Zero tot HERO

Thian van Zyl gesels met André van Zyl. André van Zyl is in meeste gesoute hengelaars se oë ’n relatiewe groentjie. Hy is een van daardie pa’s wat eintlik net eers taxi gespeel het om ’n ywerige hengelseun telkens by die water te kry. So besluit hy later om dalk ook ’n stok op te tel en die hengelding te probeer. Maar die hengelgogga byt hom toe behoorlik, en kort voor lank is dit klubkomps, liga’s, Pro Mania’s, ensomeer. Soveel so dat hy toe ook sommer kwalifiseer vir die semi-finale en hoog op die ranglys sy plekkie uitkap – en op die koop toe die 'pro'-hengelaar (Thian) op ’n paar kompetisies uitstof. Maar soos die noodlot dit wil hê, is daar so ligte terugslag wat hom ver terugsit, en hy moet met hierdie teleurstelling vrede maak. Thian het met hom gaan gesels oor sy vinnige pad van Zero tot Hero, en ook oor die paar slaggate op sy pad. “Jy moet jou terugslag gebruik as motivering om vir jou doelwitte te stel om weer uit te kom waar jy was toe jy terugslag ervaar het.” THIAN: Waar het jou liefde vir hengel begin? ANDRÉ: Van skool af, toe ek nog baie klein was, maar nie varswater nie. Ek het eers begin om in die see te hengel omdat my pa ‘n werk gekry het in Gansbaai en daar het hy onder Gansbaai se vissermanne geleer visvang. Hy het na ‘n rukkie terug Karoo toe getrek en hy het sy liefde vir hengel behou en elke vakansie het ons die geleentheid gebruik om vis te vang, en so het hy my en my broer saam gevat op die rotse en lagoons ensomeer. My eerste visstok was ‘n kompeterende hengelaar se stok wat tweedehands gekoop was in Knysna, omdat ons nie ‘n nuwe stok kon bekostig nie. Met daardie stok en ‘n ou Penn-katrol het ons in die Karoo se sindikaatdam en in Verwoerd-dam gehengel, waar ek my eerste groot karp gevang het op ‘n vreeslike groot brooddeeg en mielies. Ons was so ingestel op visvang as ontspanningsaktiwiteit dat dit my amper my Matriek gekos het. Die skrywer, Thian van Zyl en hierdie maand se hero, sy pa André van Zyl. Kompeterende hengel se liefde het begin waar ons jou (skrywer) elke keer afgelaai, bygestaan en gekyk het. Ek het besluit in plaas van kyk, kan ek net sowel saam hengel. So het ek in 2020 saam met Thian van Zyl by ‘n klub aangesluit en ek het vir my die top 50 dips in die Super Cast-reeks gekoop en ‘n Sensation-kas en alles wat ek goed gedink het nodig sal wees. So het die kompeterende hengel begin waar my eerste kompetisie by Rietspruitdam was en van daar af Elites en my eerste provinsiale proewe wat my in die D-span laat opeindig het. Ek was blootgestel aan die kol- en vergooikompetisies en so het ons die medaljes ingebring. So het ek my eerste borg gekry by Super Cast in 2023 en ook in 2024. Ek kon in die twee jaar elke keer in die Top 30 van die Meesters eindig, maar dié jaar staan dit meer uit want ek lê in die Top 8. Saam met Schalk van Breda (middel), ons Super Cast-borg. THIAN: As persoon wat baie vinnig deur die range van hengel in die Pro Mania geklim het, wat is die sleutel agter die sukses en wat het jy gedoen om vinniger vordering te sien in die sport? ANDRÉ: Ek het baie video's gekyk op Facebook en You Tube soos die verskillende handelsmerke hul wenke en raad opsit, en ek het ook by jonger mense geleer. Ek het ook deelgeneem aan so veel as moontlik kompetisies by verskillende oewers om sleutels tot dieper oewers en vlakker oewers van elke dam te kry. Daar waar ek verloor het, is waar ek ook leer wen het. Ek het myself laat touwys maak deur jonger en ouer mense, veral die jonger hengelaars, al het ek wel baie jare se ondervinding van sport op provinsiale vlak. Hengel het sy eie kultuur en meganika en ek moes baie daarby aanpas. Ek het die waarde van kolgooi gesien en wou graag beter daarin raak, want ek glo kolgooi is belangriker as dips en aas. Nederigheid was een van die grootste dinge wat ek moes leer, want dis nie altyd die opponent wat jou wen nie, dit kan ook die natuur wees wat jou wen. THIAN: Jy het onlangs ‘n besering ervaar wat jou hinder om regtig uit te gaan en te oefen en te hengel soos jy wil. As sportman van baie jare, wat is die mentaliteit van ‘n terugslag, of dit nou gesondheid, finansieel of geestelik is? Wat is dit wat ander kan doen terwyl hulle nie kan hengel nie? ANDRÉ: Die eerste belangrike ding is om te weet jy sal nooit jouself in beter hengel in kan koop nie. Blink Jannies vaar nie altyd beter nie en so moet jy verstaan dat beter gerei kan help, maar as jy reeds goeie gerei het lê die fout nie altyd by die gerei nie, en om nou nuwe gerei te koop en dink jy sal beter vang, gaan die geestelike aspek net swakker maak en die mentaliteit net meer seermaak as daar nie sukses kom nie. Tydens 'n klubkompetisie vir Vaal Reefs by Klipdriftdam. In 1989 toe ek op die top van my atletiek was om Griekwaland-Wes toe te gaan, het ek my dyspier geskeur. Ek het daardie tyd ‘n afrigter gehad wat van Noord-Transvaal af gekom het en sy het my geleer dat “jy moet jou terugslag gebruik as motivering om vir jou doelwitte te stel om weer uit te kom waar jy was toe jy terugslag ervaar het”. Daardie mentaliteit het ek gebruik toe ek geval het met die Cape Argus in 2002, ek het dit gebruik tydens die terugslag met my skoueroperasie en my knie-operasie. Soos nou met gebreekte ribbes, sit ek nie en doen niks nie, ek hou tred met hoe die mense vang, hoe die oewers verander. Ek het ook aangehou kolgooi, al is dit in die agterplaas; ek het stroppe gebind en bly video's kyk wat die dipmaatskappye uitbring en geestelik voorberei asof ek die oewer die naweek gaan aanpak. Ek kon dit nie fisies doen nie, maar in my kop het ek probeer deel bly van die sport. Ek moes aanpas met die klein treë in hengel waar ek weer naby moes hengel omdat ek nie ver kan gooi nie, en dit het my nou al ‘n paar keer bewys: ek hoef nie so ver te gooi vir sukses nie, en dít dra by tot my wenmentaliteit. THIAN: Wat is jou stappe tot herstel om die kwaliteit weer te kry waar dit moet wees of om beter te wees? ANDRÉ: Die eerste herstel is die herstel in jou kop: jy moet sê “ek het, so ek kan weer”. Vir ‘n geestelike terugslag is daar geen rede om nie weer te kan kom waar jy was ‘n paar maande terug nie. Die tweede ding is om jou besering of terugslag te respekteer en stelselmatig te werk tot waar jy was. Kort hengel, sosiaal hengel, kleiner vis en nie skaam wees om hulp te vra nie. Jy het my byvoorbeeld gehelp opslaan en skep en nette dra en die bakkie pak en dit help mens in daardie tyd om weer in ‘n ritme te kom. Die derde ding is om weer te oefen. Oefen weer kolgooi agter in die agterplaas en dan weer 60m op die veld en dan 100m en so aan, al kan jy nie water toe gaan nie. THIAN: Wat is vyf wenke om die regte mentaliteit te hê as jy nie kan doen wat ander om jou doen nie, en hoe kan jy die oewer benader tot jou guns? ANDRÉ: My vyf aksies wat jy altyd kan doen om meer plesier in hengel uit te bring: Wees dankbaar: Jy het die voorreg om normaal te kan hengel sonder spesiale hulp, jy’t arms en bene, en die belangrikste is jy is in die Here se natuur en dit is klaar ‘n groter voorreg as ander s’n. Swak prestasie kan deel wees van jou voorbereiding: As jy by ‘n oewer opdaag sonder dat jy huiswerk gedoen het, of jy het vir ‘n hele rukkie nie gereeld kon vang nie, of jy het nie geoefen nie, kan jy nie kwaad wees vir enige iemand anders as jouself nie. Daar is ‘n logiese rede hoekom dit swak was en dan gaan jy terug na die eerste wenk en besef hoe geseënd jy is om te kan hengel. Oefen: Oefen is nie om elke naweek te vang nie; jy kan jou kolgooi oefen, jy moet jou mentaliteit oefen, jou kennis oefen en video's kyk. Gaan ou taktieke deur en lees ander hengelaars se hengelartikels. Om deel te word van ‘n klub: Al hengel jy net sosiaal en nie eers kompeterend nie, kan jy ten spyte van reëls skoner en gemakliker oewers geniet. Om deel te raak van georganiseerde hengel sal dit dan lekkerder raak en jy kan met kenners in die sport die kleiner tegniese punte leer wat jou hengel na hoër vlakke kan vat. Dra jou kennis oor: As jy iemand anders iets kan leer (nie spoggend nie) het jy sonder dat jy weet ‘n geestelike hindernis oorkom wat jou pad na sukses net vinniger sal laat gebeur.

Zero tot HERO

DIE KOP VAN ‘N KAMPIOEN

KEEP FISHING ALIVE: If you like our work support For Anglers’ journalism with a digital membership!

Premium Digital

Read Next

Baberhengel by Bloemhofdam – Dis die vraag: Aas of kunsaas?

HIER GAAN ONS ALWEER skop af … vir die 23ste keer!

ANGLING ON TELEVISION: Hier Gaan Ons Alweer Series 23 kicks off!

VAN DIE OEWER | FROM THE BANK

Wees veilig by riviere en damme

‘n Volledige Gids van die Varswatervisse van Suider-Afrika

Hengel ‘PIGGY’S’ saam met FRIK & RIËTTE

Seisoensgroete | Season’s Greetings

Re-setting rigs

VAN ZERO TOT HERO – Veteraan van formaat

Baberhengel by Bloemhofdam – Dis die vraag: Aas of kunsaas?

HIER GAAN ONS ALWEER skop af … vir die 23ste keer!

ANGLING ON TELEVISION: Hier Gaan Ons Alweer Series 23 kicks off!

VAN DIE OEWER | FROM THE BANK

Wees veilig by riviere en damme

‘n Volledige Gids van die Varswatervisse van Suider-Afrika

Hengel ‘PIGGY’S’ saam met FRIK & RIËTTE

Seisoensgroete | Season’s Greetings

Re-setting rigs

VAN ZERO TOT HERO – Veteraan van formaat

STYWE LYNE TIGHT LINES January 2025: My Turn | My Beurt

Baberhengel by Bloemhofdam – Dis die vraag: Aas of kunsaas?

HIER GAAN ONS ALWEER skop af … vir die 23ste keer!

R550.00 per year

R55.00 per month

R399.00 per year

R40.00 per month

R399.00 per year

R40.00 per month