Vra Die Kenners

Henning Vosloo sê: Daar is een ding wat ek geleer het in my hengel - naamlik kry vertroue in die produkte wat jy gebruik. As ek by enige water aankom, sal ek altyd met die volgende aas en geursels begin. So maak nie saak waar ek gaan nie, ek sal altyd eerste my algemene kombinasies gebruik. Ek sal my dip kombinasie op die voerbal gooi en dan op my hoeke sal ek begin met ’n mieliepit op die onderste hoek, en op die boonste hoek sal ek ’n floatie en ’n degie laai of net ’n floatie. Ek sal altyd begin met ’n piesang en wintergreengeur en ook ’n pynappel en bunspice geur. My mieliepit sal altyd dieselfde geur wees as my hoof-geur op die voerbal en my floatie sal ook of die hoof-geur wees of anders altyd ’n knoffel-floatie. So sal ek rond speel tot ek dan sien wat die vis lus is om op te tel op die dag. Ek het hierdie bewys deur met verskillende vervaardigers se produkte te hengel maar my gunsteling kombinasies te gebruik met hulle produkte. Uit die antwoorde hier bo is dit duidelik dat daar aanpassings gemaak word slegs wanneer dit nodig is. Groter visse is byvoorbeeld een van daai redes, dink mooi oor die aasaanbieding sodat dit gepas is vir die venue en spesie waarvoor jy hengel. Christopher Pelser sê: Deciding on a bait to start with can be pretty difficult and is very dependent on the venue, target species and time of year. Muddies: I normally fish for muddies with a sweet white dough on small hooks (0.5-0.8). Carp & Muddies: I will always start with a floatie (Banjo, Legend or Vampire) and long fine dough on one hook and either a worm (in the rainy months), or a mielie (garlic, Cina 1 or plain) on the other. I normally fish for muddies with a sweet white dough on small hooks (0.5-0.8). Catfish: I like to use red worms (7) on one hook and snake worms (3) on the other. I like to dip one of the worm bundles in Ming or Duiwelsdrek. Erdwurms as hoekaas kan fantasties wees op die regte tyd en by die regte plek. Erdwurms is ’n natuurlike bron van voedsel vir meeste visspesies en veral gewild onder kompeterende hengelaars. Jan Tolmay sê: Ek begin altyd waarmee ek die meeste selfvertroue in het, byvoorbeeld: ’n Geel floatie onder, en skoon soet witdeeg bo, wat ek later sal wissel met ’n ander soort floatie of ’n wurm. As ek weet die dam se visse hou van wurms, sal ek in die plek van die float ’n wurm op sit met ’n skoon soet witdeeg op die boonste hoek. Wat die aanmaakproses van voer betref word daar presies verduidelik in meeste gevalle, maar bymiddels in die voer blyk asof dit minder gewild is onder oewerhengelaars. Yolande Willemse sê: Ek begin altyd met dit waarin ek glo, gewoonlik is die diep stok links en ek sal begin met Hasbeen, Stutts en FX op die voerbal. Op die boonste hoek is net ’n soet wit degie en op die onderste hoek is ’n sagte floatie soos Vampire, Stutts of Pampoenpitte. Regs is my naby stok met Devils Fork en FX. As dit stil raak gooi ek gewoonlik ’n klein druppeltjie "Sweets" op die voerbol. Hoekaas bly dieselfde. Tokkie Burger sê: Ek sal altyd op een van die hoeke net ’n skoon, wit floatie sit en op die ander een ’n soet wit degie.As dit nodig is sal ek ’n floatie saam met die degie opsit. Ek sal dan die grootte en lengte van die deeg varieer om sodoende die byt tempo op te kry. ’n Dam soos Bloemhof se karpe verkies ’n growwe deeg met ’n backing, en Vaaldam weer ’n baie klein degie. Die gevolgtrekking wat ons van die antwoorde hierbo kan maak is dat ons paneel van hengelaars net soos baie ander hengelaars daar buite ’n eenvoudige benadering vir hulle hengel volg ongeag van die venue, en slegs veranderings aanbring soos die omstandighede dit vereis. Byvoorbeeld, wanneer daar vir groter visse gehengel word sal hulle die aas effens groter aanbied op die hoek omrede die groter visse oor die algemeen meer aggressief wei spesifiek by plekke soos Bloemhofdam. Wanneer ons egter kyk na die Vaaldam is dit duidelik dat die benadering heelwat verskil, met fyner en kleiner ase aan die orde van die dag omrede daar hoofsaaklik vir kleiner visse gehengel word. Elke venue verskil, hou daarom jou benadering eenvoudig. Dit is ook duidelik dat meeste hengelaars nie te veel geure en kleure op hulle hoekase wil gebruik nie, en eerder net ’n standaard handhaaf van slegs ’n paar spesifieke geure en kleure – dit is waar die ervaring van hierdie hengelaars geopenbaar word. Dit is oor al die jare van aktiewe hengel getoets en deur en deur het dié spesifieke geure en kleure hulself oor en oor bewys. Dit is dan ook die rede waarom meeste van die paneel van kenners dit noem dat hulle hul dag se hengel sal begin met dit waarin hulle glo of gemaklik mee is. *Volgende maand gaan die reeks verder - “Wat is die korrekte proses om jou droëvoer aan te maak?” is die vraag waarop ons paneel van kenners moet reageer. Met hul kennis en ondervinding gaan hulle uitbrei oor die onderwerp om sodoende vir lesers meer insig te verskaf.