag voordoen.Glo in jouself en in alles wat jy doen. Andre Potgieter “Practice makes perfect” - hoe meer tyd jy insit hoe makliker maak jy dit vir jouself. As jy in moeilike omstandighede beland, kan jou kennis en ondervinding jou die dag laat wen deur die regte besluite te neem en om aan te pas by die dag se hengel. Geloof (in wat jy doen) en basics (doen die klein goedjies reg) en jy sal sukses behaal). En natuurlik bietjie geluk help altyd. Dis nie altyd maklik nie, soms sit jy op ‘n moeilike pen, maar as jy jou alles gegee het die dag en dit was nie goed genoeg nie, dan is dit maar “meant to be”. Jy kan altyd na die tyd sê ek kon dit of dat anders gedoen het. As jy ‘n gevoel het dat jy moet dan moes jy al twee gooie terug dit gedoen het voor dit te laat is. Jy as individu kan alleenlik vir jou die dag se uitslae bepaal. Moet nooit moed opgee nie of dink jy is te ver voor nie, tot dit nie verby is nie kan jy nog wen of verloor in die laaste minute. Philip van Wyk Ek dink nie dat daar werklik ‘n geheim is ten opsigte van wat jou mededinger doen op die betrokke dag nie. Daar is verskeie redes wat wel tot sy sukses van die dag kan bydrae. Sy voorbereiding en navorsing ten opsigte van die betrokke oewer is beter as joune ten opsigte van : Tipe strop en gewig.Aas aanbieding - floats , wurms, deeg.Vis weipatroon – afstand en byt tempo. Dan ook die belangrikste - die hengelaar se “ mental toughness” , m.a.w. hoe hanteer hy probleme gedurende die dag se hengel asook dan sy geduld, veral in die wintermaande. In ‘n geval soos diè probeer ek bietjie tyd neem om te kyk wat my mededinger doen langs my, probeer sy afstande bepaal , kyk na sy strop keuse. Ek sal baie maklik beide my stokke uittrek en eers iets eet, koffie drink en net weer my fokus terug kry en dan van vooraf begin. Daar is werklik net 1 regte antwoord vir die geheim van sukses, en dit is harde werk. Jy moet bereid wees om die ekstra myl te loop. Wat ek hiermee bedoel is, jy moet dam toe ry en jou gooi tegniek oefen. Afstand gooi met verskillende gewigte. Oefen jou kolgooi op verskillende afstande. Spandeer tyd met jou gerei, sorg dat dit skoon is, dat jy genoeg stroppe het, katrolle vol lyn is. Vir my is die heel belangrikste voorbereiding en selfvertroue. Barend Breedt As hengelaar is ek nie veel gepla wat rondom my aangaan nie; ek gaan altyd na ‘n kompetisie toe met ‘n doelgerigte wedstrydplan, en ek is ook iemand wat glo om vir my ‘n voerkol te bou en kan sê dat dit 90% van die tyd vir my op die dag ‘n goeie resultaat gee. Ek was al menige kere met 10+ vis agter die manne in ‘n kompetisie, maar deur my voerkol hard te hengel en gereeld voer daar terug te sit, haal ek daai vis maklik in, veral in die laaste 2 ure van ‘n komp. Een van my vriende (Loukie) het die gesegte dat jy nie ‘n kompetisie wen in die eerste uur nie, maar wel in die laaste uur, so glo 100% wat jy doen en hengel doelgerig daai plan, en dit sal werk. Maar daar is ook altyd daardie 10% van jou plan wat nie werk nie, en dan moet jy aanpas. Wat gewoonlik die probleem kan wees is afstand - as jy sien die manne langs jou vang op 50m vis help dit nie jy hengel altwee stokke diep nie, bring een nader en begin weer vir jou daar ‘n kol te bou. Of as die babers byt help dit nie jy teiken net karpe nie, hou altyd jou opsies oop. Laastens as jy met kwaliteit produkte hengel kan jy nie verkeerd gaan nie - ek glo net in Super Cast en dit bring vir my die beste resultaat op die einde van ‘n kompetisie. Kry ook ‘n hengel vriendekring wat jy vertrou en weet hulle sal vir jou akkurate inligting gee. Johan Pienaar Vertroue in wat jy doen tel baie. Die ander hengelaar hengel dus op die regte afstand met die regte aas aanbieding. Dit kan wees dat jy ‘n slegte pen getrek het wat net nie vis oplewer nie. Mens moet onthou dat vis moontlik voor hom is en weet dat vis ook na jou kan skuif. Hengel vernuf en gerei tel ook baie. Doen dus goeie voorbereiding en navorsing oor die dam voor jy gaan hengel. Probeer kyk watter afstand hy hengel en pas aan. Jonathan Carlson Voorbereiding dink ek is altyd die antwoord. Voor jy by die dam hengel probeer uitvind of iemand voor jou daar was. Ek dink die aas verskil altyd, maar as jy die lyn kan kry waar die vis wei sal dit baie help. Ek sal altyd net kyk waar die persoon gooi. Jy moet maar net kalm bly en op jou voete dink, as jy net by die "basics" hou en die lyne reg hengel sal jy ook vis begin vang soos die ou lang jou.